နှစ်ရက်မြောက်ကိုကျော်လွန်ပြီးတော့ မိုးပြေးအတွက် ဒုတိယအကြိမ်မြောက် Rain Construction ကိုခြေချခဲ့ရပြန်သည်။
"ဪ အစ်ကိုလာ Boss ရုံးခန်းထဲကခဏထိုင်စောင့်ပေးပါနော် Boss နဲ့ အတွင်းရေးမှူးအစ်ကိုက ဆိုဒ်တွေဘက်ကနေအခုမှပြန်လာတုန်းမလို့ပါ"
"အင်းပါ ရပါတယ် ကိုယ်စောင့်နိုင်ပါတယ်"
"ဟုတ်ကဲ့ပါရှင့် အဲ့ဒါဆို Boss ရုံးခန်းထဲကနေစောင့်နေပေးပါနော် ကြွပါရှင့်"
မိုးပြေးကို ရုံးခန်းထဲထိ ကောင်မလေးကလိုက်ပို့ကာ သေချာနေရာချပေးပြီး ပြန်ထွက်သွားသည်။ ခန့်ထည်လှတဲ့ ရုံးခန်းအသွင်အပြင်ကို တစ်ချက်လေ့လာကြည့်နေလိုက်သည်။ ခပ်ကျယ်ကျယ်ရုံးခန်းက ပရိဘောဂအများကြီးနဲ့ပြင်ဆင်ထားခြင်းမရှိဘဲ လိုအပ်သည်များကိုသားရှင်းရှင်းလင်းလင်းထားရှိထားသည်။ ပြီးတော့ထူးရှားတာတစ်ခုက ကြမ်းခင်းကစပြီးတော့ ဆိုဖာခုံ စားပွဲခုံတွေနဲ့ ခန်းစီးလိုက်ကာတွေကအစ ဖိုင်တွေထားရှိရာဗီရိုအဆုံး အနက်ရောင်တစ်ခုကိုသာအသုံးပြုထားသည်။ တစ်ခန်းလုံးက အနက်ရောင်ပြောင်လက်နေပြီး သပ်သပ်ရပ်ရပ်ဖြစ်နေ၍ ပိုပြီးတော့ခန့်ထည်နေသလိုမျိုးပင်။
ဟိုကြည့်ဒီကြည့် ခဏကြည့်ပြီးတော့ ကိုယ်ဆွေးနွေးချင်တဲ့အကြောင်းအရာတွေပါတဲ့ဖိုင်တွဲကိုပြန်စစ်နေလိုက်သည်။ ဒါမှ သူများရုံးခန်းထဲထိုင်ပြီး ကြောင်တောင်တောင်မဖြစ်နေမှာ။
မိနစ်နှစ်ဆယ်နီးပါးလောက်စောင့်ပြီးတဲ့အချိန်မှာတော့ ရုံးခန်းနားကိုရောက်ရှိလာတဲ့ ခြေသံအချို့ကိုကြားရသည်။ သူတို့ Boss နဲ့အတွင်းရေးမှုးရောက်လာပြီထင်သည်။ မိုးပြေးနှုတ်ဆက်ဖို့အတွက်နဲ့ ထရပ်ထားလိုက်ပြီး ကိုယ်ကိုပြုပြင်နေလိုက်သည်။ မိုးပြေးက ဒီလိုမျိုးပူပေါင်းဆောင်ရွက်ဖို့ကို ဘယ်တော့မှကမ်းလှမ်းဖူးခဲ့တာမဟုတ်တာကြောင့် အဆင်မပြေဖြစ်သွားမှာကိုတော့စိုးရိမ်နေမိပါသည်။
တံခါးဖွင့်ပြီး ဝင်လာကြတော့
"မင်္ဂလာပါ ကျွန်တော်က Crown က... ဟင် ရောင် ရောင်လွှမ်း"
YOU ARE READING
နေရောင်လွှမ်းတဲ့ မိုးပြေးသဏ္ဍာန် (ေနေရာင္လႊမ္းတဲ့ မိုးေျပးသ႑ာန္)
Romanceနေရောင်ထွက်ပေါ်လာရင်မိုးတိမ်တွေဖယ်ပေးရတာထုံးစံပဲ...ခင်ဗျားနဲ့ကျွန်တော်နဲ့က ကောင်းကင်တစ်ခုတည်းမှာအတူမရှိနိုင်တဲ့သူတွေ နေရောင်လွှမ်း တစ်ခါတစ်လေကျရင်လည်း မိုးတိမ်တွေကိုနေရောင်က ဖြန့်ကျက်ထားမှ ပိုကြည့်ကောင်းတဲ့မြင်ကွင်းတစ်ခုဖြစ်သွားတာ...