Unicode
နန်းတော်တမျှ ခမ်းနားထယ်ဝါလှသော
စံအိမ်တော်ကြီးတခုအတွင်း အစေခံများအားလုံး
ပျားများသဖွယ် အလုပ်များလျှက်ရှိကြသည်။ အိမ်တော်ကြီး အရှင်သခင်များဖြစ်ကြသော ဝမ်သခင်ကြီးနှင့် ဝမ်သခင်မကြီးတို့၏ ချစ်သည်းသက်ညှာလေး ..ဝမ်သခင်လေး၏ ၅နှစ်ပြည့် မွေးနေ့မင်္ဂလာပွဲဖြစ်သောကြောင့် စံအိမ်ဝင်းအတွင်းမှာပဲ အခမ်းနားဆုံးဖြစ်အောင်ပြင်ဆင်နေကြခြင်းဖြစ်တယ်။ တရုတ်နိုင်ငံတခုလုံး၏ အချမ်းသာ အကြွယ်ဝဆုံး အိမ်တော်ဖြစ်တာမို့ တကယ့်ကို မင်းစိုးရာဇာအခမ်းအနားတခုသဖွယ် ပြင်ဆင်နေရတာကြောင့် ညနေ ပိုင်းမှကျင်းပမယ့်ပွဲကို မနက်မိုးလင်း
ကတည်းကပင် ပြင်ဆင်နေကြရခြင်းဖြစ်သည်။တနေကုန် ပြင်ဆင်လို့ပြီးသွားတဲ့အခါ မွေးနေ့ပွဲချိန်ခါရောက်လာခဲ့ပြီ။ အသိုင်းကြီး အဝိုင်းကြီးကပွဲမို့ ဧည့်သည်တွေကလည်း တကယ့်ဒိတ်ဒိတ်ကျဲတွေ
ကြည့်ပဲ။ ဒီနေ့ပွဲရဲ့ အဓိက ဇာတ်လိုက်မင်းသားလေးကတော့ အနီရောင် suit ကို သေသပ်စွာဝတ်ဆင်ထားပြီး ထိုင်ခုံတခုပေါ်မှာ ငြိမ်သက်စွာပဲထိုင်နေတယ်။ ဖြူဝင်းတဲ့အသားရည်နဲ့ ဖောင်းကားနေတဲ့ပါးမို့မို့နှစ်ဖက်က ကိုက်ဆွဲချင်စရာပဲ။ ဒါပေမယ့် အသက်၅နှစ်နဲ့မလိုက်အောင် တည်တင်းနေတဲ့မျက်နှာလေးကြောင့် ဧည့်သည်တွေက လက်ကလေးတောင်မထိရဲဘူး။ ဝမ်သခင်လေးက အရွယ်နဲ့
မလိုက်အောင် အရှိန်ဝါကြီးလွန်းတယ်မလား။ခမ်းနားလွန်းတဲ့မွေးနေ့ပါတီ ပြီးတဲ့အချိန်က ည၉နာရီတောင်ကျော်ပေါ့။ ရိပေါ်လေး အိမ်ထဲဝင်လာတော့ ဧည့်ခန်းက ဆိုဖာတွေနားမှာ ကျုံ့ကျုံ့လေးထိုင်နေတဲ့ ကိုကိုတယောက်ကိုတွေ့လိုက်ရသည်။
*ဒီကိုကိုက ယုန်ကလေးနဲ့တူလိုက်တာ*
ရိပေါ်က လက်လေး၂ဖက်ကိုနောက်ပစ်ရင်း စူးစူးရဲရဲကြည့်ကာ စူးစမ်းနေလေရဲ့။ရှောင်းကျန့်လေး ဒီအိမ်ကိုရောက်တာ ၁၂နာရီလောက်ရှိပြီ။ မနက်ကတည်းကရောက်ပေမယ့်
အန်တီရှင်းက အလုပ်အရမ်းရှုပ်နေတာမို့ အလုပ်သမားတန်းလျားမှာပဲထားခဲ့တာ။ တနေကုန်ထိုင်စောင့်နေပေမယ့်, နေ့လယ်က ပေါက်စီလေးတလုံးလာပို့သွားပြီး ဘယ်မှမသွားဖို့မှာကာ ပြန်ထွက်သွားတယ်။ ည၉နာရီထိုးခါနီး ရှောင်းကျန့်လေးငိုက်နေတဲ့အချိန်ကျမှ သခင်မကြီးခေါ်နေတယ်ဆိုပြီးလာခေါ်လို့ ဒီအိမ်ထဲရောက်နေတာ။ အိမ်ကလည်း ကြီးလွန်းလို့ နန်းတော်ကြီးလားအောက်မေ့ရသည်။
YOU ARE READING
ဤချစ်ခြင်းဖြင့်နွေးထွေးစေသော်ဝ် (Complete)
General Fictionအေးအေး ငြိမ့်ငြိမ့်လေးပါပဲ။ စာရေးသူအသစ်မို့ လိုအပ်ချက်တွေအများကြီးရှိပါသေးသည်။