حجر النرد ......
زينب علي .......
..............
سفانه ......
..........
وره وفاة ابويه تبهذلت وحياتي صارت ملك لخالد . مره ما املك لا وضيفه ولا مال خاص ولا زوج الي ينفق عليه .
كل الي عندي راتب يعرب الله يرحمه مخليته لابني ...
كل هاي السنين الي عاشتها آمر بعد السنه السحيقه الي شردت بيها من البيت جانت عايشه وحدها معتزله تماما وبدت تسلط نفوذها وافكارها على بناتها .
ومشروع الزواج من غني ... جان حديث كل بناتها ختى الطفله....
حتى الي عمرها ٧ سنوات تكول اني اذا كبرت اتزوج موضف حتى إذا مات يصير راتبه اليه ...
اشوف شبابهن يضيع وطفولتهن تدمر وافكارهن مخربطه .
والدسيسه من الشيطان امهن....
حاولت اخذ ابني واشرد بي بس جان الوضع المادي ميساعدني ...
لحد ما قررو يبيعون البيوت والحصص ويقسمون الورث ....
وانتقض خالد وهو يخيرني بين حصتي وحصة يعرب ...
سفانه : انت شنوووو مال ايش جاي تساوم حصتي وحصة ابني لا شرع ولا قانون يبيحلك تتصرف هيج ....
خالد : اني متضرر وانتي تدرين مطلوب كومه ....
سفانه : اني اعرفك ما بيك حظ والفلوس راح تكرطهن آمر... بس ميخالف اني اساعدك وانطيك جزء من حصتي ...
خالد : شوفي حصة يعرب اشتري بي بيت واسجله بسم ابهر ابنج وحصتج هم ...
سفانه : لا ... انطيني الفلوس واني اتصرف ....
خالد : ميصير ... لو اشتريلج بيت لو ماكو فلوس ...
سفانه : هو بكيفك يعني ؟؟؟ خالد انت ليش تخلينه نتخارب من وره هلموضوع .. انت بس الوحيد ضليت من اهلي لا ام لا ابو لا اخوان بس اني وياك ليش تخلي هلموضوع يخاربنه ....
خالد : والله بيت فله راح اكعدكم بي . يس فلوس ما انطيج ...
سفانه : وليش يعني ....
خالد : انتي مره ويضحكون عليج وابهر لسه بالمحكمه قاصر اله بيت بسمه ....
جان بداخلي اكو فد شي يحسسني انو هو جذاب . وابد ما اثق بكلامه وقررت اسأل بدون ميدري واراقبه من بعيد ....
.............
ابهر.....
......
بلضبط بسنه ٢٠٠٦ ... جنت ارجع من دوامي وبدون متدري امي نروح للقاعه جانت القاعات ستوها مفتحه وبدايه إقبال عليها ....
مدرب القاعه شافني واجه عليه ... فؤاد ....
كول كابتن ....
المدرب : وي هذا طولك يصير عندك جسم شكاكي ... لتعوف التمرين ....
YOU ARE READING
حجر النرد 🔞
Romance@Lo__94__94 #زينب_علي بين خلايا السحر الأسود وقضبان الشعوذه يعيش الحب الازلي الدائم مخلدا ليعيش كملحمه تاريخيه ....
