الاشاوس والشقراء

البارت 24

#الأشاوس_والشقراء
#بـقـلـم /  أُم اسـد
#البارت الرابع والعشرون

مو عن فراغ سنين عمري كضن
يلتسوة عينج فوك عمري عمر
شايلة خدود بلون طلعة فجر
وبعيونج الثنتين لمعة شذر
تحبني حيل وتفرح بشوفتي
لو عدا يوم وما شفتها انقهر
حاولت مرة اتغازل وقصرت
من كلت شعرج جنة مجرى النهر
ولمن زعلتي الليل كلش قسى
كضيته بس ويا الجكاير سهر
صادتني عينج بنظرة وحدة وطحت
ومتوقعت اوكع واني النچر
ولو صرتي عني بعيدة حيل اضطرب
وبشوفة خيالج ارد استقر
صفيلي نيتج كافي نلعب بعد
رايد افضها بساع واكطع مهر

نـاز

اسمع بكلامـو والصدمه تنهال عليه مابيدي شي اكول ولا احجي شكول شحجي انسان ميت ما تجوز عليه الا الرحمه

تلكطت عل الياس بلعت العبره والالم بداخلي
- انت تحب شـم موو

عكد حاجبه
- وشمم شدخلهه بالموضوع

- بس جاوبني

- طبعا احبهه شمه كلشي بحياتي بنيتي واخيتي عشت حياتي وسويت نفسي لعيونها بس حته اوفرلها كلشي

نزلت دموعي لا ارادي وكتلو
- لو احد جاي ومشوه سمعتهه لشمم واجو حجو عليهه يمك راح تصدك بيهم راح تضلمهه وتاذيهه ماتصدكهه من تكلك جذب وهي ماعدها شي ويا وجاي يضلموها ويطلعون حجي باطل عليها وتظل تتوسل وتحجيك وتكلك خويه جذب وتحجيلكم للكل وتكلكم جذب ماراح تصدكوهه انتم وتصدكون كلام غيرها وعلى كولتك يا باشا راح كبل تكتلوها وتغسلون عارها بدون ما احد يسمع كلامها ويتأكد منو

دحك عليه
- انه واثق باخيتي واعرفها ما تسوي الغلط وما تنزل راسي وان حدث المفروض واحد يتأكد وما اذيهه انه شمه عندي بالدنيا كلهه وما اجه يوم ولا راح يجي يوم واضلمها شتسوي افتهم منها كلشي يلا احكم

- وهو كذالك جان لازم المفروض يصير وياي بس انه ماعندي ……

ما كملت نهضمت واختنكت بعبرتي ليش مو هيج اخوي وابوي فكرو و وثقو بيه وسمعولي وصدكوني يعني شجان صار لو صدكو بيه

درت منو دا امشي كضب ايدي وسحبني عليه كعدني على رجلو
- ليش تكولين انه ماعندي شني الماعندج ؟!

نزلت دموعي وراسي صار على جتفو بجيت وشهكات شكت كلبي احسهه تطلع من اعماقي بقهر بأذيه بألـم بأنكسار بخذلان
- لان جد انه ماعندي سند ماعندي احد يفكر ويصدك بيه و مصرين يطلعوني جذابه وحته انت نفس الشي شكد احجي شكد اريد اقنع بيكم ان انه ما مسويه شي غلط وما نزلت راس واحد من اهلي اروح بدربي وارجع بدربي جنت وماعندي ولا ببالي هذن السوالف

دفعتو دا اكوم رد سحبني عليه مسح دموعي وكلي
- چاا انه شنيي مو الـج انه هنا سندج وكلشي بس فهميني الصاير يالله خل اسمع منج

- لاا انت مو الي ولا تحبني انت هم ظالمني وتحجي علي وتاأذيني

-لا بالعباس ناز انه ما اظلم بشر اياً كان انتي او غيرج لان اذا اظلم احد راح تطلع باخيتي باجر عكبه راح تطلع ببنيتي من تجي انه ماظلم احد لان ماضامن حياتي شغلتي شغلة مـوت على اي ساعه التحق بعد ما ارجع واصير جوه التراب وماريد اموت وانه ظالم احد جم مره تصوبت بهذي الحرب ونجيت منهن بفضل ربج وبالف يا علي يلا اتشافه واكوم جنت