Crown လုပ်ငန်းစုက တစ်ဦးတည်းသောသားက ယောကျာ်းတစ်ယောက်နဲ့ လက်ထပ်သည်ဆိုတဲ့သတင်းဟာ တစ်နိုင်ငံလုံးဟိုးလေးတကျော်ကျော်ဖြစ်နေသည်။ အတင်းအဖျင်းတွေကလည်းမျိုးစုံထွက်နေသည်။ ခါးခါးသီးသီးရှုံ့ချတဲ့သူတွေရှိသလို ထောက်ခံပေးတဲ့သူတွေလည်းရှိသည်။ Crown လုပ်ငန်းစုရဲ့ သားမက်ဖြစ်လာမယ့်သူနဲ့ပတ်သက်ပြီးလည်း အမျိုးစုံဝေဖန်ကြတာဖြစ်သည်။ အဆိုးဆုံးက Crown လုပ်ငန်းစုနဲ့ သက်ဆိုင်လာမယ့်သူဟာ Gay အဖြစ် Come out လုပ်ထားတဲ့သူဆိုပြီးသတင်းတွေထွက်လာသည်။ အဲ့ဒီသတင်းကြောင့် လူတွေရဲ့အာရုံဟာ Crown လုပ်ငန်းစုထက် သက်ဆိုင်လာမယ့်သူကိုသာပိုပြီးအာရုံစိုက်လာကြသည်။ Crown လုပ်ငန်းစုရဲ့ပိုင်ဆိုင်မှုတွေကမနည်းမနောမို့ အဲ့ဒါတွေကိုမက်ပြီး အပိုင်ဖမ်းသည်ဆိုတဲ့စကားသံတွေနဲ့ သို့လောသို့လော စကားတွေဟာပေါ်ပေါက်လာသည်။
အဲ့ဒီစကားတွေဟာ နေရောင်လွှမ်းရဲ့စိတ်ကို အဆုံးအစွန်ထိ အရောက်ပို့ပေးနေသလိုပင်။ လူတွေက အကြောင်းအရင်းသေချာမသိကြဘဲပြောဆိုဝေဖန်ဖို့ဆိုရင် အရမ်းတက်ကြွနေတတ်သည်။ ဒယ်ဒီ၊ မာမီနဲ့ အစ်ကိုကြီးကလည်း အဲ့ဒီသတင်းတွေကြောင့်မျက်နှာမကောင်းကြပါ။ မိသားစုဝင်တွေမျက်နှာငယ်နေရတော့ နေ့စိတ်တွေကပိုဆိုးသည်။
"သား သေချာပြင်ပြီးပြီးလား ပွဲအချိန်ကနီးနေပြီ"
နားနေခန်းထဲမှာရှိနေသေးတဲ့ နေ့ဆီကို မာမီကရောက်လာသည်။ နေထရပ်လိုက်တော့မာမီက နေ့ရဲ့အဖြူရောင် suit ကို ပြုပြင်ပေးနေသည်။
ဒေါ်မိုးမာလာ သူမသားလေးကောင်းဖို့အတွက်သာမဟုတ်ရင် သူမဒီကိစ္စကိုသဘောမတူချင်ပါ။ အသက်ငယ်ငယ်လေးနဲ့လည်း သူများဆီကိုမပေးလိုက်ချင်။ သားလေးက wedding ကိုမြန်မြန်လုပ်ချင်တယ်လို့ပြောလာတော့တောင်သူမအံ့သြရသေးသည်။ လူငယ်ချင်းသဘောကျလို့ဖြစ်မှာပါလေဆိုပြီး သူမစိတ်အေးခဲ့ရသည်။ အခုလိုသတင်းတွေထွက်လာတော့ သားလေးစိတ်မကောင်းဖြစ်နေသည်ထင်ပါရဲ့ wedding နေ့ကြီးမှာတောင်မျက်နှာက မလန်း။
YOU ARE READING
နေရောင်လွှမ်းတဲ့ မိုးပြေးသဏ္ဍာန် (ေနေရာင္လႊမ္းတဲ့ မိုးေျပးသ႑ာန္)
Romanceနေရောင်ထွက်ပေါ်လာရင်မိုးတိမ်တွေဖယ်ပေးရတာထုံးစံပဲ...ခင်ဗျားနဲ့ကျွန်တော်နဲ့က ကောင်းကင်တစ်ခုတည်းမှာအတူမရှိနိုင်တဲ့သူတွေ နေရောင်လွှမ်း တစ်ခါတစ်လေကျရင်လည်း မိုးတိမ်တွေကိုနေရောင်က ဖြန့်ကျက်ထားမှ ပိုကြည့်ကောင်းတဲ့မြင်ကွင်းတစ်ခုဖြစ်သွားတာ...