အဝတ်လဲခန်းထဲ၌ မိုးပြေး ဒင်နာသွားဖို့အတွက် ပြင်ဆင်နေချိန် ရောင်လွှမ်းက ခါးမှာတဘက်တစ်ထည်သာပတ်ထားလျက်နဲ့ဝင်လာသည်။ ကြည့်ရတာ အခုမှရေချိုးပြီးလာပုံ ခေါင်းကိုလည်းလျှော်လာပုံရကာ အဖြူရောင်တဘက်တစ်ခုနဲ့ ဆံပင်ကုပ်ထောက်တွေကို သုတ်နေသည်။
မိုးပြေးက နီညိုရောင် suit ကို ဝတ်မှာဖြစ်ပြီး အခုလောလောဆယ်တော့ အတွင်းကခံဝတ်တဲ့ ရှပ်အဖြူရောင်သာဝတ်ထားရသေးသည်။ နီညိုရောင်ကုတ်ကတော့ မဝတ်ရသေး။ ရောင်လွှမ်းဝင်လာတဲ့အချိန်က ကိုယ်အပေါ်ပိုင်းဗလာကို အင်္ကျီဝတ်နေတဲ့အချိန်ဖြစ်၍ မိုးပြေး အသားတစ်ချို့ကို ကောင်ငယ်လေးမြင်သွားမှန်းရိပ်မိလိုက်ပါသည်။ ပုံမှန်ဆို ဒီလိုမြင်တာဟာကိစ္စမရှိပေမဲ့ အခုက မိုးပြေးခန္ဓါကိုယ်မှာ အနီရောင်အကွက်တွေ ဟိုတစ်ကွက် ဒီတစ်ကွက် ခပ်စိပ်စိပ်ရှိနေသေးတဲ့အချိန်ဖြစ်တာကြောင့် အနည်းငယ်တော့ မျက်နှာပူမိသည်။ မိုးပြေးနည်းတူကောင်ငယ်လေးက မိုးပြေးကိုယ်ပေါ်က အနီရောင်အကွက်တွေအကြောင်းတွေးနေခဲ့တယ်ဆိုတာတော့ မိုးပြေးမရိပ်မိခဲ့။
နေ အဝတ်လဲခန်းထဲဝင်လာလာချင်း ထိုလူကအင်္ကျီကို အလျင်အမြန်ဝတ်လိုက်တာကိုတွေ့ရသည်။ ထိုလူက တစ်စုံတစ်ရာကိုမမြင်စေချင်လို့လားမသိ မြင်ဖြစ်အောင်ကိုမြင်သွားသေးသည်။ အဲ့ဒီအကွက်တွေက အရောင်တောင်မှိန်တော့မှာပဲ ဒီနေ့ည ထပ်ထင်းအောင်လုပ်ထားရမယ်လို့ နေ့စိတ်ထဲတွေးထားလိုက်သည်။
"ရောင်လွှမ်း ခေါင်းပြောင်အောင်သုတ်လေ ဒါမှမဟုတ်ကိုယ် dryer နဲ့မှုတ်ပေးရမလား"
ကောင်ငယ်လေးက ခေါင်းကို စိတ်မပါလက်မပါပုံစံနဲ့ သုတ်နေကာ လက်တစ်ဖက်မြှောက်လိုက်တိုင်းမှာ ကြွက်သား အမြောင်းတွေကလှုပ်ရှားသွားသည်။ လက်မောင်းကြွက်သားတွေ ဗိုက်ကြွက်သားတွေကလည်းအထစ်ထစ်။ ထိုမှတစ်ဆင့် တဘက်ပတ်ထားတဲ့နေရာ ဆီးစပ်ဘေးမှာတော့ ယောကျာ်းလေးတိုင်း လိုချင်ရတဲ့ V line။ မိုးပြေးက အရပ်သာရှည်ပေမဲ့ ခန္ဓါကိုယ်မှာတော့ ဘာကြွက်သားမှရှိမနေဘဲ ပုံမှန်ပဲဖြစ်သည်။ အရပ်ရှည်တယ်ဆိုတာတောင် ကောင်ငယ်လေးရဲ့နားရွက်နားကိုပဲမှီသည်။
![](https://img.wattpad.com/cover/285439626-288-k62188.jpg)
YOU ARE READING
နေရောင်လွှမ်းတဲ့ မိုးပြေးသဏ္ဍာန် (ေနေရာင္လႊမ္းတဲ့ မိုးေျပးသ႑ာန္)
Romanceနေရောင်ထွက်ပေါ်လာရင်မိုးတိမ်တွေဖယ်ပေးရတာထုံးစံပဲ...ခင်ဗျားနဲ့ကျွန်တော်နဲ့က ကောင်းကင်တစ်ခုတည်းမှာအတူမရှိနိုင်တဲ့သူတွေ နေရောင်လွှမ်း တစ်ခါတစ်လေကျရင်လည်း မိုးတိမ်တွေကိုနေရောင်က ဖြန့်ကျက်ထားမှ ပိုကြည့်ကောင်းတဲ့မြင်ကွင်းတစ်ခုဖြစ်သွားတာ...