Elation From Sudden Royalty (University Royalties #2)

Chapter 10

Elation From Sudden Royalty (University Royalties Series #2) – Chapter 10

"Our parents are fighting."

Tatakpan pa sana ni Austin ang bibig ng kapatid niya pero naunahan na siya kaya napa-singhap na lang siya, nag-tanong kasi ako kung bakit sila dito matutulog. Nasabi na ni Allyson ang gusto sana ni Austin na itago sa'kin.

"Oh, paano 'to? May comforter sa cabinet ko, doon na lang ako sa sahig, kayong dalawa sa kama," sabi ko. Nakaka-hiya naman kung silang dalawa ang sa sahig eh, royal family iyan. Baka maipakulong ako nang wala sa oras.

"No," agad na pag-tanggi ni Austin.

Pinag-taasan ko siya ng kilay. "Saan mo gusto matulog? Sa bubong?"

"You two sleep on the bed," mahinahon na sabi niya. "I'll sleep on the floor. Where's the comforter?"

Pumunta ako sa cabinet ko at kinuha ang isang malaking comforter. Hindi akin 'to, kasama lang talaga sa kwarto na dinatnan ko dito. Binigay ko 'yun kay Austin. "Sigurado ka?" tanong ko.

Tumango naman siya nang hindi ako tinitignan dahil nag-lalatag siya sa sahig ng comforter.

"Alam mo namang galit sa'kin kapatid mo, kahit sa sahig na lang ako. Please," bumulong ako sa kaniya.

"Look, both of you are girls. I can't just let you lie down here," turo niya sa sahig. Sumuko na lang ako, alam ko namang siya talaga ang masusunod sa'ming dalawa.

Walang emosyon akong tinignan ng kapatid niyang si Allyson. "How old are you?" I asked her. Hinanda ko na ang sarili ko na barahin ng bata. May galit 'to sa'kin, e.

"What do you care?" pambabarang sagot ng bata. Sabi ko na nga ba, e. Sana nanahimik na lang ako.

"Don't be rude, Ally. Answer her properly," agad siyang pinag-sabihan ni Austin kaya napa-irap ang bata sa akin. Hindi 'yun napansin ni Austin dahil nag-aayos pa rin siya ng comforter niya.

"6 years old," maiksing sagot niya.

Tumango na lang ako dahil baka kapag nag-salita pa'ko, lalo lang akong mabara. Tinulungan ko na lang si Austin at binigyan siya ng unan na galing sa cabinet.

May binulong si Austin sa bata bago siya humiga sa comforter niya, tinignan pa ako ng bata kaya na-weirdo-han ako. Humiga na lang rin ako sa kama ko kung saan naka-tayo ngayon si Allyson.

Nanlaki ang mga mata ko nang bigla akong hampasin ni Allyson ng unan sa mukha. "Aray."

"What's that for, Ally?" Inagaw ni Austin ang unan mula kay Allyson. "Stop being a brat."

Tumayo ako sa kama ko at hinampas naman si Austin ng unan sa may dibdib. Gusto yatang maglaro nito ni Allyson... kaya ibibigay ko sa kaniya.