الاشاوس والشقراء

البارت 58

يكولون دعوة الغريب مستجابه اريد دعوه صادقه منكم الي من كل كلبكم تدعولي ربي يحفظلي اهلي وكل اللي احبهم ويتحقق اللي ببالي واللي منتظرته من زمن هالايام وباقرب وقت ☹️💔

#الأشاوس_والشقراء
#بـقـلـم / أُم اسـد
#البارت الثامن والخمسون

يمـا تدري !
( بعدني بڪل مسافه الگاك من عمري )
( بعدني انذرها الك خطواتي من امشي )
وبعدني شما يمر طاريك
أتيه بديرتك نسمه هوه وبيبانك تشمني ..

ليان
نصدمت بدخول محمد و ويا ختام تدحك عليه ونار تطلع من عيونها كعدت وكالت
- اريد ابني
دحكت على محمد عصبي نار صاير هي كالت هيج ونهد بيها
- لج دحكي زيين شني ابنج من شوكت صاار ابنج مو انتي العفتي وعكبتي وابتعدتي عنهم وما ردتيهم مالج ولد بعدد ختام لا تخليني ااذيج واتصرف تصرفات مو حلوه وياج جفيني شرج ونكلعي برا لخاطر الله لا ورب العزه اكضي بيج التوبه
كعدت وما هتمت لكلامه دحكت عليه وكالت
- اريد ادحكو لابني مشتاكتلو
استغفرالله ومسح وجهو وصاح رائد اجه وكف كدامها
سحبته عليها دتبوسه بعدها واجه يمي كضب ايدي
رفعت عينها لعيني خزرتني
- احدر هين ما تريد تسلم على امك حبيبي
قوه كضبته لايدي وكالها
- ماما لولو بسس انتي مو ماما اني ما احبج
- ليش مو انه احبك
- لا انتي ما تحبيني انتي عفتيني وماما لولو ظلت يمي
بعدها دخل للبيت وخطواته ع الدرج دحكت لمحمد ورث جكاره وطلع برا يدخن وهي تدحك عليه وتخزر بيه اخير شي هجمت عليه وسحبت شعري هي ضخمه جثير وانه ناعمه لوتني لوي وماكدرتلها
عصرت وجهي وحجت
- لج شني انتي شكد شهالعين الگويه العندج هم اخذتي زلمتي وهم ابني من عندي وخليتيهن لصفج وجوه ذراعج
دفعتها وصحت بيها
- مو انه صوجج انتي اللي ماعرفتي شلون تحويهم وتكسبيهم لا تجين وتلوميني
ضربتني راشدي دفعتها
- لج شلوون الج عين تاخذين اخو زلمتج لا تحجين عليه ع اقل انه ما سويت هيج ولفيت ع اخو رجلي مو مثلج عين صلفه وما عندج حياءوما احترمتي ذكرى رجلج وجيتي تزوجتي اخوو عجل شكد نذله وماعندج شرف
رديتلها الضربه وزمخت بيها
- اياااااج تحجين هيج اشررف منج انه
دتضربيني وما سمعنه الا صوت خورسنه اجه سحبني خلاني بضهره كاللها
- انه زوجج

- لا
- انه اخوج ابوج
- لا
- عچل بدون مطورد خليني ادحك عرض حتافج مالي خلك مشاكل اعكبي من هين ختام بلا مشاكل
- محمد انه تندمت والله على كلشي اسفه اتمنى منك تسامحني وتخليني ابقه يم ابني
- حلم بليس بلجنه اطلعي ختام مليت من عشرتج ومن طلايبج وبطلاع الروح الا خلصت منج ما مستعد اعيد السالفه من جديد وعندي مره ومكتفي والحمدلله ودحكتي ردة فعل ابنج شني ويا ريت ترفعين الزحمه هساع
ظلت تحجي وتتعارك وتتوعد لمحمد تاليها خزرتني وطلعت كعدت مهدود حيلي والدمعه بطارف عيني كلامها حَز و اثر بيه جثير قهرني
دخل كعد كدامي يدخن كال
- هاا راح نبلش المنوال الثاني هم تردين تتعاركين ست ليان ماعندي مانع
صفنت عليه نوب ضحكت بقوه
- تخبلتي انتي ليان شبيج اثر بيج كلامهه
كمت من مكاني
- لا ما يأثر بيه لان احبك
تكلطت عليه حته احظنه كفخت بوجهي ريحة الجكاير كبل لعبت نفسي ودخت وخرت منه وركضت للحمام باد حيلي كله غسلت وجهي وطلعت
تلكاني بعدته عني وكبل اختل توازني ووكعت اجه عليه
- عطرك بدله محمد داتلعب نفسي
خزرني وابتعد
- شنيي ليان
- محمد والله
دا اكمل كام ومشه من يمي صعد فوك
حزيت على راسي حامل اعرف نفسي متاخره عليه صارلها ايام بس تجاهلتها وكلت خربطه ما متوقعه اكون حامل بس هاي الاعراض كلها اعراض الحمل
اخذت نفس بحزن خايفه من ردة فعله خاف ما يريد اطفال وو
دحكت عليه نزل مبدل ملابسه كعد يمي
- هااا حته عطر ما خليت لخاطرج
ابتسمت تكلط عليه حظن وجهي
- ول ابويه شبيج شصابج انخطفت الوانج
- محمد
- هاي كله من هذي لا تديريلها بال ليان ختام صفحه وطويتها من حياتي وداعتج
- محمد دا اشك بنفسي حامل هاي كلها الاعراض مالت الحمل اعرفهن انه وماره بيهن
فتح عيونه على كبرهن ودحك عليه
- كلتي حامل !!!؟؟؟
نهبطت من نبرته بلعت ريكي
- ايي ايي متاكده 100% انه حامل شني انت ما قابل يعني
قاطعني وكضب ايدي
- ول يابه طفل ومنج شريد من الله بعد
ضحكت وعلى ضحكتي هو ضحك وباس راسي وحظني بعدها ابتعد وكال
- امشينه نتاكد
كمت بدلت وبدلت لايلو ورائد ومهاب مرتبين تاليها خذانه وطلع مرينه ع المختبر حللت وصدك طلع ايجابي صدك فرحت على فرحت محمد ايلو يمي ومحمد يمو مهاب ورائد وجثير فرحان