Uni
ဒီနေ့တနေကုန်ကိုကြီးအိမ်မှာမရှိပေ။
ဘပွေးကလည်းတောသို့သွားနေပြီးဘွားနေကတော့ မီးဖိုချောင်ထဲမှာခုတ်သံထစ်သံတဒုန်းဒုန်းဖြင့်တကုတ်ကုတ်ချက်ပြုတ်ပြီးနောက် တောင်ဘက်အိမ်ဆီအလည်သွားလေ၏။
အလုံးတစ်ယောက်တည်းပဲအိမ်မှာကျန်နေခဲ့တာမို့ ဆေးခန်းသန့်ရှင်းရေးလုပ်ကာ လျှော်စရာရှိတာတွေလျှော်နေလိုက်သည်. ။
ကိုကြီးရှိရင် ဒီအလုပ်တွေကိုထိပင်မထိခိုင်းတာမို့ လင်ယောကျ်ားမရှိခင်လျှော်ဖွတ်ရ၏..။
ဒါတောင် ပြန်လာရင်တဗြစ်တောက်တောက်နဲ့ဆူအုံးမည်မှာအသေအချာ...။
အလုံးလင်အူကြူးတစ်ယောက်တော့ရွာထဲမှမွေးလူနာတစ်ယောက် ကိုယ့်ဘာသာတစ်ယောက်တည်း တောထဲမှာမီးဖွားပြီးကလေးအချင်းမကျပဲသွေးသွန်နေတာကြောင့်အရေးပေါ်အခြေအနေဖြင့်Mမြို့ဆေးရုံကြီးသို့လိုက်ပို့ရင်းဆေးတချိူ့ဝယ်ဖို့သွားလေ၏....။
ဖုန်း၀င်လာသံကြောင့်အိမ်ပေါ်တက်ကာဖုန်းယူကြည့်လိုက်တော့မသိသောဖုန်းစိမ်းတစ်လုံးဖြစ်နေသည်မို့ကိုင်ဖို့တွေဝေနေမိရာကလူနာကိစ္စဖြစ်နေမှာစိုးတာကြောင့်အလုံးအမြန်ကိုင်လိုက်ရသည်..။
တကယ်တမ်းသာ ထိုဖုန်းက သူ့ဘဝကိုပြောင်းပြန်လှန်ပစ်မယ်ဆိုတာသိရင်ရောအလုံးကိုင်မိပါအုံးမလား...။
"ဟလို...တစ်သက်လုံးပြောနေပါတယ်ခင်ဗျာ..''
''သား..အန်ကယ်လ်ပါ ''
ကြည်ကြည်လင်လင်ထွက်ပေါ်လာသည့် လူကြီးတစ်ယောက်အသံက အလုံးကိုကြောင်အသွားစေသည်...။
ဘယ်သူပါလိမ့်...။
''ဘယ်သူလဲဗျ...တကယ်မသိလို့ပါဗျ...''
''ရိုးမြေကျရဲ့အဖေပါသား..''
ကြားလိုက်ရသည့်အဖြေစကားကြောင့်လွတ်ကျလုလုဖုန်းကိုအမြန်ထိန်းကာဆုပ်ကိုင်ထားလိုက်သည်...။
ကိုကြီးအဖေတဲ့...။ဘယ်သူများတစ်ခုခုဖြစ်လို့ရှာရတာလဲ..။
တုန်ယင်နေသည့်အသံကိုထိန်းရင်း ခေါင်းကိုတဆတ်ဆတ်ငြိမ့်ကာပြောလိုက်၏။
YOU ARE READING
တစ်သက်လုံးအချစ်တွေနဲ့ရိုးမြေကျအနားမှာရှိနေမယ်S1(M Preg)(Completed)
Romanceဒုတိယ မြောက် fic... ဆရာဝန်လေးနဲ့ဆေးစပ် Compounderဆရာလေးတို့ရဲ့ချစ်ဇာတ်လမ်းလေး... အားပေးမယ်မဟုတ်လား...
