Unicode
"မား...သားလေးတစ်ယောက်လောက်ထပ်မွေးပါလား?"
"စောစောစီးစီး ဘာတွေလာပြောနေတာတုန်း၊ မနက်စာသာ ကုန်အောင်စားစမ်းပါ ကျိရန်ရယ်၊ လူကလေတိုက်ရင်လဲတော့မယ်"
"မားကလည်း သားကစေတနာနဲ့ပြောတာပါ၊ ပါး , ပါးလည်းနဲနဲကြိုးစားကြည့်ပါဦး"
"ဟဲ့ကောင်လေး, ဘာတွေရှောက်ပြောနေတာတုန်း, ကိုယ့်အစ်မအပျိုလေးအနားရှိတာလဲသတိထားဦး"
"မမကလည်း ကျွန်တော်က စေတနာနဲ့ပါ စုန့်မျိုးရိုးခံယူမယ့် သားတစ်ယောက်လောက်ထပ်မွေးလိုက်ပါနော် ပါးနဲ့မား:"
"ဟ ..မင်းနဲ့မင်းအစ်မရှိနေသားပဲ ငါတို့ကဘာလို့ထပ်မွေးရမှာလဲ"
စုန့်ပါးပါးကမနေနိုင်လို့ဝင်ပြောလာသည်။"ပါးနဲ့မားကို သားပြောစရာရှိတယ်"
"ပြောစရာရှိတာပြောစမ်းပါဟယ်, ဘာတွေစကားပလင်ခံနေတာတုန်း"
စုန့်မားမားက စိတ်မရှည်စွာနဲ့ပြောလိုက်သည်။"တကယ်တော့ သားမှာချစ်သူရှိနေပြီ"
သူ့စကားကို ဘယ်သူကမှအရေးမလုပ်ပဲ အစားကိုသာ အာရုံစိုက်နေကြတာကြောင့် ကျိရန်နဲနဲတော့ညစ်သွားတယ်။
"တခုခုပြောကြလေဗျာ"
"ဟ ဘာပြောရမှာတုန်း၊ ဒီအရွယ်ရည်းစားရှိတာထူးဆန်းလား?"
စုန့်ပါးပါးက ကျိရန်ကိုပြောရင်း ကော်ဖီဆက်သောက်နေသည်။"ဟိုလေ..ပါး, မား.. သားချစ်သူကလေ မိန်းကလေးမဟုတ်ဘူး"
ကျိရန်က ပြောပြီးတော့ ပါးနဲ့မားကို မရဲတရဲလေး အကဲခက်လိုက်တယ်။ဟင့်အင်း ဘာမှမထူးခြားဘူး။ အစားလည်းမပြတ်ဘူး၊ အသောက်လည်းမပြတ်ကြဘူး။
"ပါးနဲ့မား မအံ့သြဘူးလား?"
ကျိရန်စကားကြောင့် မနေနိုင်တဲ့ အစ်မဖြစ်သူကပဲ..
"အမလေး စုန့်ကျိရန်ရယ်, နင်ဟိုဘက်အိမ်က ဟောက်ရွှမ်းဆိုတဲ့ကောင်လေးကို ဖွန်သွားသွားကြောင်နေတာ တစ်အိမ်လုံးသိတယ်၊ နင်သာမွန်နေလို့မသိတာ"
YOU ARE READING
ဤချစ်ခြင်းဖြင့်နွေးထွေးစေသော်ဝ် (Complete)
General Fictionအေးအေး ငြိမ့်ငြိမ့်လေးပါပဲ။ စာရေးသူအသစ်မို့ လိုအပ်ချက်တွေအများကြီးရှိပါသေးသည်။