الاشاوس والشقراء

البارت الاول

#الأشاوس_والشقراء
#بـقـلـم /  أُم اسـد
#البارت_الأول

جئتُ إليك و في راحتي
جراح السنين
و أحزان عمر
وطيف اغترابِ
وبين الليالي بقايا أماني
تلاشت كما يتلاشى السراب
شعيرات رأسي تصارعن يوما
بياض الشيوخ و سحرَ الشباب
تراني أحب و قد صار عمري
ثقيلا .. ثقيلا گ ليل العذاب
جئتك محملاً بالحب لگـنكَ
دمرت قلبي بـ لهيب العذاب

الأنـبـار : صباحـاً
نـاز
كاعده كدام المرايه وادحك على نفسي لابسه فستان طويل ومستور بأكمام طويله مغطيه ايدي بدلعه صغيره جداً
دحكت على شعري ظافرتو صفح والظفيره متينه وشگره نازله للفخذ
گظبت ظفيرتي وتسائلت انه شعجب لساعني ما محجبه شعجب ابويه ما جبرني ع الحجاب لا انه ولا بسمه اللي بلجديد يلا تحجبت بعد زواجهه مع انو اخواني يدققون بلبسنه جثير ومايرضون ع ايهو الجان بس ما جبروني ع الحجاب ولا احد كال عليه ولا فد يوم احد نصحني وكلي تحجبي كعدت والتسائولات براسي
انه بت الشيخ ما محجبه ؟؟؟؟؟؟؟
انه ملتزمه دينياً اصلي واصوم وماشيه عدل وبتعاليم الدين الاسلامي عجل عيب ما محجبه لسه ليش محد يحجي وياي ويعلمني الصح ليش محد لسا ماكلي تحجبي ……… ؟؟؟
  بس انه ادحك بجامعتي جثير بنوات ما محجبات ماهو عيب هالشي وحته صديقتي نبأ مو محجبه مثلي بس لبسنه محتشم ومستور
وانه بأغلب الاحيان بلجامعه البس توربان لان احبو واحسو يلوكلي ومرات اظفرو واحط طوك مزين بلورود
دحكت لوجهي شكلي مقبول بشرتي متوسطة البياض شفافه عيون بلون بني فاتح مجروره برسمه رموش كثيفه وطوال شفايف وسط وممتلئه وخشم متناسق ويه وجهي شامه تحت الشفه وتحت الحاجب والشعر الأشگـر بقوه مائل بشگارو للبني وصاير اغمق من لون الذهب بشوي …
وراثه من خالتي الله يرحمهه جنت بكلشي شبه خالتي الشبه البينه قوي بجسم انثوي مقبول لا سمينه ولا ضعيفه متوسطه ....
من دحكت على نفسي  ابتسمت ما جنت اظن انو هالشكل هو سبب دماري وحزني واذيتي !!!؟
كظبت جنطتي والملازم ومشيت حته الحك على محاظراتي
ابوي صار بوجهي ابتسمت رحت بست ايدو وراسـو وكتلو
- صبحك الله بلخير يابه
رد عليه بجفاء كالعاده مثل گل يوم
- هله
وصد توجهت لأمي مصدر الحنان و الأمان عندي ملامح الحزن بانت بوجهه بست ايدها وراسها قبل ما احجي سحبتني الها حظنتني
- صباحج ورد يمه الله يفتحها بوجهج ويسرلج دراستج ويسهل كل صعب عليج
- ربي يحفظج الي يمه
ابتسمت وانه مشيت وكفت قريب من باب الحوش انتظر الحظ يجيني صفنت ودموعي على وشك النزول انه احب ابوي احبو جثير واتمنه بيوم اكعد يمو واحجي ويا واحصل شوي من حنانو هو صح مبتعد كل البعد عنه بس احبو وافقتد حنانو كثير لكن هو ما يحبني ليش يحب بسمه اختي وما يحبني نزلت دموعي من اجت ببالي اكثر من مره اسمعو يتكاون ويه امي ويكلها
- الله ياخذهه الله يخلصني منهه لهل ناز ما محصل منهه بس العذاب

