Unicode
ဟောက်ရွှမ်းအိမ်ထဲဝင်လိုက်တော့ ဧည့်ခန်းထဲမှာ ထိုင်နေသော မေမေနှင့်အတူဒေါ်လေးကိုပါတွေ့လိုက်ရသည်။
"ဟာ ဒေါ်လေးအလည်လာတာလား?"
"လာလည်တာမဟုတ်ဘူး ဟောက်ရွှမ်းလေး, အပြီးပြောင်းလာတာ"
"ဟာ တကယ်လား, ကောင်းလိုက်တာ"
"တကယ်ပါရှင်"
သူ, ဒေါ်လေးမေရှန်း ကို သိပ်ချစ်ပါသည်။ အတူမနေပေမယ့် ဒေါ်လေးက ဟောက်ရွှမ်းကို ဂရုတစိုက်ရှိသည်။ သူလိုအပ်တာမှန်သမျှကို မငြီးမငြူ ဖြည့်ဆည်းပေးသည်။ တနေ့တခါ ဖုန်းဆက်ကာ သူအဆင်ပြေမပြေ မေးလေ့ရှိသောကြောင့်, သူ့အကြောင်းကို မေမေ့ထက်ပင်ပိုသိသူဖြစ်သည်။
"ကဲ..သား အဝတ်စားလဲပြီးရင် အောက်ပြန်ဆင်းခဲ့ဦး၊ ဟိုဘက်အိမ်ကို မင်းဒေါ်လေးပါလာတဲ့ လက်ဆောင်ပစ္စည်းလေးတွေသွားပို့ပေးဦး"
"ဟုတ်ကဲ ...အဲ...ဟိုဘက်အိမ်လား"
"အေးလေ..."
"ဟုတ်..ဟုတ်"
ဟိုဘက်အိမ်ဆို, အဖြူကောင်ရဲ့အိမ်မို့ သူမသွားချင်ပါ။ ဒါပေမယ့်လည်း မေမေခိုင်းတာကိုတော့ မငြင်းချင်ပါ။
..............
သူခြံရှေ့က ဘဲလ်ကိုနှိပ်လိုက်တော့ ခြံစောင့်ဖြစ်ဟန်တူသော ဦလေးတယောက်, ရောက်လာသည်။
"ဘယ်သူနဲ့တွေ့ချင်လို့လဲကွယ့်"
"ကျတော်က ဘေးအိမ်ကပါဗျ, မေမေက လက်ဆောင်လေးပေးခိုင်းလို့ပါဗျာ"
သူတို့စကားပြောနေတုန်း လှပကာကျက်သရေရှိလှသောအမျိုးသမီးကြီးတစ်ဦးရောက်လာသည်။
"အော် , ဟိုဘက်အိမ်က လူသစ်တွေထင်တယ် , ဦးလေးကျူး တံခါး ဖွင့်ပေးလိုက်"
ထိုအမျိုးသမီးကြီးစကားကြောင့် ခြံစောင့်ဦးလေးက တံခါးဖွင့်ပေးသည်။
"လာ...လာ..သားလေး အိမ်ထဲဝင်ပါဦးကွယ်"
"ဟုတ်ကဲ့"
အိမ်ထဲကဆိုဖာပေါ်နေရာချပေးတာကြောင့်, ဝင်ထိုင်လိုက်သည်။ အိမ်အပြင်ဆင်ကိုကြည့်တာနဲ့ ဘယ်လောက်ချမ်းသာကြောင်းသိစေနိုငိလောက်အောင် အိမ်ကြီးက ခမ်းနားလွန်းသည်။
YOU ARE READING
ဤချစ်ခြင်းဖြင့်နွေးထွေးစေသော်ဝ် (Complete)
General Fictionအေးအေး ငြိမ့်ငြိမ့်လေးပါပဲ။ စာရေးသူအသစ်မို့ လိုအပ်ချက်တွေအများကြီးရှိပါသေးသည်။
