Unicode
"ရိပေါ်နဲ့တွေ့ချင်လို့ပါ"
ဆိုင်မှာအလှစိုက်ထား ထားတဲ့ပန်းအိုးလေးတွေကိုနေရာချဖို့ ညွှနိကြားနေတုန်းမျက်လုံးဝိုင်းဝိုင်း နှာတံစင်းစင်းနဲ့ ဘာဘီအရုပ်လေးသဖွယ်ချစ်စရာကောင်းတဲ့ကောင်မလေးက ရှောင်းကျန့်ရှေ့တည့်တည့်ကိုလာရပ်ပြီးမေးလာသည်။
"ညီမလေးက ဘယ်သူလဲ?"
"ရိပေါ်ရဲ့သူငယ်ချင်းပါ"
သူမရဲ့စကားကြောင့် ရှောင်းကျန့်ရဲ့မျက်ခုံးနှစ်ဘက်ပင့်တက်သွားသည်။ ဒါကိုသူမက သတိထားမိပုံပဲ ယဲ့ယဲ့လေးပြုံးလိုက်သည်။"သြော်, ရိပေါ်က trainningရှိလို့ ဆိုက်ကယ်လ်ကွင်းသွားတယ်၊ နောက်နာရီဝက်လောက်နေမှပြန်ရောက်မယ်"
"ဒါဆို ညီမစောင့်နေပါ့မယ်"
"ရပါတယ်, ခုံမှထိုင်ဦးလေ၊ ညီမလေးဘာသောက်မလဲ"
"ရိပေါ်က ဘာသောက်တတ်လဲဟင်၊ ရိပေါ်သောက်နေကြဟာပဲပေးပါနော်"
ဘယ်လိုတောင်ရဲတင်းတဲ့ မိန်းကလေးမျိုးလဲ?
ရှောင်းကျန့်လည်း သူမထိုင်ဖို့နေရာကိုညွှန်ပြလိုက်သည်။
သူမက သခင်လေးသောက်နေကြဟာပဲပေးတဲ့။ သခင်လေးက လိမ္မော်ရည်ပဲသောက်တာ။ ကော်ဖီတွေဘာတွေ လုံးဝမသောက်ဘူး။ ဒါကြောင်မို့ သူမအတွက် esprasso ခါးခါးတစ်ခွက်ဖျော်ပေးလိုက်တယ်။
သခင်လေးရဲ့ဧည့်သည်မို့ ရှောင်းကျန့်ကစားပွဲထိုးတွေကိုမခိုင်းပဲ သူကိုယ်တိုင်သွားချပေးလိုက်သည်။
"အစ်ကို ခဏလောက်ထိုင်လို့ရမလား?"
ရှောင်းကျန့်က မထိုင်သေးပဲကြောင်ကြည့်နေမိသည်။"ညီမတစ်ယောက်ထဲဖြစ်နေလို့ပါ"
ရှောင်းကျန့်လည်း သက်ပြင်းချရင်း သူမရှေ့မှာဝင်ထိုင်လိုက်သည်။"အစ်ကိုက ရိပေါ်ရဲ့အစေခံဆို"
အခြားတစ်ယောက်ယောက်အတွက်ဆို ဒီစကားက အရှိုက်တည့်တည့်ကိုထိမှာအသေချာပဲ။ ဒါပေမယ့် ရှောင်းကျန့်က သခင်လေးရဲ့အစေခံဖြစ်ခဲ့ရတာကို တကြိမ်တခါလေးတောင် ရှက်စရာ၊ ဝမ်းနည်းစရာလို့မတွေးခဲ့ဘူးတော့ သူမပစ်လိုက်တဲ့မြှားက ရှောင်းကျန့်ကိုမထိဘူး။
YOU ARE READING
ဤချစ်ခြင်းဖြင့်နွေးထွေးစေသော်ဝ် (Complete)
General Fictionအေးအေး ငြိမ့်ငြိမ့်လေးပါပဲ။ စာရေးသူအသစ်မို့ လိုအပ်ချက်တွေအများကြီးရှိပါသေးသည်။