Unicode
ရှောင်းကျန့်က အခုအထက်တန်းနောက်ဆုံးနှစ်ဖြစ်တဲ့အပြင် စာမေးပွဲဖြေဖို့ကလည်း ၂လလောက်သာလိုတော့တာမို့ အန်တီရှင်းက အထက်တန်းပြီးအောင်တက်ခိုင်းသည်။ အခုသူတို့နေတဲ့နေရာက ရှောင်းကျန့်နေတဲ့ ကျောင်းနဲ့ အတော်လေးနီးပေမယ့် , သခင်လေးကျောင်းနဲ့တော့ဝေးသည်။ပထမဆုံးကျောင်းတက်တဲ့ တပတ်လောက်တော့ သခင်လေးကျောင်းကိုစက်ဘီးနဲ့လိုက်ပို့ပြီးမှ, သူ့ကျောင်းကိုသွားသည်။ နောက်ပိုင်းတော့ ရှောင်းကျန့်ကျောင်းကိုရောက်တဲ့ထိ နှစ်ယောက်တူတူသွားပြီး ကျောင်းရောက်တဲ့အခါ, သခင်လေးက စက်ဘီးယူသွားပြီး သူ့ကျောင်းကိုဆက်သွားသည်။ သွားရတဲ့လမ်းက ကားသိပ်မရှုပ်တာမို့ တယောက်ထဲသွားဖို့ ခွင့်ပြုလိုက်ပေမယ်, စိတ်ကတော့သိပ်မချချင်။
ဒီကိုရောက်ပြီး တစ်လ လောက်ကြာတော့ သခင်လေးရဲ့မျက်နှာက သိသိသာသာလေး လန်းလာသည်။ သူ့စက်ဘီးနောက်ကထိုင်လိုက်တဲ့အခါလည်း နောက်ကနေ လက်နှစ်ဘက်ကို ဆန့်တန်းလို့ ဆန့်တန်း, ခြေထောက်တွေကို ရမ်းလို့ရမ်းနဲ့ ဆော့တက်လာသည်။ အထူးခြားဆုံးအရာကတော့ စကားများများပြောလာတာပဲ။ သခင်လေးက သူစိတ်ချမ်းသာစေချင်လို့ သူ့ရှေ့မှာဟန်ဆောင်နေသလားလို့ ထင်မိတာကြောင့် ကျိရန်ကိုဖုန်းဆက်မေးကြည့်တော့ ကျောင်းမှာတော့စကားအများကြီးမပြောပေမယ့် မျက်နှာကတော့အရင်ကလောက် တည်နေတာမျိုးမဟုတ်တော့ဘူးလို့သိရသည်။ ဒီလောက်ပြောင်းလဲမှုသေးသေးလေးကပဲ သူ့ရင်ကိုအေးချမ်းစေသည်။
သူတို့ဆိုင်လေးက အထက်တန်းကျောင်းနဲ့နီးလို့ အတော်အသင့် လူစည်ကားသည်။ အထူးသဖြင့် ညနေကျောင်းဆင်းချိန်တွေ။ ဆိုင်မှာက coffe နဲ့ကိတ်အပြင် အအေးတချို့ပါ ရောင်းသည်။ ရှောင်းကျန့်က ကျောင်းကပြန်ရောက်တာနဲ့ ဆိုင်မှာဝင်ကူတာမို့ ကျောင်းသူလေးတွေ အကြိုက်ပေါ့။ ဒီဆိုင်ကကိတ်ကလေးတွေကလည်းချိုတယ်။ကိတ်ရောင်းတဲ့ ကိုကိုရဲ့ အပြုံးကလည်းချိုတယ်။ ကိတ်လည်းစားမယ်, အအေးလည်းသောက်မယ်, ဆိုင်ရှင်ကိုလည်းငမ်းမယ်။
YOU ARE READING
ဤချစ်ခြင်းဖြင့်နွေးထွေးစေသော်ဝ် (Complete)
General Fictionအေးအေး ငြိမ့်ငြိမ့်လေးပါပဲ။ စာရေးသူအသစ်မို့ လိုအပ်ချက်တွေအများကြီးရှိပါသေးသည်။