حجر النرد .....
زينب علي ......
.............
ابهر .....
......
اني فؤاد هذا الاسم ما عرفته اله لمن سجلوني بلمدرسه . اني ابهر ... امي سمتني ابهر تكولي اسمك يعني شريان الحياة ....
هلواحد لأمي . جان اسمي يثير عندي الشكل فؤاد يعرب حاتم من جنت صغير جنت احس اكو خطأ بلموضوع وتقارب اسمي وي اسم علياء خالد حاتم وامي سفانه حاتم .
واسأل امي بأستمرار : اسم ابوج نفس اسم جدي منو ابويه ؟ شلون شكله صدك عيونه زرك صدك يشبهني ...
كثرة اسألتي خلت امي عاجزه عن حل هلموضوع ...
ذكي وفطن ونبه هاي الصفات الي اكتسبتها من ابويه الله يرحمه . حسب ما جانت تكول ...
ولحد ما يوم من الأيام وجنت بلخامس ابتدائي قررت تعرف اليه بعظ ما اجيتها ابجي
ماما : شنو يعني نغل ؟؟؟
جمدت وهي تباوعلي : منين سمعت هالكلمه....
شو مرة خالي تكولي امشي ولي منا نغل ....
بسرعه طفرت من مكانها وهي شايله الجفجير وتركض الها لحد ما طفرت عليها مثل اللبوه المفترسة تريد تكطعها تكطيع ....
جانت آمر اكثر قوه من امي ذاك الوقت لكن اعتقد انو الحافز الي طلعت بي جانت بقدره خياليه . فما كدرت آمر ادافع عن نفسها وتلقت ابشع الضربات من امي لحد ما فاككم خالي خالد وهو يكلي ولي منا يلا روحي اخذي وطبي بغرفتج كفرت خمو كفرت ....
وامي تتوعدها تذبحها على قبله اليهود اذا طختني بحجايه ... اني بوقتها ما جنت اعرف شنو قبله اليهود ولا اعرف عمق هاي الحجايه الي كالتها اليه ... بس حسيت بلفخر انو الله رزقني بهيج ام مقاتله من الدرجه الاولى ...
اول ما رجعت طبت للغرفه وهي تفتر وتحمس : ما شفيت كلبي بيها ... اني الها اله اذبحها اله اكتلها الي ادك بيها دكه ما صارت ولا دارت ...
وضلت لحد ما هدأت حاولت اسألها : هي شنو معناها هالكلمه....
معناها سخيف مثل راعيتها النغله لو هي نغله متحجي هلحجايه ....
توقعت هلموضوع اله علاقه بلاعظاء الداخليه لجسم البنات واستنتجت انو هي شبهتني بلبنات فسديت هلموضوع . ما عرتله اي اهتمام ....
مرت الايام والصدفه كانت خير من ألف ميعاد اطيح بأيدي جنسيه امي ... وجنسيتي بلجارور واقره اسم الام رزان حنه ...
سألت امي : يوم شو اني جنسيتي مكتوب بيها اسم الام رزان حنه .
تلعثمت هواي وبدت تبجي وهي تعترف اليه أشد اعتراف : صح اني محبلت بيك بس اني والله ربيتك من اول متوفت امك ...
بهذا الوقت مجان عندي الإدراك الكافي حتى افتهم هلموضوع . او بألاحرى عندي امي مكفيتني بلحنان فما جان الموضوع عندي اله هلاهميه ...
ŞİMDİ OKUDUĞUN
حجر النرد 🔞
Romantizm@Lo__94__94 #زينب_علي بين خلايا السحر الأسود وقضبان الشعوذه يعيش الحب الازلي الدائم مخلدا ليعيش كملحمه تاريخيه ....
