حجر النرد 🔞

٨

حجر النرد .....

زينب علي ......

.
.
.
.

ليللللللل وضلااام وعتمته معروفه واسال نفسي من الاسود هذا الليل لو حالي اني ....

داورت بمخدتي يمنه ويسرى وكلبتها من كل كتارها اريد تغمض عيني ماكو . ااااخ يا ربي .
اويلي منك شخليت بحالي  .  اذا اني بلنهار ميته عليك . شيغمض جفتي بلليل واني تعلمت على حظنك الدافي ..

مديت ايدي على موبايلي.  واتصلت بيه ....
واسمع الشركه بدت بنغمه : المشترك مشغول مكالمه اخرى يرجى الانتظار ...  ويت ذكستمر از انكيجت وذ انذر كول  بليز ويت ...

جن جنوني وفقدت كل ذره عقل عندي دموعي يوكعن ع الموبايل ما خلتني اسيطر واشوف الاشعار ينطيني انتظار رعشت ايدي خبلتني وما عندي قدره حتى الزم الموبايل نفسي يصعد وينزل وضليت ادك بدون وعي مثل المجنونه .

يا ربي ما عندي قدره بعد اتحمل . دزيتله رساله . والله راح اشمر روحي من السطح اذا متجاوبني ...
ما اكلك لخاطري لخاطر يوم واحد عشت وياي وانت متاكد من حبي الك . بس جاوبني .....

وصليت ادك اتصال باثر اتصال لحد ما صار الموبايل يرن بدون الانتظار عرفته كمل اتصاله مره مرتين تلاثه شويه وشال الخط بدون كلام  ...

لتطبك التلفون الله يخليك والله بس احاجيك لتطبك التلفون ...

شتريدن ؟!!!!!!!؟؟؟؟؟؟؟!!!!!

ضحكت وبجيت . ولك مشتاقه لصوتك .....

احجي اريد انام ....

حبي اله وشوقي اله ما منع غيرتي تطلع : ليش لازم شبعت ؟!!!

ضحك ضحكه ساخره وهو يكلي : هو هذا الي هامج ؟!!!! اي ارتاحيت وكلششش وشبعت ومكفيه وموفيه ومره كامله ما بيها نقص ....

جذاب والله جذاااب متحب غيري ومحد تكمل بعينك بعدي . بس جاوبني اعرفها لو لا ؟؟!!!!

هذا الحجي قنعي روحج بي . ما سامعه الغركان يجلب بكشايه وهاي انتي ... اما بلنسبه للي تعرفيها ما اتصور بعد يهمج ولا يهمني احجي وي الي تعجبني . بس المهم راضيتني .....

زين الى متى هلوضع  . بس فهمني .

لمن تجيبين الطفل بحيل الله . ورقه طلاكج توصلج هاا وترحين انتي برجليج اطلبين الطلاق  .

لو امدده وجنازتي تطلع هم ما اسويها وتدري بيه . لا اوقع على ورقه ولا اعوف ابني ...

شنو هذا تحدي يعني ؟!!

خفت الامور  تكبر : مو تحدي بس تعرف ليش ....

اني كلشي ما اعرف بلنسبه اليه الي اعرفه مستقر حاليا.  خطبت ووديت نيشان .......

شنووووو ؟!!! جذااب والله جذاب .....

تحول كلامه لصيغه جد وهو يحجي بحركه : شوفي لج الي ميريدني تاج فوك راسي بنعال ما اشتري وانتي تعرفيني حدج وياي لهنا وانتهى . واكو غيرج الي مستعد ينطي روحه اليه فانت بعد بفلس ما اشتريج ....