حجر النرد ....
زينب علي .....
........
بسعاد .....
.......
على عيوني واني اشوفها هجمت عليه وبطنها جبيره سحلتني من شعري حاولت ادافع عن نفسي جانت هيه أقوى مني . ما كدرت افلت ايدها من شعري واني اتوسل بيها عوفيني حبابه عوفيني والله ما الي دخل ...
وي سحبت شعري طبو الزلم وصاحوو لااااا ركعت راسي بلباب حيل بكل قوتها ...
أتقدم عليها رجال وهو يضربها راشدي وهيه تصيحله : عمي والله اموتها جايه وفرحانه عبالها راح تصير ام البيت ....
طردها سحل واني اسمعه يصيح : طلعي بررره مناقص اني ضيم طلعييييي ......
لملمت روحي وعدلت حجابي وكعدت بنفس مكاني واني احس شعري يموتني . بدت دموعي تجري وامسحهن بطرف حجابي شويه وطبت مره طويله حلوه شكره عيونها بيهن لون خشمها احمر من البجي وكفت كبالي وهي تبجي : ليششش كليلي ليشششش ... ليش كتلتو والله ما اذاله ذبانه ليششش فهميني ليش ..
كمت اريد احجي وياها : خاله والله ما ادري وعيوني اني انطيجياها بس والله ما الي دخل بلي صار ....
تقرب عليها رجال حظنها وكالتله : اذا تحبني صدك ما اريد اشوفها كبالي .... ما اريد اضلمها بجريمه هيه بريئه منها .... طلعها من بيتي ....
جاوبها باسم ام يعرب انتظريني بس هالايام علما تهدأ الأوضاع.....
عرفت الهم نيه يرجعوني وتأملت خير حتى اخلص من هاي الحامل الي مبينه كلها شر وقويه ....
اخذها وطلع واني رجعت بنفس مكاني لكيت كهوه ما مشروبه شربتها وكلبتها تذكرت من جنت أبيت اهلي وامي تقره بلفنجان تعلمت كم شغله من امي وكلت خل اشوف شراح يصير .....
كلبت الفنجان ورجعت فتحته واشووووفه اسوووود فاحم ونترس سواد.... دخيلك ربي مو خوش بشاره .
شفت مكان مهجور ووحفره بسرعه سديته وكلت جذب هلشغلات جذب .... كلاوات دخيلك ربي رفعت راسي واشوف بنيه صغيره مبين عليها آثار البجي ....
تقربت عليه: تاخذين فنجان....
جاوبتها ابسمه لان حبيتها بسرعه : اي اخذ ...
وتعرفين لو هيج .....
بسعاد : لا أعرف كم شغله تعلمتها .....
راحت جابتلي فنجانها مدتلي ايدها .. اقري ....
نزلت راسي واني الخوف بكلبي وسألتها: انتي شنو اسمج ....
اني اسمي سفانه ..... ليش ما كالولج من جابوج لهنا ....
بسعاد : لا والله ما اعرف ... وبعد تدرين اهلي صارلهم شهر يركضون وره الفصل ....
سألتني عن اسمي : زين وانتي شنو اسمج ...
اني بسعاد.....
جان طريقه كلامها وياي مو طبيعيه ... جنت احسها مثل المهمومه اهم شي تريد تسولف صارلهم شهر يبجون وهيه هم حزينه بس وضعها يختلف عن البقيه . حسيتها وحيده ما الها احد وضلت مستمره تريد تشوف الفنجان شبي .... وكل شويه وسألتني : ها ما يبس الفنجان ....
YOU ARE READING
حجر النرد 🔞
Romance@Lo__94__94 #زينب_علي بين خلايا السحر الأسود وقضبان الشعوذه يعيش الحب الازلي الدائم مخلدا ليعيش كملحمه تاريخيه ....
