Unicode *
မှုန်ရီပြပြ ငွေသော်တာထံသို့
လာဗင်ဒါများက ယိမ်းနွဲ့ကကြိုးနှင့်
ဖျော်ဖြေနေ၏။
တိုးတိတ်သောဝန်းကျင်တွင်
လေတိုးသံ တဝူးဝူးနှင့် ပုစဥ်းရင်ကွဲတို့၏
ငိုကြွေးသံသာ မင်းမူလျက်ရှိသည်။
" ဂျီဂျီ "
လေအဝှေ့တွင် အေးစိမ့်လာသော
ရာသီဥတု၏ ပယောဂကြောင့် ငဂျစ်လေး၏
အသံချိုချိုမှာ အနည်းငယ်တုန်ယင်နေသည်။
ဘေးကပ်လျက်တွင် ခပ်ယို့ယို့ထိုင်နေသော ကလေးကြီး (ဝါ)လူပျိုပေါက်စ၏
ကျယ်ပြန့်သော ပခုံးတစ်ဖက်သို့ ခေါင်းမီလိုက်မိ၏။
"အေးနေပြီလား "
မိမိ၏ ကိုယ်ခန္ဓာငယ်အား ထွေးပွေ့ကာ
ငွေမင်ရောင်ဆံနွယ်အုပ်အုပ်ပေါ်သို့
မေးတင်လျက် ညင်သာစွာဆိုသူက
သူကိုယ်တိုင်၏ ချမ်းအေးမှုကိုဖြင့်
လျစ်လျူရှုထားပုံရသည်။
ရင်ခွင်ကျယ်အတွင်း မျက်စိစုံမှိတ်
ဝင်ခိုလိုက်သော ဤဆောင်းခိုငှက်ကတော့
ခေါင်းကိုတသွင်သွင် ယိမ်းလျက်သာ
နေမိ၏။
" ညဥ့်နက်နေပြီ ဒီတိုင်းဆို ဂျီဂျီ နေမကောင်းဖြစ်လိမ့်မယ် ပြန်ကြရအောင်နော် "
မိမိ၏ အေးစက်စက် လက်ဖဝါးငယ်အား
ယုယုစွာ ဆုပ်ကိုင်၍ စိုးရိမ်ပူပန်တကြီး
ဆိုသည်ကို ခပ်တိုးတိုးကြားနေရသည်။
ပွေ့ယူလိုက်သော ရင်ဘတ်ကျယ်ကျယ်ဆီမှ
နှလုံးခုန်သံစည်းချက်မမှန်ချင် ။
အတွယ်အတာငယ်၏ စကားသံအချို့က
နားထဲပေါ်တလှည့် ပျောက်တလှည့် ။
" ဂျီဂျီ ကို ဘယ်လိုချန်ထားခဲ့နိုင်မှာလဲ "
နောက်ဆုံးကြားလိုက်ရသည့် ငဂျစ်လေး၏
သက်ပြင်းသံတစ်ဝက် ပူပန်မှုတစ်ဝက်
ရောယှက်နေသည့် စကားကြောင့်
ဖျော့တော့တော့နှုတ်ခမ်းပါးများကို
အားယူကာပြုံးမိသည်။
၎င်းနောက် စက္ခုအာရုံပသာဒသည်
တဖြည်းဖြည်းချင်းကန့်လန့်ကာချတော့၏။
အမှောင်ထုကြီးစိုးနေသောအခန်းငယ်တွင်
မိန်းမပျိုတစ်ဦးက နှုတ်ခမ်းပါးများကို
တင်းတင်းစေ့လျက် မျက်ဝန်းနက်များဖြင့်
စိုက်ကြည့်ကာနေသည်။
ကြိမ်ဖန်များစွာမြင်ဖူးဟန်ထင်ရသော
မျက်ဝန်းများပင်ဖြစ်လင့်ကစား
စိမ်းသက်သက်အငွေ့အသက်များဖြင့်
ထုံလွှမ်းနေပြန်သည်။
KAMU SEDANG MEMBACA
LOVE IS YOUR NAME
Fiksi PenggemarI'll wait for forever if love is your name. (Completed)
