حجر النرد....
زينب علي.....
.................
الكلام موجه للبعض 🚫🚫🚫
اي تجاوز يصير بهذا البارت ولو حتى بسمايل راح احظر .... واي تعقيب على كلام ام رزان بسوء راح انطي بلوك .... رجاءا بدون مشاكل
.................
نهايه الشهر العاشر والي تنذر بأقتراب البرد والشتاء الممطر ... وصوت الهوه الي يخترق اعمده الكهرباء ويبدي بي دوي مثل صوت البوق ...
وتساقط الاشجار واوراقهن الي ترسن الحديقه ... الساعه ب ٦ العصر اكثر وقت اكون بي متضايقه وضايجه واحس كلبي مقبووووض والنفس كوووه اسحبه....
الم يسري ابطني وعاده مختفيه ما اجتني من الشهر الثامن قبل لا ينزل يعرب .
نزلتها وجنت ناويه اسوي طفل جنت متوقعه هلطفل يثبت علاقتي بي اكثر ....
نزلن دموعي واني اشوف كلشي صار عكس توقعاتي كلشي صار عكس ما اريد وغصبا عن ارادتي .
مخليه ايدي على بطني واسأل روحي يا ترى شراح اسوي ....
شلون راح اثبت هذا الطفل ابن يعرب .... ويدور الفكر براسي واسمع صوت فكري يكلي نزلي المن جايبته؟؟؟؟
طفل بدون اب .... شلون راح يعيش ؟؟؟
وصوت ضميري يكلي راح يصير ابن الخطيئه ومحد يعترف بي .... واسمع يكلي الكلمه بصريح العباره نزلي نزززلي .....
نزلت دموعي وخارت قواي ان اتحمل هلالم ألم الفراق الم ضمير الم طفل سكن بأحشائي ما عندي قدره لتربية شافتني امي واجتي تركض ، رزززان ماما شبيج وبدت تضربني على وجهي ....
جنت احس نفسي سامعتها بس لساني ثكيل ميرضه يتحرك ....
فتحت عيوني واني حسيت روحي منتهيه . جاوبتها بتعب : خايفه ماما ....
جاوبتني بحنانها: الرب نوري وخلاصي! ممن اخاف ؟
الرب حصن حياتي! ممن ارتعب ؟
شبكتها حيل وهيه تهمس بأذاني : انتي ارتكبتي خطيئه ... ارجعي للكنيسه .....
ابتعدت عنها واني اصرخ.... كل خطأ مرتكبت اني حبيت اتركووووني بحالي مسويت جريمه .....
حاولت تحجي وياي : بس ماما....
قاطعتها : تركيني . اني مقترفت كل ذنب ولا خطيئه..
صاحت بوجهي : الي سويتي خطيئه .
ضليت اصرخ مثل المجنونه . مو خطأ اني مو جاهله والإنجيل يكول اخضعن لازواجكن كما يليق في الرب .
ويعرب زوجي ... وما جبرني اغير ديانتي ... وحبني واهتم بيه وقدملي روحه
اني حتى انطيته الصليب ولبسه ليش تجرحيني بكلامج وتأذيني ..
YOU ARE READING
حجر النرد 🔞
Romance@Lo__94__94 #زينب_علي بين خلايا السحر الأسود وقضبان الشعوذه يعيش الحب الازلي الدائم مخلدا ليعيش كملحمه تاريخيه ....
