6 ខែមុន ...
ទីក្រុង តូក្យូ , ប្រទេស ជប៉ុន ....
មន្ទីរពេទ្យ .....
"អត់ទោសតើអ្នកជម្ងឺឈ្មោះ យ៉ូហា ឃីថារ៉ូ ស្នាក់នៅបន្ទប់មួយណាដែរទៅ?"។ នៅក្នុងមន្ទីរពេទ្យដ៏ធំក៏មានភាពមមាញឹកជាប្រចាំដូចដែលយើងរាល់គ្នាបានដឹងក៏បានឃើញក្រមុំនឹងកម្លោះដែលរត់ប្រសេកប្រសាចមកកាន់កន្លែងសួរពត៍មានដែលមានអ្នកស្លៀកឯកសណ្ឋានជាបុគ្កលិកពេទ្យឈររង់ចាំឆ្លើយតបនឹងចម្ងល់របស់អ្នកដែលមកសួរនាំ។
"ចា៎! សុំរងចាំបន្តិចយើងខ្ញុំនឹងឆែកជូនណា៎! អ៎..ចា៎នេះឃើញហើយគាត់ស្នាក់នៅបន្ទប់ វីអាយទី លេខ 8 ចា៎! នៅជាន់ខាងទី 2 នេះចា៎!"។ គ្រូពេទ្យដែលពិនិត្យពត៍មានក៏ជម្រាបប្រាប់ដល់ពួកគេហើយអ្នកស្ទុះទៅមុខគេបែរជានាងក្រមុំរូបស្អាតដែលឈរក្រោយគេទើបនាយកម្លោះរៀបនឹងងាកមកប្រាប់តែក៏ភ្ញាក់ពេលដោយឃើញនាងរត់ទៅលឿនជាងគេហើយនាយក៏ប្រញាប់អោនក្បាលអរគុណគ្រូពេទ្យមុននឹងប្រឹងទៅតាមនាង។
"នែ!!! ទៅមិនចេះចាំគ្នាទេរឺ ម៉ារៀ ?!"។ កម្លោះសង្ហានេះក៏រត់ផងស្រែកផងហើយនាងក្រមុំដែលមានសន្ទុះជើងលឿននេះក៏មានទឹកមុខតានមុននឹងងាកមកសម្លឹងគេបន្តិចហើយក៏ប្រឹងប្រែងបន្ថែមលឿនល្បឿនមិនបង្អង់។
"នេះខ្ញុំបារម្ភពីលោកប៉ារបស់ខ្ញុំស្លាប់ទៅហើយរវល់ចាំលោកធ្វើស្អី?! អ្នកឈឺជាប៉ាមិនមែនលោកឯងឯណា! បើដឹងថាមានបញ្ហាអញ្ចឹងហើយម៉េចមិនប្រឹងដើរអោយរហ័សមកនៅចាំដល់កាលណាទៀត! ចំមែន ជីមីន ខាវេនណូ !!"។ ម៉ារៀ ក៏មកដល់ជណ្ដើរប្រអប់មុននិងប្រើម្រាមដៃដែលមានបិតក្រចកជែលយ៉ាងស្អាតចុចប៊ូតុងលេខដែលនាងចង់បានហើយហើយជណ្ដើរប្រអប់ក៏បើកទើបនាំគ្នាចូលទៅក្នុងទាំងអស់គ្នា។
"យ៉ាងណាក៏ហៅគេឯងមួយម៉ាត់ដែរ! ខ្ញុំជួយនាំមកតែបែរជាមិនចេះអរគុណនៅធ្វើដូចជាមិនឃើញមនុស្សទៀតនាងនៀក!"។ មកដល់ខាងក្នុងប្រអប់ជណ្ដើរ ជីមីន ក៏ឈរក្រពាត់ដៃថាឲ្យនាងក្រមុំដែលមានទឹកមុខអន្ទះសារ។
"ពេលនេះខ្ញុំហត់អត់មានពេលទំនេរតមាត់និងឈរតវ៉ានឹងលោកទេ!"។ ម?ារៀ ក៏និយាយដោយមុខមាំហើយ ជីមីន ក៏ក្រពាត់ដៃហើយបែរទៅមកខាងដោយពេកមាត់តែពេលនោះទឹកមុខគេក៏ប្រែប្រួលពេលដែលឃើញនារីម្នាក់ដែលបែរមុខសម្លឹងគេមិនដាក់ភ្នែកនាំឲ្យកម្លោះសម្បូរស្នេហ៍ដូចជាគេត្រូវប្ដូរឥរិយាបថថ្មី។
YOU ARE READING
ជួលស្នេហ៍ថែបេះដូង( Pretend To Be Yours)រដូវកាលទី ៥( Season 5 (Complete ✅)
Romanceជារដូវកាលទី 5 ក្នុងចំណោមរដូវកាលទាំង 7 របស់ស៊េរី : សំណព្វចិត្តម៉ាហ្វៀ ( Mafia's sweetheart ) 🔥💜 ជារឿងរ៉ាវស្នេហាត្រីកោណដ៏ជំពាក់ជំពិនរវាងកម្លោះសង្ហាសម្បូរស្នេហ៍ជាមួយនឹងក្រមុំរូបស្រស់ដែលមិនមានចិត្តស្នេហ៍សម្រាប់គេសោះឡើយព្រោះបេះដូងនាងមានម្ចាស់រួចទន្ទឹម...
