الاشاوس والشقراء

البارت 54

#الاشاوس_والشقراء - ... 54 ... -

حبيبيني كلشش شكراً البارحه يلا انتبهت انو القصه واصله وعابره ال مليون مشاهده وكلش فرحني هالشي ويسعدني تواجدكم وتفاعلكم بيها قلبي انتوو كلش شكراً لمجازاتكم تعبي بهالطريقه الحلوه
كلش حابه اشكر صديقتي لان بفضلها ايضاً وصلنه لهذي المرحله لوما تواصلها وياكم ومتابعتها والتزامها بلمواعيد وكتابتها للبارتات اغلبهن كان كتابتها وسردها ايضاًالمشابه جداً جداً لسردي ما جان اني ملتزمه لهل حَد بسبب حالتي الصحيه بلفتره الماضيه وبمساعدتها الي وصلنه لهل مرحله كلبي مشكوره يالتطبيقيه الحلواا 😍♥️

رجائاً عمري ما اريد غلط وانتقاد لاذع على نهاية البارت وبالتالي من يصير الهم علم بهالشي يسببلي مشاكل ويه الابطال وتنحذف او تتوقف القصه لا تضيعون تعبي وردات

#الأشاوس_والشقراء
#بقـلمـي / أُم اسـد
#البارت الرابع والخمسون

لَمحـتلك آلف مره
وآنتَ تعرف غآيتي
ومآ طآوعتني ..
وسولفتلك سآلفه عآشك خجول
وآنتَ تعرف هوَ آني ومآعرفته وخَجلتنـي!
لـيش مَـن گلبك رَجـف مَـآ صارحتنـي ؟

آن
سمعت الاسم وتوقفت كل خليه بيه كمت رأساً هو جان دايطلع كتله
- خويه ممكن لحظه
تحت انظار فارس المصدوم و ناز المستغربه من حالتي جان التوتر سيد الموقف
صد عليه
- تفضلي بعد اخوج
كلتها وايدي ترجف ومتوتره
- سيراون دلشاد دلير منوو ؟؟
ما حسيت الا فارس عاط بيه
- هاي انتيي صدك تحجين شعليج ياهوو
خزره الباشا وكله
- شعليك انت اكعد خل نفتهم 

ندار عليه وكال
- جندي هذا بعد اخوج ببغداد اعرفه انه بس شبي
بنبره متزعزعه كتله والدمعه بعيني باينه
- اخوي
بصوت جهوري مصدوم كال
- شنيي من شوكت هذا اخوج وليش ما حجيتي
فركت ايدي وتلبكت
- ما ادري اذا هو او لا بس نفس اسم اخوي وابوي وجدي هو شلون وصل للعسكريه
- خريج دورة ضباط وهالسنه شدوله النجمه من اتخرج وماعرف التفاصيل الباقيه بس عايش ويه اهله كل الاعرفه ضابط ارعن ما يخلي واحد ما يتعارك ويا ويردون ينقلو لهنا ومصدريله عقوبه ورادني اتوسطله حته تروح العقوبه لان تاخر من ترقيته وحجيت ويه الأمر الاعلى منه اتراجع عن العقوبه بس طلعله نقله للبصره لهذا انه طلبته باجر يجي ويصير خير
- يعني تخليني اشوفه
- عود اعزمه لهنا وانتي تعني عايني ان طلع اخوج خير على خير ان طلع لا فهذاهو كلمن يرجع لطريقه بس انتي يبوي ليش متيهه اخوج وما تدرين بي وين
اجا فارس وكال
- امشينه انه افهمك السالفه
- ما حاجي وياك انه
ضميت شفتي اكتم الضحكه وجهه فارس كام ينطي الوان
- ترا عيب بالعباس عيب تفشلني كدام النسوان
سحب كرسي كعد كدامي ورث جكاره وكام يشرب بيها وكال
- تحجين لو اطلع
كعدت متلبكه وافرك ايد بايد باوعت لفارس ابتسم الي باوعت للباشا نظره ع الطاوله ويدك عليها بطارف السويج
اخذت نفس وبديت احجيله بكلشي لحد اخر نقطه من بقونه انه وامي بس توقفت بنظره مطوله باوع نوب كام وكال
- يصير خير بس ما اتصور هذا اخوج لان عنده عائله
اجا اتصال باوع عليه و رَد
- حبيبي ابو عون ... جاي ضلعي جاي
ديطلع كاله فارس
- هاااا عضيدد ها طالع ويه ضلعك چا و انه ؟؟ ياهو هذا ضلعك بالله
بخزر باوع عليه وكاله
- شعليك انت شني تغار عليه بويه
وعافه وطلع وفارس تأفأف وكال
- اشتعلووو واحتركو شكد زعله ثگيل هذا شيصالحه بالله وشيراضي
ضحكت ناز وكالتله
- جيبله ورده حمره و يرضى
باوع عليها صفح وكالها
- خاب ما تكومين من يمي لا اكضج اسويج ورده حمره هسه
بنبرة غرور حجت
- لا والله اصلاً انه ورده ماكو داعي انت تسويني
ضحكت وباوعت على فارس
- اليوم الباشا ومريته استلموك اكس مربع