Unicode❣️
"မား...စကားပြောရအောင်"
ပွဲပြီးသွား၍ဧည့်သည်များလည်းအလျှိုလျှိုပြန်သွားကြပြီဖြစ်ရာ...ချန်ဖေးယွီ မားကိုလူရှင်းရာသို့ခေါ်လာလိုက်သည်။
ဟိုမှာအလုပ်သမားတွေရှိသေးတယ်မလား...သူတို့အိမ်တွင်းရေးကို...အလုပ်သမားတွေရှေ့မှာပြောလို့မှမကောင်းဘဲ..
"ဒီကိစ္စကိုကျွန်တော်သဘောမတူနိုင်ဘူး..."
လူရှင်းသည့်နေရာသို့ရောက်ရောက်ချင်း...အောင့်အီးထားရသောစကားကို...အရင်ဆုံးပြောလိုက်သည်။
"မင်းသဘောမတူလို့မရတော့ဘူးဖေးယွီ...လူသိရှင်ကြားကြေညာပြီးသွားပြီ...မိန်းကလေးဘက်ကိုလည်းထည့်တွက်အုံးမှပေါ့.."
"ဒီလိုဖြစ်အောင်...မားတို့ပဲလုပ်တာလေ..ကျွန်တော့်ကိုတစ်ခွန်းပြောခဲ့လို့လား...ကျွန်တော်မသိအောင်စီစဥ်ပြီး...ငြင်းမရအောင်ချောင်ပိတ်ဖမ်းတာမသိရအောင်...ကျွန်တော်ငတုံးမဟုတ်ဘူး.."
"ဖေးယွီ..မင်းဘာဖြစ်ချင်နေတာလဲ...မားတို့က..မင်းကောင်းဖို့အတွက်စီစဥ်တာလေ"
"ကျွန်တော်ကောင်းဖို့...ကျွန်တော်ကောင်းဖို့အတွက်ဆိုတာချည်းပဲ...ကျွန်တော့်ဆန္ဒကိုရော..နည်းနည်းလောက်ငဲ့ကြည့်ပေးလို့မရဘူးလား...ကျွန်တော်ကောင်းဖို့ဆိုပြီး...ကျွန်တော့်ချစ်သူကို..ကျွန်တော့်ဘဝထဲကဆွဲထုတ်တယ်..ကျွန်တော်ကောင်းဖို့ဆိုပြီး..ခု ကျွန်တော်မချစ်တဲ့သူနဲ့ပါလက်ထပ်ခိုင်းနေတာလား..မားတို့စဥ်းစားကြည့်ဖူးလား...ကျွန်တော်ပျော်နေရဲ့လားလို့..."
"ယွီအာ...သိနေခဲ့တာလား အဲ့ကောင်လေးကမင်းကိုပြောပြတာလား.."
"သူကကျွန်တော့်ကိုပြောမပြခဲ့တဲ့အပြင်..ကျွန်တော်ကောင်းဖို့အတွက်ဆိုပြီး...မားဖြစ်စေချင်တဲ့အတိုင်း..ကျွန်တော့်ကိုလမ်းခွဲပေးခဲ့တာ...
ဟက်..ဒါကမားသိပြီးသားအကြောင်းအရာတွေပါပဲ..
မားမသိသေးတာက..ဒီကိစ္စတွေအကုန်လုံးကို..ကျွန်တော်သိနေခဲ့ပြီး..ယွင်နဲ့လမ်းခွဲလိုက်ရလို့...နိုင်ငံခြားကိုထွက်သွားခဲ့တာမဟုတ်ဘဲ...
