Unicode
ရှောင်းကျန့်ဒီကိုရောက်တာတပတ်တောင်ရှိပေါ့။ ဒီတပတ်အတွင်းမှာ သူနဲ့သခင်လေးက အရင်ကလောက်မစိမ်းတော့ဘူး။ ညနေတိုင်း ဘောလုံးကန်လိုက်, ပြေးတမ်းလိုက်တမ်းဆော့လိုက်မို့ ရင်းနှီးမှုပိုရလာသည်။ အဲ့လိုဆော့နေချိန်ဆို သခင်လေးရဲ့မျက်နှာမှာ မကြာခဏ အပြုံးတွေကိုမြင်ရလာပြီ။
ဒီနေ့ ,သခင်လေး ပထမဆုံးကျောင်းစတက်ရမယ့်နေ့, သခင်လေးက ကျောင်းဝတ်စုံလေးနဲ့ အရမ်းကိုချစ်စရာကောင်းနေတော့တာပါပဲ။ လွယ်ထားတဲ့ကျောပိုးအိတ်နီနီလေးမှာ စကိတ်ပုံ ကီးချိန်းလေးကတရမ်းရမ်းနဲ့။
"သားငယ်လေး ကျောင်းမှာလိမ်လိမ်မာမာနဲ့စာကြိုးစားနော်"
"ဟုတ်ကဲ့ မေမေ"
"မေမေက အရေးကြီးတဲအလုပ်ကိစ္စရှိနေလို့ ကျောင်းလိုက်မပို့နိုင်ဘူး အိမ်တော်ထိန်းကြီးတို့နဲ့ပဲ သွားနော်"
"ဟုတ်ကဲ့.... , ဖေဖေက ပြန်လာမသေးဘူးလား?"
ဝမ်သခင်မကြီး အံ့သြလွန်းလို့ မျက်လုံးပြူးပြီး သူ့မသားငယ်လေးကိုကြည့်မိသည်။ အခု သားငယ်လေးက စကားတွေအများကြီးပြောနေတာလား???
"ဖေဖေက နောက်တရက်နှစ်ရက်လောက်ဆိုပြန်ရောက်မယ်နော်...."
"ဟုတ်.."
ရှောင်းကျန့်အနေနဲ့ သခင်လေးအတွက်စိတ်မကောင်းဖြစ်ရသည်။ ဒါသခင်လေးရဲ့ ပထမဆုံးကျောင်းတက်ရက်လေ။ မိဘတွေလိုက်ပို့ပေးသင့်တာပေါ့။ထားလိုက်ပါတော့လေ, သခင်မကြီးတို့လိုက်မပို့လည်း ဒီကိုကိုက လိုက်ပို့မှာပေါ့။
ရှောင်းကျန့်တို့စီးလာတဲ့ကားလေးက မူလတန်းကျောင်းတခုရှေ့မှာထိုးရပ်လိုက်သည်။ကားရပ်သွားတော့ ရှောင်းကျန့် အပြင်ကိုအကဲခတ်လိုက်တယ်။ ကျောင်းကြီးကလည်း ခမ်းနားလိုက်တာ။
ဘော်ဒီဂတ်ကြီးက တံခါလာဖွင့်ပေးရင်း....
" သခင်လေးရောက်ပါပြီ"သခင်လေးက ဘော်ဒီဂတ်ကြီးကို ခေါင်းငြိမ့်ပြရင်း သူ့ဘက်ကိုတချက်လှည့်ကြည့်တယ်။ တခုခုပြောမလို့ပြင်ပြီးကာမှ မပြောပဲကားပေါ်ကဆင်းသွားတယ်။ သခင်လေးကို အိမ်တော်ထိန်းကြီးတယောက်ထဲသာ ကျောင်းခန်းထဲထိလိုက်ပို့မှာဖြစ်ပြီး သူတို့က အပြင်ကနေပဲစောင့်နေရမှာ။
YOU ARE READING
ဤချစ်ခြင်းဖြင့်နွေးထွေးစေသော်ဝ် (Complete)
General Fictionအေးအေး ငြိမ့်ငြိမ့်လေးပါပဲ။ စာရေးသူအသစ်မို့ လိုအပ်ချက်တွေအများကြီးရှိပါသေးသည်။