ညဆယ်နာရီထိုးခါနီးကြီး မိုးပြေးဆီကိုဖုန်းဝင်လာခဲ့သည်။ ရဲစခန်းကဆက်တာဖြစ်ပြီး ရောင်လွှမ်းတို့ကရန်ဖြစ်ကြသည်တဲ့။ လူကပူထူပြီး အလျင်စလိုပဲ မိုးပြေးလိုက်သွားဖို့လုပ်ရသည်။ ကောင်ငယ်လေးက ဒီလိုမျိုးအထိဖြစ်တယ်ဆိုတာ မိုးပြေးတစ်ခါမှမကြားဖူးဘူး။
မိုးပြေးစခန်းထဲကိုရောက်တော့ လူနည်းနည်းရှုပ်နေတာကိုတွေ့ရသည်။ ထည်ထည်ဝါဝါဝတ်ဆင်ထားတဲ့ အန်တီကြီး နှစ်ယောက်သုံးယောက်ကိုလည်းတွေ့ရသည်။ ရောင်လွှမ်းနဲ့ဖြစ်တဲ့တစ်ဖက်အဖွဲ့က အုပ်ထိန်းသူတွေဖြစ်ပါလိမ့်မည်။
ဘေးဘက်အချုပ်ခန်းထဲမှာတော့ ရောင်လွှမ်းနဲ့ တခြားကောင်လေးတွေရောရှိနေသည်။ ရောင်လွှမ်းမျက်နှာက လုံးဝကြီးတည်တင်းနေကာ မျက်ခုံးတန်းတွေကိုလည်းစုကြုံ့ထားသည်။ ကောင်ငယ်လေးကိုအဲ့အထဲမှာမြင်ရတာ မိုးပြေးအတွက်ဘယ်လိုမှအဆင်မပြေတာကြောင့် အမြန်ဆုံးထွက်နိုင်ဖို့လုပ်ရသည်။
"ဒီက ညီလေးက"
စခန်းမှူးက မေးလာတော့
"ကျွန်တော်က နေရောင်လွှမ်းရဲ့အမျိုးသားပါ"
ရှိတဲ့လူတွေကခဏတော့ကြောင်သွားပြီးဘာမှမဖြစ်သလိုပဲနေလိုက်ကြသည်။ ဟိုအန်တီကြီးတွေကသာ အထင်သေးသလို မတူမတန်သလိုကြည့်နေကြသေးတာဖြစ်သည်။
"စခန်းမှူး ကျွန်တော်သူတို့ကို အာမခံလုပ်ပေးလို့ရမလား"
မိုးပြေးက အန်တီကြီးတွေဘက် အာရုံမထားတော့ဘဲ သိလိုတာကိုသာမေးလိုက်သည်။
"အို ဒါမျိုးဘယ်ရမလဲ ငါ့သားက အခုဆေးရုံရောက်နေရတာ အဲ့ကောင်လေးကို ထောင်ဘယ်လောက်ပဲကျကျ တရားစွဲမယ် အမှုရင်ဆိုင်မယ်"
အန်တီကြီးက ဆတ်ဆတ်ထိမခံ ပြောလာသည်။
"ဒီကအန်တီကို ကျွန်တော်ကပဲတောင်းပန်ပါတယ် လူငယ်ချင်းအခန့်မသင့်လို့ဖြစ်တဲ့ကိစ္စကို နားလည်ပေးပါ အန်တီကျေနပ်တဲ့အထိလိုက်လျောပေးမှာမလို့ အမှုတွေဘာတွေလုပ်ပြီးရှည်ရှည်ဝေးဝေးမလုပ်ပါနဲ့လား"
![](https://img.wattpad.com/cover/285439626-288-k62188.jpg)
YOU ARE READING
နေရောင်လွှမ်းတဲ့ မိုးပြေးသဏ္ဍာန် (ေနေရာင္လႊမ္းတဲ့ မိုးေျပးသ႑ာန္)
Romanceနေရောင်ထွက်ပေါ်လာရင်မိုးတိမ်တွေဖယ်ပေးရတာထုံးစံပဲ...ခင်ဗျားနဲ့ကျွန်တော်နဲ့က ကောင်းကင်တစ်ခုတည်းမှာအတူမရှိနိုင်တဲ့သူတွေ နေရောင်လွှမ်း တစ်ခါတစ်လေကျရင်လည်း မိုးတိမ်တွေကိုနေရောင်က ဖြန့်ကျက်ထားမှ ပိုကြည့်ကောင်းတဲ့မြင်ကွင်းတစ်ခုဖြစ်သွားတာ...