Uni
ဒီရက်ပိုင်းတွေမှာ ပါတီပွဲအတွက် လိုအပ်တာတွေစီစဥ်နေရတာမို့ ယောက္ခမဒေါ်ပိုးစံထား တစ်ယောက် အလုံးကို ဖိအားမပေးနိုင် ပညာမပြနိုင်ဖြစ်နေသည်..။
ဘိုးဘိုးကြင်နာသော ရှိနေတာကြောင့်လည်းဆင်ခြင်နေပုံရ၏..။
ဘိုးဘိုးက အလုံးကို သူ့အနားမှာသာခေါ်ထားပြီး သူ့ကိုစာဖတ်ပြခိုင်း သူ့ရဲ့ဝေရာဝစ္စတွေလုပ်ခိုင်းထားပြီးအဖော်ပြုနေစေသည်..။
ဒါတောင် ယောက္ခမဖြစ်သူကလစ်ရင်လစ်သလိုအလုပ်လုပ်ဖို့လာခေါ်ခိုင်းသေးသည်...။
ဘိုးဘိုးက သူလိုအပ်လို့ခေါ်ထားတာလို့ပြောလိုက်မှငြိမ်သွားသည်..။
ဘိုးဘိုးကိုတော့ ယောက္ခမက ကြောက်ရဟန်တူသည်...။
...........ပါတီပွဲနေ့ ...
အလုံးမိဘတွေကို ကိုကြီးကိုယ်တိုင်သွားခေါ်လာတာမို့ ရောက်လာသည်နှင့်အပြေးကလေးဆီးကြိုကာနေရာချပေးလိုက်သည်..။
''ဖေနဲ့မေ ထိုင်အုံးနော် သား ဘိုးဘိုးကိုသွားခေါ်လိုက်အုံးမယ်...''
ပြောပြောဆိုဆို လှစ်ကနဲ ထွက်သွားသော သားဖြစ်သူကို ဒေါ်လုံးလုံးတင် ပြုံးကြည့်နေမိသည်..။
''ဖေကြီး..ကျွန်မတို့သားက လူလိုသူလို ဝတ်ထားတော့ ချစ်စရာလေးပဲ...''
''ဟုတ်ပါ့...''
ဆင်စွယ်ရောင်ရှပ်ပေါ်မှာ မိုးပြာရောင်ဖဲသားကုတ်ကလေးထပ်ဝတ်ထားပြီး မိုးပြာရောင် ဘောင်းဘီရှည်လေးနဲ့တွဲဝတ်ထားသည်မှာ လူကြားထဲ၌တင့်တင့်တယ်တယ်ဖြင့်ထင်းရှင်းနေသည်။
''ဖေနဲ့မေ အေးဆေးနားပါအုံးနော်..သားလိုက်ဧည့်ခံလိုက်အုံးမယ်''
သမက်ဖြစ်သူကခွင့်တောင်းလာသည်မို့ ဦးကျော်ကြားဦးလက်အသာကာပြလိုက်၏။
''အေးအေး..ရတယ်သွား..သား...ဖေတို့ကဧည့်သည်မှမဟုတ်တာ...''
''အလုံးရော...ဖေ ''
''သားဘိုးဘိုးကို သွားခေါ်နေတယ်...မိတ်ဆက်ပေးဖို့ဆိုလား...''
''အာ..ဟုတ်သား..ခဏလေး မာမီတို့နဲ့လည်း မိတ်ဆက်ပေးအုံးမယ်...''
YOU ARE READING
တစ်သက်လုံးအချစ်တွေနဲ့ရိုးမြေကျအနားမှာရှိနေမယ်S1(M Preg)(Completed)
Romanceဒုတိယ မြောက် fic... ဆရာဝန်လေးနဲ့ဆေးစပ် Compounderဆရာလေးတို့ရဲ့ချစ်ဇာတ်လမ်းလေး... အားပေးမယ်မဟုတ်လား...