နေ အိပ်ယာနိုးလာတဲ့အချိန် ဘေးမှာ ဟိုလူကမရှိတော့။ နာရီကြည့်တော့ မနက် ကိုးနာရီခွဲအချိန်ရှိနေပြီ။
ဒီနေ့ အိပ်ယာထတော်တော်နောက်ကျသွားတာပဲ။ ဟိုလူကရော ဘယ်အချိန်ကတည်းက ထသွားတာလဲ။ အလုပ်များ သွားလိုက်ပြီလား။
ကုတင်ပေါ်မှာပဲ အတွေးတွေများနေချိန် ရေချိုးခန်းတံခါးဖွင့်သံကိုကြားလိုက်ရသည်။
ချောက်!
မျက်နှာသုတ်ပဝါနဲ့ မျက်နှာသုတ်ရင်း ထွက်လာသူကလည်း နိုးတာမကြာသေးဘူးထင်သည်။ မျက်နှာလေးက အနည်းငယ်ဖောင်းအစ်အစ်ဖြစ်နေသည်။ over size တီရှပ်အဖြူရောင်နဲ့ သူ့မျက်နှာက အနည်းငယ်နွမ်းလျနေပုံပေါက်နေပေမဲ့လည်း တော်တော်လေးကို နုငယ်နေသည်။
"ရောင်လွှမ်းနိုးလာပြီလား"
နေက သူ့ကိုစိုက်ကြည့်နေမိတာကြောင့် အိုးတိုးအန်းတမ်းဖြစ်စွာနဲ့ နှုတ်ဆက်လာသည်။ တကယ်တော့ သူတို့တွေအများကြီးရင်းနှီသွားကြပေမဲ့လည်း ဖော်ဖော်ရွေရွေလုပ်လိုက်ဖို့က ထင်သလောက်လွယ်မနေဘူး။
"အင်း...ခင်ဗျားရော အခုမှနိုးတာလား"
"ကိုယ်လည်း အစောကမှနိုးတာနောက်ကျသွားတယ် ဒယ်ဒီတောင် အလုပ်သွားပြီထင်တယ်"
"ဒီနေ့တစ်ရက်တော့ ခင်ဗျား အလုပ်မသွားတော့နဲ့လေ"
"အင်းပါ ကိုယ်လည်းနားဖို့စဥ်းစားထားတယ်"
ဒီလူက နေရတာသိပ်အဆင်မပြေလို့ထင်သည် နေက အလုပ်မသွားဖို့အတွက် ခက်ခက်ခဲခဲ ပြောရမယ်ထင်လိုက်ပေမဲ့ သိပ်မပြောလိုက်ရ။ ခုတင်ပေါ်နဲ့ ရေချိုးခန်းပေါက်ဝအရှေ့နားလေးကနေစကားပြောနေကြပေမဲ့ အရမ်းကြီး အလှမ်းဝေးနေကြတာမျိုးတော့မဟုတ်ပါ။
နေက အိပ်ယာပေါ်ကနေထဖို့အတွက်လုပ်လိုက်တော့ ဟိုလူက မျက်နှာလွှဲပြီး ဆိုဖာခုံတွေဘက်ကိုလျှောက်ထွက်သွားသည်။ နေ့စိတ်ထင်အဲ့ဒီလူက မျက်နှာကြီးရဲသွားသလိုပဲ။ နေကအပေါ်ပိုင်းဗလာဖြစ်နေပြီး ခါးမှာပတ်ထားတဲ့တဘက်က ညအိပ်ဝတ်ထားတာကြောင့် လျော့တိလျော့ရဲဖြစ်နေသည်။
![](https://img.wattpad.com/cover/285439626-288-k62188.jpg)
أنت تقرأ
နေရောင်လွှမ်းတဲ့ မိုးပြေးသဏ္ဍာန် (ေနေရာင္လႊမ္းတဲ့ မိုးေျပးသ႑ာန္)
العاطفيةနေရောင်ထွက်ပေါ်လာရင်မိုးတိမ်တွေဖယ်ပေးရတာထုံးစံပဲ...ခင်ဗျားနဲ့ကျွန်တော်နဲ့က ကောင်းကင်တစ်ခုတည်းမှာအတူမရှိနိုင်တဲ့သူတွေ နေရောင်လွှမ်း တစ်ခါတစ်လေကျရင်လည်း မိုးတိမ်တွေကိုနေရောင်က ဖြန့်ကျက်ထားမှ ပိုကြည့်ကောင်းတဲ့မြင်ကွင်းတစ်ခုဖြစ်သွားတာ...