တစ်သက်လုံးအချစ်တွေနဲ့ရိုးမြေကျအနားမှာရှိနေမယ်S1(M Preg)(Completed)

၂၀။အိမ်ပြန်လမ်းဆီ

Uni

သမီးလေးမွေးပြီးနောက်အိမ်ထောင်ကျပြီးနှစ်ယောက်တည်းသာခွဲနေသည့်အိမ်မှာမနေတော့ပဲ အဘွားရှိရာစံအိမ်ဆီပြန်လိုက်လာခဲ့သည်...။

လူအများကြားဘယ်မှမသွားတော့ပဲအိမ်ထဲမှာသာသမီးလေးကိုအဖော်ပြုနေရင်းပတ်ဝန်းကျင်လူတိုင်း၏ကဲ့ရဲ့မှူကိုခါးစီးခံရပြန်သည်...။

လူတိုင်းရဲ့ပါးစပ်ဖျားမှာ ကြင်နာသောရဲ့အကြောင်းကိုတိုးတိုးတစ်ခါ ကျယ်ကျယ်တဖုံဝေဖန်ပြောဆိုနေကြောင်းကိုလည်း ပြန်ကြားနေရ၏....။

ကြင်နာသောတစ်ယောက် ရုပ်ဆိုးလို့ ယောကျ်ားဖြစ်သူက ထားသွားတယ် ဆိုတဲ့အသံတွေ အစကတည်းက မလိုက်ဖက်တာသိရက်နဲ့ စားရရုံကြံတယ်ဆိုတာတွေ..အို စုံနေရောပဲ..။

ဒါလိုအပြောတွေကို ကြင်နာသောအနေနဲ့ စိတ်မညစ်ခဲ့ပေ...စိတ်ထဲလည်းမထားခဲ့ပေ...။

သူ့ယောကျ်ားဘယ်လိုအကြောင်းမျိုးနဲ့ပဲထားခဲ့ထားခဲ့ ဖောက်ပြန်သွားတာဖြစ်လို့ ကြင်နာသောစိတ်ထဲမှာသေစာရင်းသွင်းပြီးသား..။

ကြင်နာသောအနာကျည်းဆုံးကထိုသို့သောဖောက်ပြန်ခြင်းဖြစ်တာမို့ ခွင့်လွှတ်ပေးဖို့မရှိ..။

ရုပ်ဆိုးလို့ပဲထားထား ဘာပဲဖြစ်ဖြစ် သူ့မှာသမီးလေးရှိသေးသည်မို့အားတင်းရမည်မဟုတ်လား..။

သမီးလေးပိုးစံထား တစ်နှစ်ခွဲရောက်တော့ မကြီးလိမ္မာသောတစ်ယောက် လူမျိူးကွဲတစ်ဦးနဲ့အိမ်ထောင်ပြုကာ စင်ကာပူကိုအပြီးလိုက်သွားခဲ့သည်..။သို့ပေမယ့် အဆက်အသွယ်မပြတ်ခဲ့ကြ..။

သမီးလေး ၃နှစ်လမ်းစလျှောက်ပြီးမပီကလာ ပီကလာဖြင့်စကားတစ်လုံးစနှစ်လုံးစ စပြောပြီ..။မလတ် ယဥ်ကျေးသော ကစိန်တိုက်ကိုဦးစီးတော့ ဘွားကစီးပွားရေးကနေအနားယူခဲ့သည်..။

ဉာဏ်ပြည့်တို့ဖက်က သူတို့သားအမှားဟုဆိုကာ သမီးလေးအတွက် Healthy Life ဆေးရုံကိုအမည်ပေါက်လွှဲပြောင်းပေးခဲ့သည်..။

ကြင်နာသော လက်ခံခဲ့သည်..။

လက်ညိုးထိုးခံရ...အတင်းပြောခံရ...မျက်နှာငယ်ခဲ့သမျှ ရသင့်သလောက် သမီးလေးအတွက်သူ ပြန်ယူရမည်..။