Unicode
အခန်း-၅၇။ချစ်ဇနီးလေး၏အမိန့်မှန်သမျှကိုလုံးဝလိုက်နာရမယ်!
___________________________________________"ဟယ်လို? ကုဖုန်းလား...ဘာဖြစ်နေတာလဲ...စာချုပ်အားလုံးမှာလက်မှတ်ထိုးပြီးပြီလား?မင်းရဲ့ customer တွေနဲ့ ညစာသွားစာရမှာမဟုတ်ဘူးလား... ညနေခင်းထမင်းစားပွဲမှာ ညနေစာကိုပိုစားပေးဖို့နဲ့၀ိုင်လေးသောက်ပြီးလေကောင်းလေသန့်ရှူကြပါဆိုပြီးငါမင်းကိုညွှန်ကြားစရာမလိုဘူးလို့တော့ ငါမျှော်လင့်တယ်..."
သူ ကုဖုန်းရဲ့ ဖုန်းကောကိုလက်ခံရရှိတဲ့အချိန်မှာ လင်ကျန်းရီတစ်ယောက်ဟာဆိုရင်ဖြင့် ဖိုင်တစ်ခုကိုဖွင့်ကာသူစိတ်အ၀င်စားဆုံးအရာလေးကို ခိုးကြည့်နေခြင်းပင်။
သေချာတာပေါ့၊ဒါက တခြားသူတွေမမြင်သင့်မကြည့်သင့်တဲ့ဟာတွေတော့မဟုတ်ဘူး။
အခြေခံအားဖြင့် စုကျစ်ယန်တစ်ယောက် အပြင်ထွက်ကစားတဲ့အချိန် ဒါမှမဟုတ် အလုပ်ကိစ္စခရီးထွက်တုန်းက ရိုက်ယူထားသည့်ပုံတွေပင်၊အဲ့ဒီပုံတွေထဲတွင် သူ့ပုံတွေအပြင်တခြားပုံတွေလည်းရှိနေသေးသည်။
စုကျစ်ယန်၏ အဆင့်မြင့်ကင်မရာသုံးကိရိယာများကိုကြည့်ခြင်းအားဖြင့် လင်ကျန်းရီသည် ဤအကောင်ပေါက်လေးသည်စတိုင်လ် ကျမိမိုက်လိုသူတစ်ဦး ဖြစ်ကြောင်းထင်ထင်ရှားရှားသိလိုက်ရသည်။
"လင်ကျန်းရီ အာ...လင်ကျန်းရီ မင်းအရမ်းတော်ပါတယ်ကွာ!"
ကုဖုန်းသည် ရေချိုးခန်းအတွင်းသို့၀င်ပုန်းအောင်း၍ လက်ဆေးသည့်စင်ကိုအသာမှီလိုက်သည်။သူ့လက်တစ်ဖက်ကဖုန်းကိုကိုင်ထားသည့်အချိန်မှာကျန်လက်တစ်ဖက်ကသူ့အိတ်ကပ်ထဲသို့ထိုးထည့်ထားလေသည်။
သူကနောက်ပြောင်လိုဟန်အပြည့်ဖြင့်
"မင်းကမင်းရဲ့ညီအစ်ကိုကောင်းစီကနေတောင်ဖွက်ထားသေးတယ်နော်"
လင်ကျန်းရီ၏အာရုံတို့ဟာဆိုရင်ဖြင့် ဖုန်းပြောခြင်းတွင်နည်းနည်းလေးမှရှိမနေပေ။သူက စုကျစ်ယန်၏ကွန်ပျူတာထဲမှပုံတွေကိုတစ်ပုံခြင်းစီနှိပ်ကြည့်နေပြီး အားရပါးရ ရယ်မောနေမိသည်မှာသူ့ရဲ့ပါးစပ်မပိတ်နိုင်တဲ့အထိပင်။
YOU ARE READING
ငါမင်းကိုတာဝန်မယူစေချင်ဘူး//IDWYTBR// (Myanmar Translation)
RomanceFull credit to original creator ᴡᴇʙɴᴏᴠᴇʟ (ᴄɴ) ᴀᴜᴛʜᴏʀ - 北棠墨(ʙᴇɪ ᴛᴀɴɢ ᴍᴏ) ᴇɴɢ ɴᴀᴍᴇ-ɪ ᴅᴏɴ'ᴛ ᴡᴀɴᴛ ʏᴏᴜ ᴛᴏ ʙᴇ ʀᴇsᴘᴏɴsɪʙʟᴇ ᴀssᴏᴄɪᴀᴛᴇᴅ ɴᴀᴍᴇ-老子不要你负责! ˢᵒᵘʳᶜᵉ - ʳʳʳʳʰᵉˣⁱᵃ Unicode Night clubတစ်ခုမှာ အပျော်ရှာပြီးသိပ်မကြာခင်မှာပဲ သူ့ကိုယ်ထဲမှာ မ...