နောက်နေ့ရောက်တော့ ရောင်လွှမ်းက မိုးပြေးအလုပ်ကို ကားနဲ့လိုက်ပို့သည်။ ညနေရောက်ရင်ပြန်လာကြိုမည်ဖြစ်ကာ တစ်ခါတည်း သူ့အိမ်ကို သွားကြမည်ဖြစ်သည်။ မနေ့ညကတည်းက မိုးပြေးလိုအပ်တဲ့အသုံးအဆောင်ပစ္စည်းတွေထည့်ခိုင်းထားပြီးသားဖြစ်သည်။ ကျန်ခဲ့မယ့် ဒေါ်ကြီးမိုးနဲ့အလုပ်သမားတွေကအစ နေကအဆင်ပြေအောင်စီစဥ်ထားကာ မိုးပြေးလှည့်ကြည့်စရာပင်မလို။
တစ်နေ့တာ အလုပ်ထဲခေါင်းစိုက်ပြီးချိန်မှာတော့ ရောင်လွှမ်းက ပြန်ဖို့အတွက်ရောက်နေခဲ့ပြီ။ မိုးပြေးရုံးခန်းထဲထိကို တကူးတက လာခေါ်ပေးသည်။ တကယ်ဆို ကားပါကင်ကနေ ရောက်နေပြီဖြစ်တဲ့အကြောင်း ဖုန်းခေါ်တာပဲဖြစ်ဖြစ်မက်ဆေ့ချ်ပို့တာပဲဖြစ်ဖြစ်လုပ်လို့ရရဲ့သားနဲ့။
ကားပေါ်မှာရှိနေတဲ့တစ်လျှောက်လုံးလည်း မိုးပြေးကိုဘာအကြောင်းအရာတစ်ခုမှမေးမလာပဲတိတ်တဆိတ်ပေးနေသည်။ ရောင်လွှမ်းက တကယ်ကို အလိုက်သိတဲ့လူငယ်လေးဖြစ်သည်။ မိုးပြေးလည်းဘယ်လောက်ပဲအေးဆေးနေတတ်သူဖြစ်ပါစေ ဒီလိုအချိန်မျိုးမှာတော့ မငြီးမငြူလိုက်မဖြေချင်ပါ။ လိုက်ဖြေပေးနေရတာက ပိုပြီးစိတ်ပင်ပန်းစေတယ်မလား။
ရောင်လွှမ်းမိဘတွေအိမ်ကိုရောက်လာတော့လည်း အားလုံးက ဝမ်းပမ်းတသာကြိုဆိုကြသည်။ ရောင်လွှမ်းရဲ့ဒယ်ဒီရော မာမီရောကလည်းနွေးနွေးထွေးထွေးဆက်ဆံကြသည်။ ရောင်လွှမ်းအကိုကြီးနေရောင်ခကလည်း မိုးပြေးတို့ နှစ်ယောက်ကို နွေးထွေးတဲ့အပြုံးတွေနဲ့ကြိုဆိုနေလျက်၊ ရောင်လွှမ်းရဲ့ညီမလေးကြည်သာရောင်ကလည်း ရင်းရင်းနှီးနှီးစကားတွေအများကြီးပြောနေသည်။
အပေါ်ယံတွေမဟုတ်ဘဲ တကယ့်နွေးထွေးမှုကိုခံစားမိတာမို့ မိုးပြေးရင်ထဲတင်းကြပ်မှုတွေက ခဏတာပြောလျော့သွားသည်။ ဒီအတိုင်းဆိုရင် ဒယ်ဒီကိစ္စသေချာအာရုံစိုက်နိုင်မည်ထင်ပါရဲ့။
"သားမိုးပြေး ထမင်းတစ်ခါတည်းစားမလား"
"နေပါဦးကွာမင်းကလည်း သားတို့နားပါစေဦး ခုမှအစောကြီးရှိသေးတာကို"
![](https://img.wattpad.com/cover/285439626-288-k62188.jpg)
YOU ARE READING
နေရောင်လွှမ်းတဲ့ မိုးပြေးသဏ္ဍာန် (ေနေရာင္လႊမ္းတဲ့ မိုးေျပးသ႑ာန္)
Romanceနေရောင်ထွက်ပေါ်လာရင်မိုးတိမ်တွေဖယ်ပေးရတာထုံးစံပဲ...ခင်ဗျားနဲ့ကျွန်တော်နဲ့က ကောင်းကင်တစ်ခုတည်းမှာအတူမရှိနိုင်တဲ့သူတွေ နေရောင်လွှမ်း တစ်ခါတစ်လေကျရင်လည်း မိုးတိမ်တွေကိုနေရောင်က ဖြန့်ကျက်ထားမှ ပိုကြည့်ကောင်းတဲ့မြင်ကွင်းတစ်ခုဖြစ်သွားတာ...