Unicode
အခန်း(26) - ဆုအိမ်တော်မှသံသယဖြစ်ဖွယ်ရာများ
မိုရိရွှမ်းကအခိုင်အမာပြန်ပြောလိုက်ရင်းသူ့နှုတ်ခမ်းများကတစ်ပြေးတည်းဖြစ်သွားသည်။
"ကျုပ်တို့ကြယ်စံအိမ်ဂိုဏ်းဆီကိုဆုမျိုးနွယ်စုခေါင်းဆောင်ရဲ့တရားဝင်တံဆိပ်နဲ့အကူအညီတောင်းခံလာတာပါ"
ဆုရှီယွီကခံစားချက်ကင်းမဲ့သည့်ပုံစံဖြင့်ပင်လက်ဖက်ရည်ကြမ်းတစ်ငုံသောက်လိုက်သည်။
"တာအိုသခင်မိုကမှားသိထားတာဖြစ်ပါလိမ့်မယ်....ကျုပ်တို့အကူအညီအတွက်ဘယ်လိုတောင်းဆိုမှုကိုမှမလုပ်ခဲ့ပါဘူး...ဒီလမ်းတစ်လျှောက်လုံးကိုမှားယွင်းနားလည်မှုတစ်ခုနဲ့ရောက်လာခဲ့ရတာကိုတကယ်ပဲစိတ်မကောင်းပါဘူးဗျာ"
မိုရိရွှမ်းကတိတ်ဆိတ်သွားသည်။အိုးရန်ချောကဂျိုကာတစ်ယောက်ဆိုပေမယ့်ဒီလိုရှုပ်ထွေးပွေလီတဲ့နောက်ပြောင်မှုတွေထိတော့သွားမှာမဟုတ်ဘူး..
"အကယ်၍တာအိုဆရာအဆင်ပြေမယ်ဆိုရင်ကျုပ်တို့ဆီမှာခင်ဗျားတို့ရဲ့ဂိုဏ်းကိုအကျိုးရှိစေမယ့်ကျောက်စိမ်းနမူနာတစ်ချို့ရှိပါတယ်..လက်ဖက်ရည်ကြမ်းသောက်ပြီးရင်ရွေးချယ်ကြည့်လို့ရတယ်"
ဆုရှီယွီကအတော်လေးယဉ်ကျေးသော်လည်းသူ့ရဲ့ကမ်းလှမ်းမှုကမိုရိရွှမ်းကိုစိတ်မလှုပ်ရှားစေပေ။အဲ့ဒီအစားတောင်သခင်ကအကူအညီတောင်းခံစာကိုထုတ်ယူလိုက်ပြီးလေထဲသို့ပစ်ထုတ်လိုက်တာကြောင့်ဆုရှီယွီရဲ့စားပွဲရှိရာကိုဖြေးညှင်းစွာမျောလွင့်သွားသည်။
"ဆရာဆုကဒါကိုသေချာလေးကြည့်ပေးဖို့တောင်းဆိုပါရစေ...အကယ်၍ဒါသာလိမ်လည်မှုဆိုရင်စုံစမ်းစစ်ဆေးရမှာမို့လို့ပါ"
မိုရိရွှမ်းရဲ့အသံကချောမွေ့နေသည်။
ဆုရှီယွီကစာရွက်အားယဉ်ကျေးစွာပင်လက်ခံလိုက်ပြီးအထဲမှာပါတဲ့စာပါအကြောင်းအရာများကိုဖွင့်ဖောက်စစ်ဆေးလိုက်ကာခဏလောက်အကြာမှာပြောလာ၏။
"ဒါကတကယ့်ကိုကျုပ်တို့ဆုမျိုးနွယ်စုရဲ့စည်းတံဆိပ်ပါဒါပေမဲ့,အသုံးပြုထားတဲ့မှင်ကအလယ်ပိုင်းဘုံကိုပို့နေကျစာတွေထက်နက်နေပြီးတော့လက်ရေးလက်သားကလည်းမတူဘူး"
YOU ARE READING
Cultivation Retirement Plan (BL)
RomanceMyanmar Title 《က်င့္ၾကံျခင္းမွအျငိမ္းစားယူနုိင္မည့္အစီအစဥ္》 Chinese Title:《修閒記》Xiu Xian Ji Author - @ruyilala On going.... Translate to : Myanmar I don't own these story, I am just a translator of these novel. If you want to read original author's...