- لييش لييش تدعي عليهه  ليش تكرهه شمسويتلك هيه بيش صارتك شنو الفرق بينهه وبين بسمه ليش من تحجي بسمه تتلكاهه بلاحضان وببحبك وناز تكرهه وما تطيقهه لا تفرق  يا شيخ حرام بعد هالشيبات كلهه ما ناوي تنسى الصار تعبت انه منك ورب العزه
كل ظنتي هالكره لان ابوي جبير عمامي والشيخ من بعد جدي الله يرحمو جان الوحيد من بين عمامي الثلاثه عندو بنوات ثنين انه وبسمه  بزر اكبر مني بسنه فـ عمامي جانو دوم يعايرون بي وزرعو الحقد بكلبو ل ابويه علينه واسمعهم  يكلولو
- ما من ورا البنوات بس العـار هذن يجيبن العار لابوهن بس يكبرن
عمامي ثلاثه وماعندي عمات جنت اظن انو تحريض عمامي هو سبب كره ابويه الي بس بعدهه اكتشفت السبب !!!!
نطـا بسمه اختي لابن عمي وهي ماجانت راغبه الدراسه بطلت وزوجهه وهي بعمر 17 ما جانت رايدته كل ضنهه بعد ما تترك الدراسه راح تظل كاعده بلبيت يم امي بس بعدها سكتت ورضت بلأمر الواقع وهساع عدهه ولد عمرو سنتين وانـه ماحاول بعد يزوجني ولا اله غرض بيه لان ولد عمامي كلهم تزوجو بعد مابيهم عزاب وهالشي ريحني مع انو جثير من معارف ابويه يطلبون قربو بس من ارفض ينتهي الموضوع جان بالي كلو بلدراسه
القهر يمشي بروحي من ادحك ابويه هيج وياي شنو ذنبي اجيت بنيه فتحت عيوني ع هالدنيا ودحكت گـره من ابويه وعمامي الي ما فد يوم سمعت منو كلمة حلوه او سئلني او كعد  گلـو بعيد عني ومافد يوم التمست منو حنان يكرهني انه اما بسمه يحبها ويتلكاها بلاحظان انقهر حيل من ادحكو هيج وياي قصص وروايات عراقية كرار صلاح
يحب اخواني الثلاثه ودايم هم ويا ثنين منهم .. احمد عمرو 28 ومحمد 27 متزوجين من بنت صديقو لابوي مرت احمد وبنت كرابتنه من بعيد مرتو لمحمد وعرسهم بنفس احمد ورا بسنه محمد واحد وره الاخ … … ليان مرتو ل احمد و ختام مرتو ل محمد بنوات مؤدبات وبارات بأزواجهن وبأمي الا ختام تظهرلنه زينهه وتجاملنه بس هي ابد ما تحبنه ولا تطيقنه ودومهه تذمنه وتحجي بظهرنه
واخوي الصغير مؤيد عمرو 24 ما متزوج ومسافر لأوكرانيا يدرس ونادراً ما يتواصل ويانه بعد ما سافر التهه عنه
احمد ومحمد  كل واحد عندو معمل لشئ معين ببغداد معاملهم خارج محافظتنه مشغلين ناس يوثقون بيهم وكل اسبوع يجيهم الوارد الهم لانو بأسمهم ابوي خالهن ومأمنلهم عيشتهم وهم هنا ايضاً احمد يشتغل اما محمد ومرتو هو عايش يمنه بس نادراً ما ندحكو لان اغلب اوكاتو يكضيهه ببغداد يدرس بجامعة بغداد دكتورا بالقانون
اخواني حنان وداخلهم طيب لكن تغلفهم القسوه خاصه محمد قاسي وصلب جداً
انـه ابويه خلاني ادرس من بعد توسل واذلال ومعاناة طويله دامت لأمي وحته وصلت للضرب والعنف لكن اصرت انو اكمل لانو جان معدلي عالي يسمحلي لدخول كلية الطب واخواني جانو راضين واكثر واحد اثر بي هو احمد وقنعو اكمل