"ပျောက်သောသူ ရှာရင်တွေ့ ။ သေသောသူ ကြာရင်မေ့ " ဆိုသည့် ဖွဲ့ဆိုခဲ့သော စကားစုများစွာ။ ပျောက်တဲ့သူကို ရှာလျှင် တွေ့မည်။ သေသောသူကို ကြာရင် မေ့သွားကြမည်။ ဖွဲ့ဆိုထားသော စကားစုများနှင့် မညီခဲ့သည်က ပျောက်သောသူ ရှာလျှင်လည်း မတွေ့ခဲ့သလို / သေသောသူ ကြာရင်လည်း မမေ့ခဲ့ပါ ဆိုသည့် စိတ်ခံစားချက်များ။ ထိုစိတ်များစွာနှင့် ပျောက်သောသူ ရှာနေခဲ့သည့် သူ့မှာ တွေ့ဆုံခြင်းမျိုးလည်း
မရှိခဲ့ပါ။ကုန်ဆုံးသွားခဲ့ပြီ ဖြစ်သည့် အချိန်/နာရီများ၏
နောက်ဝယ် ဥတု တစ်မျိုးပြီး တစ်မျိုးလည်း ပြောင်းလဲသွားခဲ့သည်။ ရာသီစက်ဝန်းကြီး၏ တစ်ပါတ်လည်မှု နောက်ဝယ် မြူခိုး /မြူမှုန်လေးများပင် ကျဆင်းစပြုနေပြီ။ မြူမှုန်လေးများ ဖွေးနေသော ရာသီ။ ချမ်းအေးမှု၏
ကြီးစိုးရာ ရာသီစက်ဝန်းမှာလည်း တစ်ပါတ်လည်လာပြီးသည့်နောက်ဝယ် နှင်းမှုန်/မြူမှုန်
များက အတိုင်းသား ကျဆင်းလာရင်းနှင့်။
ဥတုရာသီကြီးက အလွမ်းနာ ကျဖူးသူကို
ပိုပြီး လွမ်းနာကျလှအောင် အားပေးနေသည်။မိုက်ရူးရဲ ဆန်ခဲ့မိသော တစ်ညတာ ခရီး။
ထိတ်လန့်ကြောက်ရွံ့သွားသော စိတ်အစုံနှင့် သက်ရှိ ခန္တာလေး။ နှုတ်ဆက်ခြင်းမရှိ ပြောက်ကွယ်သွားခဲ့သည်မှာ ဥတု/ရာသီတွေ၏ ပြောင်းလဲသွားမှု အချိုးအစားများ။ အချိန်အားဖြင့် တိကျလွန်းသည်က နှစ်နှစ်။"နှစ်နှစ်တင်းတင်း ပြည့်သွားပြီဖြစ်သည့် ဒီနှစ်တွေအတွင်းမှာ ချစ်ရသူ မင်းလေး ဘယ်စီ ဘယ်ရပ်တွေမှာ ရှိနေပါ့။အဆင်ရောပြေရဲ့လား မောင့်ရဲ့ ရှိန်းလေးရယ်။ မောင့် စိတ်ပူလှပြီ "
ခန်းမကြီးသဖွယ် ရှိနေသည့် ကျယ်ပြန့်လှသည့်
ခန်းမကြီး ။ အားကစားပြိုင်ပွဲ တစ်ခု ကျင်းပနေသည် ဖြစ်တန်ရာ ထိုခန်းမကြီးအတွင်း၌
ရေကူးကန် ကျယ်ပြန့်ပြန့်ကြီးတစ်ခုကလည်း တည်ရှိပြီး ။ ထိုခန်းမကြီးက ပြိုင်ပွဲ ကျင်းပရာ ရေကူးခန်းမ။ခရာမှုတ်သံတစ်ခုနှင့်အတူ စုန်/ဆန် ကူးခတ်နေကြသည့် ရေကူးအားကစားသမားများ။ ဆယ်ကျော်သက် အရွယ် ကလေးများက ထိုရေကူးကန်ထဲဝယ် အပြိုင်ကူးခတ်နေကြရင်း
champion ဖြစ်ဖို့ အားတတ်သရော ယှဉ်ပြိုင်နေကြသည်။
YOU ARE READING
"ပြတ်ရျ် မပြေခဲ့သော ကြိုး---"🌄(completed)
Randomဘယ်လောက်ပဲ ချစ်ချစ် ယုံကြည်မှု မရှိတော့ရင် အချစ်တွေက မှေးမှိုန်သွားတယ်။ မယုံကြည်ရင် အစထဲက မချစ်နဲ့၊ သံယောဇဉ်တွေ မထားနဲ့၊ ထပ်ပြောရရင် ဖြတ်လို့မရနိုင်တဲ့ ကြိုးတွေကိုလည်း မဖန်တီးခဲ့နဲ့ ။ ကြိုးမျှင်တန်း တစ်ခုကလည်း မပြတ်ချင်ရင် တင်းခံနေတယ် ဥပမာ အထုံး အရ...