နေ ရေချိုးပြီးလို့ ရေချိုးခန်းထဲကနေထွက်လာတော့ ဟိုလူက အခန်းထဲရောက်နေသည်။ ဒီနေ့က သူတို့သားအဖအလုပ်နားကြသည်ထင်တယ် ဒါပေမဲ့ မနက်၁၀ နာရီလောက်ကတော့ အန်ကယ်ကအပြင်ထွက်သွားသည်။ နေ ဒီအိမ်ကိုရောက်လာပြီးနောက်ပိုင်း မနက်စာအတူစားဖြစ်ပေမဲ့ နေ့လည်စာနဲ့ညစာကို မစားဖြစ်ပေ။ နေ့လည်ဆိုရင် သူတို့သားအဖက မရှိကာ ညဆိုရင်တော့ နေကမရှိတာဖြစ်သည်။ မနက်စာအတူစားပေးတာတောင် အန်ကယ့်ကို အားနာလို့ဖြစ်သည်။
ဟိုလူက မနက်ကတော့ ပန်းပင်တွေစိုက်ထားတဲ့ဘောင်တွေနားမှာသန့်ရှင်းရေးလုပ်နေသည်။ အရင်နေ့တွေက သူတို့ပြန်လာခါနီး ညနေဘက်တွေမှ အပြင်ထွက်ဖြစ်တာဖြစ်သော်လည်း ဒီနေ့တစ်အိမ်ထဲအတူမရှိချင်တာကြောင့် စောစောစီးစီး အပြင်သွားဖို့ကို ပြင်ဆင်နေလိုက်တာ။
မိုးပြေးသဏ္ဍာန်က သူ့ကိုကြည့်လာပြီး တစ်ခုခုပြောချင်နေတဲ့ပုံစံပင်။ နေ တည့်တည့်စိုက်ကြည့်ပေးလိုက်ကာ...
"ဘာလဲ ခင်ဗျား"
"ဟို...ကိုယ့်ကို တစ်မျိုးတော့မထင်ပါနဲ့"
ပြောလိုက်ရင်အမြဲ အားတုံ့အားနာပုံစံနဲ့ပဲ ပြီးရင် နေ့ကို ဂရုမစိုက်ဘဲလုပ်ချင်ရာလုပ်သည်။
"အဟင်း! ပြောပါအုံး"
"ဒါလေး၊ ရောင်လွှမ်းလိုမယ်ထင်လို့ပါ ပြီးတော့မိဘတွေဆီကတောင်းလို့မကောင်းတော့ဘူးမလား"
နေ့ဆီကို ကဒ်တစ်ကဒ်လှမ်းပေးလာသည်။ နေ သူ့လက်ထဲက ကဒ်ကို ချက်ချင်းမယူသေးဘဲ ခပ်ထေ့ထေ့ကြည့်ပြီးမှဆတ်ကနဲဆွဲယူလိုက်သည်။
"သုံးစရာကုန်တော့မှာနဲ့ အတော်ပဲဖြစ်သွားတာပေါ့ အဟက်! အိမ်ထောင်ကျသွားတာလည်းဘယ်ဆိုးလို့လဲ"
နေ ခပ်လှောင်လှောင်ပြောတော့ မိုးပြေးသဏ္ဍာန်က မျက်နှာမထားတတ်အောင်ဖြစ်သွားသည်။
"ကိုယ်...ရေချိုးလိုက်အုံးမယ်"
မိုပြေး ရောင်လွှမ်းရဲ့ရှေ့ကနေ ရှောင်ထွက်လာသည်။ သူတကယ် ကဒ်ပေးဖို့ကို ချိတုံချတုံဖြစ်နေခဲ့တာ ဒါပေမဲ့ ရောင်လွှမ်းအတွက်အသုံးလိုနေမှာကြောက်တာကြောင့်ထုတ်ပေးခဲ့ရတာ။ အခုအချိန်ထိ သူ့မိဘတွေဆီမှာတောင်းသုံးရတယ်ဆိုရင် မိုးပြေးအားနာမိတာကြောင့်ဖြစ်သည်။ ရောင်လွှမ်းရဲ့အကြည့်တွေက သူ့ကိုနှိမ်တယ်လို့ပြောနေတာမျိုး အပြုအမူတွေကလည်း ဂျစ်တိုက်နေသည့်ကောင်ငယ်လေးလိုပင်။
YOU ARE READING
နေရောင်လွှမ်းတဲ့ မိုးပြေးသဏ္ဍာန် (ေနေရာင္လႊမ္းတဲ့ မိုးေျပးသ႑ာန္)
Romanceနေရောင်ထွက်ပေါ်လာရင်မိုးတိမ်တွေဖယ်ပေးရတာထုံးစံပဲ...ခင်ဗျားနဲ့ကျွန်တော်နဲ့က ကောင်းကင်တစ်ခုတည်းမှာအတူမရှိနိုင်တဲ့သူတွေ နေရောင်လွှမ်း တစ်ခါတစ်လေကျရင်လည်း မိုးတိမ်တွေကိုနေရောင်က ဖြန့်ကျက်ထားမှ ပိုကြည့်ကောင်းတဲ့မြင်ကွင်းတစ်ခုဖြစ်သွားတာ...