Unicode *
သော်တာစန်းစ လရောင်ဖြဖြ ၊
ကြယ်လေးငယ်ရောင်တလက်လက် ၊
ညမီးအိမ်ရောင် မှုန်မွှားမွှားကြားမှ
အိမ်အပြန်လမ်းကို ရှေ့ဆက်နေရသည်။
တွဲလက်တစ်ဖက်၏အကူအညီနှင့် အမှောင်ယံကို တိုးဝင်လျှောက်လှမ်းနိုင်နေ၏။ညဇီးကွက်တို့၏ အသံစာစာတစ်ချိူ့နှင့်
ပုစဉ်းရင်ကွဲသံ တို့ပင် ထွက်ပေါ်စပြုနေပြီ
ဖြစ်သည်။
သောင်ပြင်မှ ကပ်ငြိပါလာသော သဲမှုန်သဲစတို့
ကြောင့် ခြေဖဝါးငယ်တို့ တကျိကျိအသံမြည်နေသယောင်ပင်ခံစားနေရသည်။
လမ်းဘေးဝဲယာနှစ်ဖက်ရှိ အရိုင်းပန်းငယ်တို့ထံမှလည်း ရနံ့မွှေးမွှေးတို့က ညလေပြည်နှင့်အတူသင်းပျံ့နေ၏။ပုလဲနက်မျက်ဝန်းပိုင်ရှင် အတွယ်အတာငယ်
လေး၏ မျက်နှာနုနုတွင် လည်း လရောင်သဲ့သဲ့
ဖြာလင်းနေ၏။
ဂုဏ်ကျက်သရေ အတိမွှန်းသော နီရဲရဲ
နှုတ်ခမ်းပါးတစ်စုံမှာ ပြုံးယောင်သမ်းနေသည်။
ညဉ့်အလှသည် ကြည်နူးဖွယ် ။
ငဂျစ်လေး၏ အပြုံးသည်လည်း ကြည်နူးဖွယ်။“ဂျီဂျီ အေးနေပြီလား ”
ရုတ်တရက်ခေါင်းငုံ့လာသော ကူး ကြောင့်
မျက်နှာကို တမင်လွှဲကာ ကောင်းကင်ယံရှိ
ကြယ်တာရာများထံ အကြည့်လွှဲရ၏။“မအေးပါဘူး ”
အပြောနှင့်ခြားနားစွာ လက်တို့ကိုတင်းတင်းကျပ်ကျပ်ပိုက်၍ နွေးထွေးသွားအောင်ပြုနေရ၏။
စကားဆုံးသည်နှင့် ခါးတစ်ဝိုက်ရစ်သိုင်းလာသော လက်တစ်ဖက်ကြောင့် ကြိတ်ပြုံးမိလိုက်သည်။
ယခုတော့ဖြင့်လည်း ရာသီဥတုကခပ်နွေးနွေး။“ချင်မ် မင်းတို့ဘယ်တွေသွားနေတာလဲ”
အိမ်အဝင်ဝ၌ ရောက်စကပင် ပျံ့နှံ့လာသော
အသံဩဩ၏ ဆူပူမှုကြောင့် နားနှစ်ဖက်လုံးပင်
ထူအူသွားရသည်။“ကမ်းခြေဘက်လမ်းခဏသွားလျှောက်တာပါဗန်ရာ တအားလည်းမအော်ပါနဲ့ငါ့နားတွေသွေးယိုတော့မယ် ”
အတ္တိဿယဝုတ္တိ အလင်္ကာနှင့် ရွဲ့ကာစောင်းကာဖြေလိုက်သဖြင့် ပိုလေရန်ကော ဟူသည့်
အနေနှင့် မျက်ဝန်းညိုတို့က ဘေးထောင့်သို့ကပ်ကာ နှုတ်ခမ်းပါးအစုံကိုတွန့်ချိုးပြ၏။
YOU ARE READING
LOVE IS YOUR NAME
FanfictionI'll wait for forever if love is your name. (Completed)