حجر النرد 🔞

٥

حجر النرد ....

زينب علي .....

...........

هذه هي مشكله البشر . كبرياؤهم دائما يقف بينهم وبين سعادتهم يشتاقون يحبون ويحتاجون لكن وحده الكبرياء يمنعهم من التقدم ، يقيد السنتهم ويسجن الشوق داخل صدورهم فتجلس سعادتهم تبكي داخل تلك الزنزانه ...

ايام وليالي تمر عليه وادري كبريائه يمنعه يحجي وياي او يتصل بيه . واخاف اتصل بيه خاف يعاند بلزايد ..

انطيته مهله ممدوده ممخليله الها وقت او حد . انطيته مهله بكلب مو بعقل ومنتظرته بيوم الي يرجع ويفهم الي صار . انطيته مهله لحد ما يجي يوم وادافع بيها عني روحي ....

.

فززني صوت امي وهيه تصيحلي كومي الدنيا الضهر ... ياااا اللللله دخيلك ربي اذا نمتي متكعدين واذا كعدتي متنامين ....

جاوبتها : اي يمه كايمه هو انب ما اعول يطر النعاس بعيوني صايره كل يومين اناملي ليله ....

بسعاد : طبعا من القلق والقهر . اكلج حملج ذبي على ربج ... هذا ربج الخلقج هو يتكفل بيج ...

بدن دموعي يجرن : زين اذا مشتاقتله شلون ؟؟؟ فهميني . هسه اني ما اريد احجي بهاي المواضيع وياج بس والله مشتاقتله ...

رفعت اديها امي للسما : ربي بجاه حبيبك محمد متهدي هلرجال عليها وتحنن كلبه ...

يمه ما اريده يحن كلبه ، يطلك خل يطلك . يزوج خل يروح يزوج بس اني لازم ابري روحي لازم يكعد يواجهني . ع الاقل يفهمني ... بدينا اني ويا من الصفر شو ما جنت احجي من جان وي فلانه وعلانه ....

اول شي انتي حامل وهلطفل امانه اذا تضلين تحركين بروحج يطلع مشوه . استغفري ربج هسه متحسين لنه جاي . اول وتالي لازم تكعدون ....
عضت اصبعها وصاااحت ااااخ منجن البنات ااااخ ...
صدك اذا كالو اذا دكن عنابلهن عساكر ما تجابلهن .
انتي طالعه على عمتج شحصلت من الحب .

.
.

بعد اول ليله اليه بلفندق . كدرنه اني واحمد نعيش بعض الاجواء الرومانسيه . طلعه وونسه وسهر ولعب ما خلينه شي ما سوينا وصلت بي المرحله يشتريلي لعابات . مرات جنت اتضايق من اشوفه جايبلي لعابه واني مستعده اله بكامل انوثتي وجمالي . ومرات افرح احسه معتبرنه طفله مدللة ويخاف على فقداني .

.
من بعد اول شهر بدت الاعمال المنزليه . الشاقه . والمحاسبه على كل شي من عمتي ام احمد ....
بس بصيغه لطيفه هيه امر لكن بصيغه مبطنه ...

.

سفانه حبيبتي كومي يوم الغده عليج . ننتظر ناكل من اديج الحلوات ...

صار عمه بيج خير ودللي ...

كانت لمه عائليه بسيطه حمواتي حنان وافراح وهدى تلاثه ...