LOVE IS YOUR NAME

Chapter 19

Unicode *

သို့
ချစ်ရပါသော အစ္စဘယ်လ် ရေ
မင်းအိုင်းယားလန်းမှာအဆင်ပြေတယ်ဆိုတာသိရလို့အရမ်းဝမ်းသာတာပဲ
ဒီမှာတော့သိပ်အဆင်မပြေဘူးကွယ်
အိမ်ရှေ့စံမင်းသားနဲ့ကြင်ယာတော်လောင်း
တို့မင်းပြစ်သင့်ပြီး ပြည်နှင်ဒဏ်ပေးခံရတယ်
ဘာကဘယ်လိုဖြစ်တယ်မသိပေမယ့်
တို့တွေရဲ့သခင်မလေးအမှားမရှိတာတော့သေချာပါတယ် မင်းလည်းအဲ့လိုယုံလိမ့်လို့
ကိုယ်ထင်ပါတယ် ဒီစာတောင်ကိုယ်ခိုးရေးရတာ တိုင်းတစ်ပါးစာရေးနေတာတွေ့တာနဲ့
သူလျှိုဆိုပြီး ပြစ်ဒဏ်ပေးနေကြတာ
ကိုယ်တော့အရမ်းစိတ်ညစ်တာပဲ သခင်မလေးတို့ပြည်နှင်ဒဏ်ပေးတဲ့အခါ ကိုယ်ပါလိုက်လာဖြစ်မယ်ထင်တယ် ”

စာရွက်ဝါဝါကအတော်ပင်ဟောင်းနွမ်းနေပြီ
ဖြစ်သည်။ ရေအနည်းစိုထားပုံရသောကြောင့်
ခပ်သော့သော့လက်ရေးများကလည်း
အနည်းငယ်မင်ရောင်ပြယ်နေ၏။
မိခင်ဆုံးပါးစဉ်က စာအိတ်တစ်အိတ်ကျန်ခဲ့သည်ဟူသော သတင်းသဲ့သဲ့ကြားမိသော်လည်း
စိတ်ဝင်စားခြင်း အလျဉ်းမရှိခဲ့ ။
ယခုမူ အိုင်းရင်းအကူအညီဖြင့် စာအိတ်အား
လက်ခံရရှိခဲ့သည်။

“အစ္စဘယ်လ်ရေကိုယ့်မှာ ဝမ်းသာစရာသတင်းရှိတယ်သခင်မလေးတို့က အိုင်းယားလန်းမှာ အခြေချမယ်ပြောနေကြတယ် တို့တွေပြန်ဆုံနိုင်ဖို့အခွင့်အရေးရပြီ  ”

“ကိုယ်အခု အိုင်းယားလန်းကနေစာရေးနေတာ
မင်း အိမ်ထောင်ပြုသွားတဲ့သတင်းကြားရတယ် စကော့မှာနေရတာအဆင်ပြေရဲ့လား တစ်ခုခုအဆင်မပြေတာရှိရင် အိုင်းယားလန်းကိုပြန်လာခဲ့နော် ဒီမှာ သခင်ကြီးရော သခင်မလေးရော
ကိုယ်ရောရှိတယ် ဒီရောက်မှပဲကိုယ်အသက်ဝဝရှူရတော့တယ်ကွယ် ”

ဤစာသုံးစောင်သည် မိခင်ဖြစ်သူ
စကော့တလန်မှာ အခြေချကာစဖြစ်လိမ့်မည်။
အလှမ်းဝေးခဲ့သော အတိတ်ရှိ မိသားစုအခြေအနေအကြောင်းကိုတစ်ခွန်းတပဒမျှ
မသိခဲ့။
မိမိသိတတ်စအရွယ်တွင်မူ ဖခင်ကွယ်လွန်ချိန်
့ဖြစ်ပြီး မာတာမိခင်သည် မွေးရပ်မြေသို့
ပြန်သွားချိန်ဖြစ်၏။

ထို့နောက်ကျန်ရှိနေသောဝါကျင့်ကျင့်ဓာတ်ပုံ
ဟောင်းများကို တစ်ဖန်ထပ်ကြည့်လိုက်သည်။
မည်သည်မျှတော့မထူးခြား။
မိခင်ဖြစ်သူ အိုင်းယားလန်းပြန်ရောက်ပြီး
မစ္စကင်နှင့်အတူ သခင်မလေးဟူသည့်
အမျိုးသမီးငယ်ထံခစားပုံပေါ်၏။