Unicode
မနက်၅နာရီလောက်မှာ အန်တီရှင်းကလာနှိုးသည်။ ရှောင်းကျန့်လေးက အိမ်မှာနေတုန်းက ၆နာရီ၊ ၇နာရီလောက်မှထတာ။ ဒီအိမ်က အလုပ်သမားတွေအားလုံးက မနက်၅နာရီဆိုထ
ရသတဲ့။ ပြီးတော့ အလုပ်သမားတွေဆိုပေမယ့်သပ်သပ်ရပ်ရပ်နေရမယ်တဲ့။ ဒါကြောင့် ရှောင်းကျန့်လေးဟာ ရေမိုးချိုးပြီးတော့ သူ့မှာရှိတဲ့ အဝတ်စားတွေထဲက အကောင်းဆုံးအဖြစ်တဲ့ ကာကီရောင် ကွာတားပန်လေးရယ်, အပြာရောင်တီရှပ်လေးရယ်ကိုဝတ်ထားတယ်။မနေ့ညက အန်တီရှင်းလာပေးထားတဲ့ ခေါင်းလိမ်းဆီလေးကိုလိမ်းကာ မှန်ရှေ့မှာ အပြီအပြင်ရွှိုင်းနေပါတယ်။ မှန်ကိုသေချာကြည့်နေရင်းနဲ့ ရှောင်းကျန့်လေးဟာ တခုခုကိုသေသေချာချာ
သဘောပေါက်သွားသလိုခေါင်းတဆက်ဆက်ငြိမ့်ရင်း...စကားတခွန်းကိုရေရွတ်လိုက်တယ်.." ငါဆိုတဲ့ ရှောင်းရှောင်ကျန့်က တအားချောတာပဲ "
မှန်ရှေ့မှာရပ်ကာ ကိုယ့်ကိုကိုယ် fall in loveဖြစ်နေရှာတဲ့ရှောင်းရှောင်ကျန့်လေးပါပဲ။
"သားကျန့်လေး , ပြင်ဆင်လို့ပြီးပြီလား?"
"ပြီးပြီ အန်တီရှင်း"
"နောက်ရက်မှ အန်တီရှင်းက သာကျန့်အတွက် အဝတ်စားဝယ်ပေးမယ်နော် "
"ဟုတ်ကဲ့"
အန်တီရှင်းက စကားပြောရင်းသူ့လည်ပင်းကို ကြိုးတကုံးလာဆွဲပေးသည်။ ဘောလုံးပွဲထဲက ဒိုင်လူကြီးတွေ ဝီစီကိုလည်ပင်းမှာဆွဲသလိုလေး, ဒါပေမယ့် ရှောင်းကျန့်လေးဟာက ဝီစီတော့ဟုတ်ဘူး။ သော့ကြီး...
" ဒါက သခင်လေးရဲ့ အခန်းသော့, လည်ပင်းမှာဆွဲပြီး, အင်္ကျီနဲ့ ဖုံးထား။"
ရှောင်းကျန့် သော့လေးကို ချက်ခြင်းအင်္ကျီလေးထဲထည့်ထားလိုက်သည်။
"အဲ့ သော့က ပျောက်လို့မရဘူး။ သားကျန့်လေးရဲ့အသက်လိုပဲကာကွယ်ရမှာ"
ဒီအိမ်ကြီးကလည်း တန်ဘိုးကြီးလိုက်တဲ့ဖြစ်ခြင်း။ သော့လေးတချောင်းကတောင် ရှောင်းကျန့်လေးအသက်ထက်တန်ဘိုးကြီးပါတယ်တဲ့။
YOU ARE READING
ဤချစ်ခြင်းဖြင့်နွေးထွေးစေသော်ဝ် (Complete)
General Fictionအေးအေး ငြိမ့်ငြိမ့်လေးပါပဲ။ စာရေးသူအသစ်မို့ လိုအပ်ချက်တွေအများကြီးရှိပါသေးသည်။