Unicode
"သခင်လေး ကြိုက်တဲ့ဟာကိုရွေးပါ"
အိမ်တော်ထိန်းက Tablet နဲ့ လွယ်အိတ်ပုံစံမျိုးစုံကိုပြနေသည်။ သခင်လေးကျောင်းတတ်တော့မှာမို့ ကျောင်းတတ်ရင်လိုအပ်မယ့် ပစ္စည်းလေးတွေ ဝယ်ဖို့ထင်ပါရဲ့။သခင်လေးကတော့ မျက်နှာတည်တည်နဲ့သာ အိမ်တော်ထိန်းပြတဲ့ပုံတွေကိုကြည့်နေသည်။ သခင်လေးကိုကြည့်ရတာ ဘယ်ဟာကိုမှ လိုချင်တဲ့ပုံမပေါ်တာကြောင့်...
"ဟိုလေ..အိမ်တော်ထိန်းကြီး..သားတခုလောက်ပြောလို့ရလား "
ရှောင်းကျန့်လေးက အိမ်တော်ကိုရောက်တာ ရက်ပိုင်းပဲရှိသေးတယ်ဆိုပေမယ့် လိမ္မာရေးချားရှိတဲ့ကလေးမို့ အိမ်တော်က အလုပ်သမားတွေက ချစ်ကြပါသည်။
"ပြောလေ ..သားကျန့်"
" သခင်လေးက ပုံကိုကြည့်ပြီးရွေးရတာ စိတ်တိုင်းမကျသလိုပဲ..သားတို့ဆိုင်မှာသွားဝယ်လိုမရဘူးလား"
ရှောင်းကျန့်စကားကြောင့် သခင်လေးက ရှောင်းကျန့်ကို ကြည့်လာပေမယ့်, ဘာစကားမှတော့မဆိုဘူး။"မရဘူးကွယ့်, သခင်လေးကိုအပြင်ထွက်ခွင့်မပေးထားဘူး"
"ဟို..အိမ်တော်ထိန်းကြီးလည်း လိုက်ခဲ့လေ, ဘော်ဒီဂတ်တွေပါခေါ်သွားမယ်လေ..နော်..နော်...သခင်မကြီးကိုခွင့်တောင်းပေးပါနော်.."
သူ့စကားကြောင့် အိမ်တော်ထိန်းကြီးက တွေဝေသွားပြီး.."သခင်လေး..ဆိုင်မှာ ကိုယ်တိုင်ရွေးချင်သလားရှင့်"
သခင်လေးက ခဏစဥ်းစားပြီးတော့ ခေါင်းကိုငြိမ့်ကာ.."အင်း..."
သူမအနေနဲ့လည်း ဒီသခင်ငယ်လေးပျော်တာကိုပဲ မြင်ချင်တာမို့ သခင်မကြီးကိုအရဲစွန့်ပြီးတောင်းဆိုကြည့်ဖို့ ဆုံးဖြတ်လိုက်သည်။
"ဒါဆို ကျမ သခင်မကြီးဆီ ဖုန်းဆက်ပြီးခွင့်တောင်းကြည့်ပါ့မယ်"
"အင်း.."
သခင်လေးက စိတ်လှုပ်ရှားနေတယ်ထင်ပါရဲ့ အင်္ကျီအနားလေးကို ခပ်တင်းတင်း စုတ်ကိုင်ထားသည်။
YOU ARE READING
ဤချစ်ခြင်းဖြင့်နွေးထွေးစေသော်ဝ် (Complete)
General Fictionအေးအေး ငြိမ့်ငြိမ့်လေးပါပဲ။ စာရေးသူအသစ်မို့ လိုအပ်ချက်တွေအများကြီးရှိပါသေးသည်။