Unicode
ရိပေါ်က အန်တီရှင်းရှေ့မှာ တည်တည်ငြိမ်ငြိမ်လေးရပ်နေသည်။ နဂိုကတည်းက အနေတည်တဲ့ကလေးဆိုပေမယ့် အခုက ပိုပြီးတည်ငြိမ်နေသလို။
"ဘာများအရေးတကြီးပြောစရာရှိလို့လဲ သခင်လေးရယ်, ထိုင်ပြီးပြောပါ"
ပြောစရာရှိလို့လို့ပြောပြီး ဘာမှမပြောသေးပဲ မတ်တပ်ရပ်နေတာကြောင့် ထိုင်ဖို့သတိပေးလိုက်ခြင်းဖြစ်သည်၊ သို့သော် ရိပေါ်ကမထိုင်သေးပဲ လက်ထဲမှာကိုင်ထားတဲ့လီလီပန်းစည်းလေးကို အန်တီရှင်းဆီပေးလိုက်သည်။ အန်တီရှင်းကလည်းကြောင်တောင်တောင်းနဲ့ ပန်းစည်းကိုလက်ခံလိုက်သည်။
"အန်တီရှင်းက ကိုကို့ရဲ့အုပ်ထိန်းသူမို့ ကိုကို့ကို အန်တီရှင်းဆီက တရားဝင်လာတောင်းတာပါ"
"သားကျန့်က အဖြေပေးပြီးသွားပြီလား"
"ဟုတ်ကဲ့"
"အန်တီရှင်းက ခွင့်မပြုစရာမရှိပါဘူး သခင်းလေးတို့နှစ်ယောက်သာ တစ်ယောက်အပေါ်တစ်ယောက် သစ္စာရှိရှိနဲ့ ချစ်သွားကြဖို့ပဲလိုတယ်"
"ကျွန်တော် ကိုကို့အပေါ် တစ်သက်လုံးသစ္စာရှိပါ့မယ်၊ ကျွန်တော့်ကို ကိုကိုနဲ့လက်ထပ်ခွင့်ပြုပါ"
"သခင်လေးတို့နှစ်ယောက်သင့်တော်သလိုစီစဥ်ကြပါ၊ အန်တီရှင်းက ခွင့်ပြုပါတယ်"
"ရိပေါ်လို့ပြောင်းခေါ်ပေးပါလား အန်တီရှင်း"
"အန်တီရှင်းက နှုတ်ကျိုးနေပါပြီကွယ်၊ သားကျန့်ကိုသာ ပြောင်းခေါ်ခိုင်းပါ"
အန်တီရှင်းကို စောဒကမတတ်ချင်တော့တာမို့ ခေါင်းပဲငြိမ့်ပြကာ လက်ခံလိုက်ရတယ်။
" ဆိုင်ပိတ်ချိန်နီးပြီမို့ကိုကိုကို့ သွားကြိုလိုက်ဦးမယ်နော်"
"ဟုတ်ပါပြီ ဆိုင်ကယ်လ်ဖြေးဖြေးမောင်း"
"ဟုတ်ကဲ့"
ရိပေါ်က အန်တီရှင်းကိုပြန်ဖြေရင်း ခပ်သွက်သွက်ထွက်လာခဲ့တော့တယ်။
..................................................
ရိပေါ်က ကုတင်ခေါင်းရင်းကို မှီထိုင်နေပြီး ရှောင်းကျန့်ကတော့ ရိပေါ်ရဲ့ ရင်ခွင်ထဲမှာ အကျအနနေရာယူထားကာ ရိပေါ်ရဲ့လက်ချောင်းလေးတွေကို ရှေ့သွားကြီးကြီးလေးနှစ်ချောင်းနဲ့ ကိုက်နေတယ်။ ချစ်သူတွေဖြစ်ပြီး ပြောင်းလဲလာတဲ့အရာကတော့ ရှောင်းကျန့်က ရိပေါ်ကိုတအားကပ်ပြီး တအားချွဲလာတာပါပဲ။
YOU ARE READING
ဤချစ်ခြင်းဖြင့်နွေးထွေးစေသော်ဝ် (Complete)
General Fictionအေးအေး ငြိမ့်ငြိမ့်လေးပါပဲ။ စာရေးသူအသစ်မို့ လိုအပ်ချက်တွေအများကြီးရှိပါသေးသည်။
