Unicode
သူမအနေနဲ့ ယခုကိစ္စကို သားငယ်မသိအောင် ဖုံးထားဖို့ကိုပဲရွေးချယ်မယ်..တလောကလုံးကသူမကိုအိမ်ထောင်ရေးဖောက်ပြန်တဲ့ ရွံရှာစရာ မိန်းမ
တစ်ယောက်အဖြစ်သတ်မှတ်လည်းရတယ်။သားငယ်ကိုတော့ဒီအဖြစ်မှန်တွေပေးမသိနိုင်ပါ။အရွယ်ရောက်မှ..အင်း..အရွယ်ရောက်မှပေါ့..အရာရာကိုရင်ဆိုင်နိုင်တဲ့အရွယ်ရောက်မှပဲ..သိစေတော့မယ်။
ဒါဆို သူမရဲ့သွေးသားအစစ်ကရော???... တကယ်လို့ပြန်ရှာတွေ့ခဲ့ရင်ရော???ကံတရားက ဘာကိုများ ကျီဆယ်ချင်နေပါလိမ့်။သေချာပေါက်တော့ ရှာဖွေရမှာပေါ့။ဘယ်ဘဝမှာ ဘယ်လိုရှင်သန်နေရရှာမှန်းမသိရတဲ့ သူမရင်သွေးကိုလည်း သူမတွေ့ချင်ပါသေးတယ်။သူမထွေးပွေ့ချင်ပါသေးတယ်။
ဘယ်လမ်းကိုလျှောက်လို့ ဘယ်ခရီးကိုနှင်ရမှန်းမသိတဲ့ အခိုက်အတန့်တွေပါပဲ....
"ယွီဖေး...နေရတာသက်သာရဲ့လား?"
ခင်ပွန်းသည်ရဲ့အသံကိုကြားမှာ စိတ်ကပစ္စုပ္ပန်ကို ပြန်ရောက်သည်။
သူမ, ခင်ပွန်းသည်ရဲ့ မျက်နှာကိုသေချာကြည့်ကာ..
" မင်ဟန်.."
"ပြော..ယွီဖေး..ကိုယ်နားထောင်နေတယ်"
"သိပြီးသွားပြီလား..."
"အင်း..ကိုယ်အားလုံးသိပြီးပြီ..စိတ်မပူနဲ့ကိုယ်စုံစမ်းနေတယ်...ကိုယ်တို့ကလေးမွေးတဲ့ဆေးရုံရော , ဆရာဝန်တွေရော ကို စုံစမ်းနေတယ်နော်..
ပြီးတော့ ယွီဖေးကို ကိုယ်ကတောင်းပန်းပါတယ်.."
သူမခေါင်းကို အသာယာရမ်းရင်း...
"ကျမကရှင့်ကို တခါမှမတောင်းဆိုဘူးတာသိတယ်မှတ်လား??"
"အင်း..ကိုယ်သိတယ်လေ"
"တခုပဲ..တခုလေးပဲ..တောင်းဆိုပါရစေ"
"ပြောလေ.."
"သားငယ်လေးကို..သားငယ်လေးကိုမသိစေချင်ဘူး...သားငယ်လေးကိုမပြောပါနဲ့..ဒီတခုလေးပါပဲ..နော်"
"ယွီဖေး...တချို့အရာတွေက ကြိုသိထားရင်ကြိုတင်ပြင်ဆင်ထားလို့ရတယ်..."
YOU ARE READING
ဤချစ်ခြင်းဖြင့်နွေးထွေးစေသော်ဝ် (Complete)
General Fictionအေးအေး ငြိမ့်ငြိမ့်လေးပါပဲ။ စာရေးသူအသစ်မို့ လိုအပ်ချက်တွေအများကြီးရှိပါသေးသည်။
