နေ့ရဲ့ဒယ်ဒီ ဦးဗညားနေရယ် ၊ ကိုကြီးနေရောင်ခရယ် အန်ကယ် ခန့်ညားအောင်ရယ်က ပူးပေါင်းပြီးလုပ်မယ့်အလုပ်ကိစ္စတွေအကြောင်းဆွေးနွေးနေကြသည်။ နေကတော့ လုပ်ငန်းသဘာဝ ရှယ်ယာစျေးကွက်တွေအကြောင်းပြောနေကြတာကို ဗဟုသုတအနေနဲ့နားထောင်နေသည်။ တစ်ချိန်ကျရင် သူ့အတွက်လိုအပ်လာမှာတွေဖြစ်သည်ကြောင့်။ ကိုမိုးပြေးသဏ္ဍာန်ကတော့ အများကြီးဝင်မပြောနေဘူး ခေါင်းညိတ်ခေါင်းခါနဲ့ သူပြောဖို့လိုတဲ့အရာလေးတွေသာလိုက်ပြောသည်။ ဒါကလည်း သူကျွမ်းကျင်တဲ့ကိစ္စမဟုတ်ဘူးဆိုတာကိုအစောကတည်းကပြောပြထားသည်။ Crown လုပ်ငန်းစုက Hotel တွေအဓိကဖွင့်လှစ်တာဖြစ်ပြီး management ပိုင်းကတော့ ကိုမိုးပြေးသဏ္ဍာန်က အန်ကယ် ဦးခန့်ညားအောင် လှည့်ကြည့်စရာမလိုသည်အထိ ကျွမ်းကျင်သည်တဲ့။ ဒါတွေကို အစောက စကားဝိုင်းမှာသိခွင့်ရခဲ့တာဖြစ်သည်။ နေ မိုးပြေးသဏ္ဍာန်ဆိုတဲ့လူကိုမလေးစားဘဲမနေနိုင်ပါ။ ပြောမယ်ဆို အသက်လည်း အရမ်းကြီးတာမဟုတ်ဘဲ နေနဲ့ဆိုမှ 5 နှစ်နီးပါးပဲကြီးတဲ့လူက ဘယ်အရွယ်ကတည်းကဒီလောကထဲဝင်ခဲ့လို့အဲ့လောက်တတ်ကျွမ်းနေတာလဲ။
အန်ကယ် ဦးခန့်ညားအောင်ကတော့ Crown ရဲ့ ဥက္ကဌပေမဲ့ များသောအားဖြင့် သားဖြစ်သူနဲ့လက်လွှဲကာ အပြင်စီးပွားရေးတွေလိုက်လုပ်သည်။ အရေးကြီးတဲ့ meeting တွေမှသာတွေ့ရတတ်သည်ဆိုတာ ဒယ်ဒီတို့လို စီးပွားရေးလောကက လူတွေအားလုံးသိကြသည်။ နေလည်း အောင်မြင်ကျော်ကြားနေတဲ့လုပ်ငန်းရှင်တွေအကြောင်းနဲ့မစိမ်းပါ။ ဒါပေမဲ့ ကိုမိုးပြေးသဏ္ဍာန်ကိုတော့ ခုမှသိခွင့်ရတာဖြစ်သည်။
စားရင်းသောက်ရင်းစကားပြောနေကြတုန်း မိုးပြေးအရှေ့ကကောင်လေးကိုကြည့်မိသည်။ သူ့ကြည့်ရတာ လူကြီးတွေစကားပြောနေတာကိုပျင်းပုံမရဘဲစိတ်ဝင်တစားတောင်နားထောင်နေသေးသည်။ ပုံမှန်လူငယ်တွေဆို ငြီးငွေ့နေလောက်ပြီမလား။ သူပုံစံက လွတ်လွတ်လပ်လပ်နေပုံရပေမဲ့ ပေါ့ပျက်ပျက်ထဲကတော့ဖြစ်ပုံမရပါ။ ဒါကြောင့်လည်း အန်ကယ်ဦးဗညားနေက မချုပ်ချယ်တာဖြစ်ပါလိမ့်မည်။
![](https://img.wattpad.com/cover/285439626-288-k62188.jpg)
YOU ARE READING
နေရောင်လွှမ်းတဲ့ မိုးပြေးသဏ္ဍာန် (ေနေရာင္လႊမ္းတဲ့ မိုးေျပးသ႑ာန္)
Romanceနေရောင်ထွက်ပေါ်လာရင်မိုးတိမ်တွေဖယ်ပေးရတာထုံးစံပဲ...ခင်ဗျားနဲ့ကျွန်တော်နဲ့က ကောင်းကင်တစ်ခုတည်းမှာအတူမရှိနိုင်တဲ့သူတွေ နေရောင်လွှမ်း တစ်ခါတစ်လေကျရင်လည်း မိုးတိမ်တွေကိုနေရောင်က ဖြန့်ကျက်ထားမှ ပိုကြည့်ကောင်းတဲ့မြင်ကွင်းတစ်ခုဖြစ်သွားတာ...