Devil's GAME

Chapter 4

Naumid ang dila ni Hurricane ng bumakas ang galit sa itsura ng kaharap na lalaki. Kahit ganoon, hindi pa rin maikakaila ang angking kakisigan nito na kapansin-pansin sa simpleng black shirt. Hindi niya napagtuunan ng pansin ang itsura nito ng gabing iyon pero ngayon masasabi niyang lihim siyang humanga sa physical na anyo ng lalaki. Buong buhay niya, si Thunder at Clyde lang ang mga lalaking nakakasama niya. 

"Thief."

Gosh! Sinabihan na siyang magnanakaw pero natuwa pa siya na tila isang magandang awitin ang sinabi nito.

'Really, Hurricane? Get back to yourself!' saway niya sa sarili.

Tumikhim muna siya at ibinalik ang compose ng sarili. Masyado siyang nadala sa itsura ng lalaki. Nakalimutan niyang may kasalanan nga pala siya rito. Sa totoo lang, marami naman siyang kasalanan kaya lang parang nakokonsensya siya ngayon at hindi niya alam kung bakit. 

"Mr. Whoever you are..." simula niya, "I don't have any intentions to get this," Pinakita niya ang singsing na hindi niya maalis sa daliri. Mas dumilim ang itsura nito ng makita ang singsing, "You see, hindi siya maalis."

"Give me your hand,"

"What?" gulat niyang tanong. Parang iba yata ang pakahulugan niya sa sinabi nito.

"I'll cut your hand to get the ring,"

Bigla namang itinago ni Hurricane ang kamay sa kanyang likuran lalo na ng humakbang palapit ang lalaki.

"Wait!" pigil niya na nagpatigil dito, "Wala ka bang ibang way diyan? You know, hindi ko naman type ang singsing na ito. Napaka-ordinary kaya kusa ko itong ibibigay sa'yo in a normal way."

"I don't consider any opinion from a thief but I'm giving you an option. It's either you cut your own hand or I'll cut your throat,"

Tumaas ang isang kilay ni Hurricane sa sinabi nito.

"I don't consider any options from stranger," Panggagaya niya sa paraan ng pagkakasabi nito with the same authority and intensity. "But I'll take that as a challenge." Dugtong niya

Hindi ito nagsalita. Nanatili lang ang tingin nito sa kanya at ganoon din siya. Inihanda niya ang sarili kung may gagawin ito laban sa kanya. Kung pagmamasdan normal lang ang pagkakatayo nila habang nakatitig sa isa't-isa, ngunit alam ni Hurricane na pareho silang alerto at nakikiramdam. 

Marami siyang natutunan noon sa kanyang trainings. Kapag sigurado kang lamang ang iyong lakas sa kalaban unahan mo sa pagsugod. Kapag sigurado kang lamang ang kalaban, paunahin mo siyang sumugod at pag-aralan ang kanyang mga kilos. Ngunit kung sigurado kang pareho kayo ng lakas, makiramdam ka. Pakiramdaman mo kung sino ang unang sumugod saka mo sabayan. Alam niyang ganoon din ang ginagawa ng lalaki. 

"Primo!"

Naghiwalay ang tingin nila sa isa't-isa ng marinig ang boses ng isang babae. Lumabas iyon sa katabing silid ni Supremo. Lumapit ito sa lalaki at kinawit ang kamay sa braso nito.

"Kilala mo ba siya?" Muling tanong ng babae sa lalaki habang nakatingin sa kanya. 

Naramdaman ni Hurricane ang pagbaba ng aura sa pagitan nila ng lalaki.

"No." Siya na ang sumagot sa tanong ng babae bago talikuran ang dalawa.

Wala rin pa lang silbi ang plano niyang pagtatago sa Mafia Lord na iyon dahil narito rin ang lalaki. Kung sana nalaman niya ng mas maaga, nakauwi na sana siya at kasalukuyang ginagawa ang tungkulin sa kanilang bansa.

Malas naman oh!

...

... 

...