Unicode
ဒီနေ့ သခင်မကြီးဆုံးတာ ၂နှစ်ပြည့်တဲ့နေ့။
သူတို့ သခင်မကြီးရဲ့ အုတ်ဂူဆီရောက်တော့ အဖြူရောင်ပန်းစည်းတစ်ခုကရောက်နှင့်နေပြီ။ သခင်ကြီးလာသွားပြီ ထင်တယ်။သခင်လေးက အုတ်ဂူရှေ့မှာ မလှုပ်မယှက်လေးရပ်နေသည်။ မနှစ်ကနှစ်ပတ်လည်နေ့မှာ အရမ်းငိုရင်း သတိလစ်သွားသေးသည်။ ပုံမှန်ချိန်တွေမှ မေ့မေ့ပျောက်ပျောက်ရှိနေတယ်ထင်ခဲ့ပေမယ့် မဟုတ်ခဲ့ဘူးထင်ပါရဲ့။"သခင်လေး ကန်တော့လိုက်ဦး"
"အင်း.."
သခင်လေးက ဒူးထောက်လို့ သုံးကြိမ်တိတိ ကန်တော့လိုက်သည်။ ထို့နောက် အုတ်ဂူလေးဆီ မမှိတ်မသုန်ကြည့်နေပြန်သည်။
*မေမေ....အဆင်ပြေပြေရှိနေတယ် မဟုတ်လား?
သားလည်းအဆင်ပြေပါတယ်။ကိုကိုရော, အန်တီရှင်းရော သားကိုသေချာဂရုစိုက်ပါတယ်။သား အခု အရမ်းပျော်နေပြီမို့ မေမေစိတ်ချလက်ချ သွားလို့ရပါပြီ။ပြီးတော့..သားက မေမေ့ကို အရမ်း အရမ်း ချစ်ပါတယ်**သခင်မကြီး...သခင်လေးကို ကျွန်မသေသေချာချာ စောင့်ရှောက်ထားမှာမို့ စိတ်ချလက်ချ သွားပါနော်။ဖြစ်နိုင်ရင် ကျွန်မလည်း အမြန်ဆုံးလိုက်လာချင်ပါတယ်*
*သခင်မကြီး ကျွန်တော် သခင်မကြီးကိုပေးထားတဲ့ကတိအတိုင်း သခင်လေးကို တသက်လုံးစောင့်ရှောက်မှာပါ။ သခင်လေးစိတ်ချမ်းသာအောင်, သခင်လေးပျော်ရွှင်အောင် အမြဲထားမယ်လို့ ကတိပေးပါတယ်။*
သူတို့သင်္ချိုုင်း ကထွက်လာတော့ မို့လေးဖျောက်တောင်, ဖျောက်တောက်ကျလာတာမို့ သခင်လေးကို ထီးမိုးပေးလိုက်သည်။ ဒီနေ့တရက်တော့ သခင်လေး က တိတ်ဆိတ်နေဦးမယ်ထင်သည်။
.............
"ဟေ့ရောင်, ရိပေါ်မင်းကလည်းတချိန်လုံး စာပဲလုပ်နေတာပဲ"
ရိပေါ် သူ့ ဘေးက တတွတ်တွတ်ပြောနေတဲ့ ကျိရန်ကိုမျက်မှောင်ကုတ်ကြည့်ပစ်လိုက်ပြီး စာပြန်ငုံရေးနေလိုက်သည်။ သူကအိမ်စာတွေပေးသမျှကို ကျောင်းမှာပဲ ပြီးအောင်လုပ်သည်၊ တနေ့တာ သင်သမျှစာတွေကိုလည်း တက်နိုင်သလောက် ကျောင်းမှာပဲကျက်မှတ်သည်။ ဘာလို့ဆို ညဘက်သူစာလုပ်လို့မပြီးမချင်း ကိုကိုကထိုင်စောင့်ပေးတာမို့။ ကိုကိုပင်ပန်းမှာစိုးလို့။
YOU ARE READING
ဤချစ်ခြင်းဖြင့်နွေးထွေးစေသော်ဝ် (Complete)
General Fictionအေးအေး ငြိမ့်ငြိမ့်လေးပါပဲ။ စာရေးသူအသစ်မို့ လိုအပ်ချက်တွေအများကြီးရှိပါသေးသည်။