حجر النرد ......
زينب علي ......
........................
نظرات غريبه مرتبك هو يدخل ويدكن راسه ويحاول يشتت انتباه عيونه بكل وسيله حتى ميباوعلي ....
سلام عليكم .....
رديت السلام باستعجال: وعليكم السلام تفضل ...
بديت افتح اديه اراوي مكان الجلوس . تفضل تفضل . وهو محتار وين يروح ...
خالد : لا اني ما اتأخر بس اجيت على حساب الطفله ...
خابت آمالي وما اعرف شلون خلاني احلم احلام اكبر مني واتصور يجي يوم ويتقبل وجودي بحياته ولو مره بلسنه .....
شلت الطفله بيدي و وكفت محتاره اخليها بحظنه خاف يستنكف....
شافني وشال ايده وكال جيبها خل اشوفها ...
رحت راكضه انطيتهيا وهي جانت مرتبه وريحتها طيبه باوع عليها . وضحك : هاي مو علينه هاي تشبهلج ....
نزلت راسي عرفت شنو قصده اريد إداري كسرة كلبي ....
كام بسرعه : يلا هاج هاي الفلوس واني كل فتره آمر عليكم ....
رجعت الفلوس : لا عندي مشكور متقصرون .
باوعلي : شنو عندج اخذي جاي اكلج . اني لازم ارجع تأخر الوقت ...
اخذت الفلوس منه وطلع مستعجل . خالد جان هاي اول مره احس بي خالد الطبيعي بدون تأثير آمر ... ومع هذا حسيت خوفه مسيطر عليه لا تسمع بخبر جيته اليه ...
يحاول يضحك وياي بس ضحكته صفره مثل الي متراقب ...
.
.
.
.
....................
ابو يعرب ....
.............
فوك ضيمي فوك ما هسه انتي اجيتي وطحتي متكليلي شبيج ....
يصوت يلهث ما كاد ينسمع من قوه الالم .
ام يعرب : ما ادري . .... إن شاء الله أديت واجبي بهاي الحياه ان شاء الله ما اتحمل خطيه أولادي ....
ابو يعرب : همه الي اختارو وكبار مو صغار ....
ضحكت ودمعتها نزلت على جوانب عيونها : اني لسه اشوفهم أطفال ....
حاتم ... حا .. حاتم الله يخليك اريد اشوف سفانه . وديني الها ..
وين صحتج هسه انتي متكليلي شلون اخذج ....
رحت بسرعه اتصلت على احمد وبلغه بوضع ام يعرب الي تعب فجأه ورفضها بروحه المستشفى ..
استجاب اليه وخلال ربع ساعه جاب سفانه واجه ....
.
.
.
.
...............
سفانه ...
........
طهور ابهر جان شرخ بكلبي .. بجيت بجيت بجيت حد ما عيوني كامن يغوشن وبدأت تنحجب الرؤيه عندي ...
واني اتوسل بأمي: يمه الله يخليج بعد ما عندي حيل كليلهم خل يخلصون ابهر راح يموت بديهم ....
أنت تقرأ
حجر النرد 🔞
Romance@Lo__94__94 #زينب_علي بين خلايا السحر الأسود وقضبان الشعوذه يعيش الحب الازلي الدائم مخلدا ليعيش كملحمه تاريخيه ....
