حجر النرد 🔞

البارت الاول سنه ١٩٨٥

حجر النرد ....

زينب علي .....

.........

اسمع صورت الاذان عالي . كأنو قريب من اذاني يدوي ... اول مره احتاج الله سبحانه وتعالى واحس روحي بعازة سند قوي ومالي غير الله سند بهذا ضرفي الي ما متوقعه بيوم من الايام ترجع الايام لمجاريها وتعود الضحكه بحلكي ....

نايمه بلفراش احس عضامي توجعني والثكل يموتني . واسمع صوت امي وهيه تكوم لصلاه الصبح . وتبدي يومها وي الاذان . وتكول اصبحنا واصبح الملك لله...
يا ربي يسر امورنا وسهل حياتنه ... يا ربي من رزقك وحلالك الواسع ارزقني واترس جفي ... يا مسهل الامور يا ربي ...
وراحت توجهت للسنكي واسمع صوت الماي يدوي باذاني ... وهيه تتوضه للصلا واستعدت وقبل ما تبدي نادتني : كومي يوم كومي يبعد امج صلي واذكري الله بركعتين واكلبي قضاء حاجتج كومي يمه ...

لفيت روحي بلبطانيه حيل ما عندي طاقه احط عيني بعينها ابددد .. تعبت وسهرت واشتغلت وجازيتها بصخام الوجهه ....

خلصت صلا ... ورجعت صاحاني : كومي يمه كومي حبيبتي . كومي يبنيتي ... كومي توكلي على ربج وربج ميخيبج ابددد كومي .....

كمت من الفراش واكتفيت بالقاء السلام بدون حتى ما اباوع الها شارده بوجهي من عيونها ونظراتها ...

توضيت وصليت وبده فلم حياتي ينعرض عليه اثناء الصلا وكأن الشيطان يريد يخليني افقد عقلي او الي ضااال من عقلي انهيت صلاتي بعجله ... ودعيت ربيييييي ارحم بحالي لو تاخذ روحي لو تشوفلي حل كلشي بيه مو طايقني ......

وكامن دموعيني ينزلن وحده وره الثانيه....

شويه ودخلت امي تصيحني : تعاي يمه الدنيا تمطر ... وابواب السماء مفتحه والدعاء مستجاب . ادعي وكليله يا ربي ألف كلبه على كلبي وردة اليه سالم .. .

انفجرت بلبجي واني احجيلها : مو بيدي يوم والله ١٦ يوووم ضبط ١٦ يووووووم احس روحي بدوامة وما اعرف شلون اطلع منها ... بس الله يدري شكد مشتاقتله وانتظر يخابرني ....
مليت على كد ما اباوع بلموبايل اكول بلكي يحاجيني واني ممنتبها ....

تنهدت امي بقهر : اييي عليمن اطلعن يكولون اقلب القدره الى تمها تطلع البنت لمها ... يمه احنه مشلوعات كلب من الله خلقنه ...
هاي شوفت عينج كضيتها كلها بشلاع الكلب وامي هم نفس الشي .... شسوين هاي كلها اختبارات النه بلدنيا لعد شلون ننجح بيها ... اهم شي الستر خلي الله يسترنه كلشي منريد ....

وي حجايتها احس كلبي رجف . ونغزات ابطني توجعني ... اااخ يا ربي دخيلك ... هذا املي الوحيد لا تحرمني منه ... هو هذا الصله الوحيده بيني وبينه ....
دخيلك ربي ....

شافتني امي لازمه بطني . كامت تقره قل هو الله احد وتدعي لحد ما خف الالم ....

بجيت بحظنها : يمه اني ليش هيج صار وياي ليششش ....