Unicode
ရိပေါ်တို့၂ယောက်အောက်ကိုဆင်းလာတော့ အန်တီရှင်းက စားပွဲဝိုင်းတစ်ခုမှထိုင်နေတဲ့ အမျိုးသမီးကိုလက်ညှိုးထိုးပြသည်။ ထိုအမျိုးသမီးက ရိပေါ်တို့ဘက်ကို နောက်ကျောပေးထားတာမို့ ဘယ်သူ, ဘယ်ဝါမှန်းမသိပါ။ ရိပေါ်က ကိုကို့ကို လှည့်ကြည့်တော့ ကိုကိုကလည်းမသိဘူးဆိုတဲ့ပုံစံနဲ့ပြန်ကြည့်သည်။
ရိပေါ်နဲ့ရှောင်းကျန့်က ထိုအမျိုးသမီး ထိုင်နေသော စားပွဲဝိုင်းဆီလျှောက်လာခဲ့သည်။ သူမရဲ့မျက်နှာကို မြင်လိုက်တော့ သူတို့နှစ်ယောက်လုံးခြေလှမ်းတွေရပ်ကာ တောင့်တောင့်ကြီး ရပ်နေမိသွားသည်။
*ကျောက်မိန်ယွိ...*
သူမနဲ့ အပြင်မှာမဆုံဖူးပေမယ့် ဝမ်သခင်ကြီးရဲ့ ဒုတိယဇနီးအနေနဲ့ internetပေါ်မှာ မမြင်ချင်မှ အဆုံးကိုး။
သခင်လေးက ခုံမှာမထိုင်သေးပဲရပ်နေတုန်းပဲ။ ရှောင်းကျန့်က အန်တီရှင်းကိုလှမ်းကြည့်လိုက်သည်။ အန်တီရှင်းလည်း ဒီအမျိုးသမီးကို သိမှာပါပဲ။ ဘာလို့ခေါ်ပေးလိုက်တာလဲ။ ရှောင်းကျန့်ကတော့ သခင်လေးကို သူ့မိဘတွေနဲ့တောင် ရှောင်းကျန့်မပါပဲတွေ့မှာစိတ်ပူသည်။ သခင်လေး စိတ်ဒဏ်ရာ ရမှာသေမလောက်ကြောက်ပါသည်။ ရှောင်းကျန့်လည်း သခင်လေးအနားက မခွာပဲပေရပ်နေလိုက်သည်။ သခင်လေးကို မိထွေးနဲ့ နှစ်ယောက်ထဲပေးမတွေ့နိုင်ပါ။
"ဝမ်ရိပေါ်နော် , ထိုင်ပါဦး ၊ ငါမင်းနဲ့စကားနဲနဲပြောဖိူ့လိုတယ်"
တိတ်ဆိတ်နေတဲ့အခြေနေကို ကျောက်မိန်ယွိဘက်က စတင်ဖြိုခွဲလိုက်သည်။ ရိပေါ်က ခုံမှာဝင်ထိုင်လိုက်ရင်း အနားမှာရပ်နေတဲ့ ကိုကို့အတွက် ခုံတစ်ခု ဆွဲထုတ်ပေးလိုက်သည်။
"ကိုကိုလာထိုင်..."
"အို..ငါကမင်းနဲ့နှစ်ယောက်တည်းပြောချင်တာ"
ရှောင်းကျန့်က ကျောက်မိန်ယွိရဲ့စကားကို ဂရုမစိုက်ပဲ သခင်လေးပေးတဲ့ ခုံမှာ ဝင်ထိုင်လိုက်သည်။"လာရင်းကိစ္စပဲပြော.."
ဝမ်ရိပေါ်ဆိုတဲ့သူက ရှောင်းကျန့်ကလွဲရင် ဘယ်သူ့ကိုမှ ချိုချိုသာသာပြောလေ့မရှိပါ။
YOU ARE READING
ဤချစ်ခြင်းဖြင့်နွေးထွေးစေသော်ဝ် (Complete)
General Fictionအေးအေး ငြိမ့်ငြိမ့်လေးပါပဲ။ စာရေးသူအသစ်မို့ လိုအပ်ချက်တွေအများကြီးရှိပါသေးသည်။