Unicode
လုလျန့်ဝေက လုယွင်ရွှမ်းကိုကြည့်ပြီးပြောလိုက်တယ်
" အစ်မကြီး ကျမပြောတဲ့အဓိပ္ပါယ်ကို တကယ်ပဲနားမလည်ဘူးလား"
လုယွင်ရွှမ်းက ကိုယ့်ကိုယ်ကိုပြန်ထိန်းလိုက်တယ်။ သူမရှေ့က မိန်းမပျိုလေးက အားနည်းပုံပေါ်ပေမဲ့ သူမမျက်လုံးတွေကတော့ စူးရှလို့နေတယ်။ သူမလှည့်ကြည့်လိုက်တဲ့အချိန်မှာ အဲ့ဒီမျက်လုံးတွေက အရင်ကနဲ့မတူအောင် စူးရှလို့နေတယ်။
လုယွင်ရွှမ်းက မသက်မသာခံစားလိုက်ရတယ်။
အရင်တုန်းက လုလျန့်ဝေက ကြွေအရုပ်လေးလို့ အဆင်းရှိပေမယ့် အချင်းမရှိတယ့်သူဖြစ်တယ်။စစချင်း သူမရဲ့ရုပ်ရည်နဲ့လူတွေရဲ့အာရုံကိုဆွဲဆောင်နိုင်ပေမယ့် သူမရဲ့ဥာဏ်မရှိမှုက လူအားလုံကို စိတ်ဝင်စားမှုလျော့ကျသွားစေတယ်။
ဒါပေမဲ့ အခုမြင်နေရတဲ့ လုလျန့်ဝေကတော့ ကွဲပြားတဲ့အရှိန်အဝါတစ်ခုရှိနေလေတယ်။
လူအတူတူပေမယ့် ကမ္ဘာကြီးကိုကိုင်လှုပ်နိုင်လောက်တဲ့အထိစွမ်းအားအပြည့်ရှိနေတယ်လို့ထင်ရစေတယ်။
လုလျန့်ဝေက အမြဲတမ်းအလှလေးတစ်ယောက်ဖြစ်ခဲ့တယ်။ ဒါပေမယ့် ဒီနေ့ကျတော့ ငြို့ယူဖမ်းစားနိုင်စွမ်းရှိတဲ့အလှလေးတစ်ယောက်လိုဖြစ်နေတယ်လေ။
လုယွင်ရွှမ်းက မျက်မှောက်ကြုတ်လိုက်ပြီး သူမရင်ထဲက မကျေနပ်မှုတို့ကိုဖုံးကွယ်လိုက်ကာ ရည်ရည်မွန်မွန်လေးပြောလိုက်တယ်
" ကိုယ်လုပ်တော်ရာထူးက ညီမလေးရဲ့ အဆင့်အတန်းနဲ့ မကိုက်ညီပေမယ့် အစ်မတို့နှစ်ယောက်စလုံး က အိမ်ရှေ့စံကို အတူတူ ခစားနိုင်တာက ကောင်းတဲ့အရာပဲလေ"
' ညီအစ်မနှစ်ယောက်စလုံးက အဲ့ဒီငတုံးအိမ်ရှေ့စံကို ခစားမယ်? အမလေး ဟာသတွေ'
လုလျန့်ဝေက စက်ဆုပ်မှုတို့ကို ဖုံးကွယ်ပြီး ပြောလိုက်တယ်
" အစ်မကြီး က အိမ်ရှေ့စံကို တခြားမိန်းမတွေနဲ့ မျှဝေမလို့ ဘယ်လောက်တောင်ရက်ရောလိုက်သလဲနော်၊ အစ်မကတော့ တော်ဝင်မိန်းမကောင်းတို့ရဲ့ စံပြပါပဲ၊ ကျမတော့ အစ်မကို အရမ်းလေးစားမိသွားပြီ"
လုယွင်ရွှမ်းရဲ့ လှပတဲ့မျက်နှာလေးက အနည်းငယ်ပျက်သွားလေတယ်။
လုလျန့်ဝေရဲ့ စကားတွေထဲမှာ ထေ့လုံးငေါ့လုံး ကိုရှာလို့မတွေ့နိုင်ဘူး။
(TN: တကယ်တော့ ငေါ့ပြောတာပါ ဒါပေမဲ့ လုလျန့်ဝေက စကားပြောတာမှာ အလိမ္မာလေးသုံးပြီး အားကျသလိုပုံလေးနဲ့ အေးအေးဆေးဆေးလေးပြောသွားတာပါ၊ ဒါကြောင့် ငေါ့နေမှန်းမသိသာဘူးပြောချင်တာပါ)
တကယ်တော့ လုယွင်ရွှမ်းက အိမ်ရှေ့စံကို ဘယ်သူနဲ့မှ မဝေမျှချင်ပါဘူး။ အမှန်က လုလျန့်ဝေကို အစပျိုးပေးတာပါ။
လုလျန့်ဝေက ပြောင်းလဲလာပြီထင်ပါရဲ့။ အရင်တုန်းကလို လုယွင်ရွှမ်းပြောတာနဲ့ ဒေါသတွေထွက်မနေသလို မထီမဲ့မြင်ပုံလည်းဖြစ်မနေတော့ပါဘူး။
ဒါက လုယွင်ရွှမ်းကို စိတ်ပျက်စေပါတယ်။
YOU ARE READING
ဇာတ်လိုက်ရဲ့ ဦးရီးတော်၏ အသည်းအသက်လေးအဖြစ်ဝိဥာဏ်ကူးပြောင်းလာခြင်း
Romance^^This is not my own story^^ **only myanmar translation** **Credit to original author and english translator** Genre:normal, romance, historical, fantasy, age-gap Both unicode and zawgyi
