الاشاوس والشقراء

البارت 39

#الاشاوس_والشقراء - ... 39 ... -

هلاو حبيباتي
شلونكم

اتمنى منكم عدم النقد والكلام عليه
ناطيتكم موعد وملتزمه بي المن الكلام والنقد والحجي كله بلشين عليه ما تحبون تنتظرون لا تقروها انتظروها تكمل كلها وبلشو اقروهاا
جد بعد اي وحده تتجاوز احظرها واحرمها من الحساب ومن القصه اني مو انسانه متفرغه للكتابه فقط عندي اهل عندي زوج عندي بنت وحامل والي واجبات كثيره وكل اللي تابعن القصه من اولها يدرن شلون ما قصرت وياكم بس هسه مريضه وما الي طاقه اكتب اكثر من بارت

كل الحب للبنوتات اللي ما اسمع منهن واقرا منهن بس الكلام الحلو واليطيب الخاطر 😘

لا تنسون ال ⭐⭐⭐ والتعليقات ع الفقرات تفاعلو ع البارت حبيباتي

#الأشاوس_والشقراء
#بـقـلـم /  أُم اسـد
#البارت التاسع و الثلاثون

-وبلكي وتحس هسه وتجي
وين الله هيچ وتحچي
ويتغير الكل شي گبل
وشگد اصيرن حلوة
حبيتك الحب الصدگ
مو هذا حب النزوه
وصح هيه بلوه بس تره
شمحلاها هاي البلوه

نـاز
فقدت والدم ملانـي ما حسيت الا واني كاعده على فراش فتحت عيوني عمو كدامي اديه يوجعني دحكتهن ملفوفات و مضدمات
دحك عليه بتعب
- لييش يا عمـي مو حرام هالشي السويتي بنيتي الله اهو النطانا الروح واهو الياخذها واحنه مالنا حق هيج نسوي الله يحبج وكتبلج عمر جديد بعد لا تسوين هيج اشياء
اجه عليه باس راسي وحظني
- كطعتي كلبي عليج بويه نصدمت بيج وانتي كلج دم
ابتسمت
- الله يحفظك وما يحرمنه منك عمو
- ويحفظج بنيتي
اجت شمم صكعتني على راسي
- تسمحيلي اكلج صايره حيوانه زياده عن اللزوم شلوون تسوين هييج الله ينطي بت صديق ابويه طلعت ممرضه وجابهه ركض ركض عقمت اديج وكالت ميحتاج خياط مو غمييييج
جرت الكلمه ابتسمت
- وصكع صكعج ربج كون تضحك بت الخوش ناس شلون تخليني اكعد اغردلهه هسه اخليهه تنوح منا لبعد اسبوع
- زي العسل على ئلبي
- غير تستقرر دحكي خالو شافج وكال هاي شبيكم الموت هب عليكم فرد هبه صكعكم ربكم كون صكع صكع
انه الحلوه الحبابه خزرته وكتله وصكعك ربك ويانه ع الواهس ويجوز انت مصيرك تنصكع بجهنم وبئس المصير خالي يبو صگر نوب تلاكف عودة الماسحه وطكني بيهه شلون طكه حلووه ينويززز تلوك لهل جتف
خلاني اتطفرر  اخخ يلساني

- ضبيييي لسانج يبت خالج هذااا يكضبج ويطيح حظج
دحكت عليه صفح
- خااااب دروحي يطكنييي يطكنيي اذا ما اردهه هالطكه طكتين اله انه ما اطلع اختك يـ الياس
جابتلي شوربه شربتهه و كمنه خزرتني
- ناميي يول
- مابيه شي تراا
كمت وراها دخلت للمطبخ نظفته ودخل ابو صگـر دحك عليه
- الحمدلله على سلامتج خالي
- الله يسلمك خالوو
كعد ليغاد و صار الكاونتر بظهره هي كامت صعدت ع الكونتر عود جاي تنظفه كامت ووكعت البهارات كلهه عليه
طفررر طفرره فززيت هي كالتله
- ياااااااا خالوووو سوده عليه الكاري والبابريكااا وكعن عليييك
دحكت عليه وجهه مينشاف شعره ملابسه كلهه بهارات شكله يضحك بس سكتت ستحيت اضحك
نفض وجهه وتناوش بطل الماي ضربهه بي
- صكعج الله وخلصنه منج دهررر مو مره كل الفواين و المصايب من جوه راسج تطلع هساع هذن شيروحهن من ملابسي وخلقتيي
- هااي شبيك خاااال صعبتهه كذاا  ماي وموجود دشش خالي دشش  داخل اجلف نفسك واطلع
دخل للحمام وهي دحكت عليه
- هاي تنحسب طكه بعدد طكه وحده واصفي الحساب
- ولا تكعدين راحه الا يضربج بضربه من ضرباته تموتج
- شحده والله حته اطلعله جعفر البداخلي اقوه منه ترا انه لا عبالج
ابتسمت تحجي وتضحك في سبيل تفرحني بس هي ادري بيهه داخلهه شلون محروك ومتأذي شگد ما انه متأذايه هي اكثر مني
صعدت فوك كعدت وصافنه شوي وصعدت يمي كالت
- صفيت الحساب فتحت عليه الماي الحار بلحمام طفرته شويه وبعدين رجعتله البارد قهرني
صدت لصوره الياس وكفت يمهه رفعت نفسهه وباست خده بلصوره و دكت على جتفه ابتسمت ونزلت دموعهه بـ آن واحد
- افتخرر بيه يخوي انه اخيتك وبنيتك انه مثلك وكلشي ورثته منك يهنيالي بيك وبخوتك صرت اشبهك ما ارتاح اذا ما اخذ حگي مربع
انه سمعت كلامهه و دموعي كامت تهل من كيفهه اجت مسحت دموعي وكالت
- بسس بسس
ظلينه نسولف و مَـر هاليوم عادي ثاني يوم كعدت الصبح نزلت سمعت صوت عمو يحجي بحيره
- هذولي زاهر و ساهر طبگـو ويه طالب ي نوال ومشو بدرب التزوير يردون يزورون تواقيع الياس بتنازل عن املاكه وشركاته ل ساهر و املاك شمم وقسم حوراء لزاهر وحصة الاسـد ياخذهه طالب منهم وانه حاير شنيي الأسـوي لا يسوهه صدك وتبين اوراق اصوليه و يرحن تعب عمره ل الياس گطره ببحر لهذوله العارات النكسين يخسه والله يا حيف هذا اخوويه وياحييف هذولي ولدك يعباس وهم خوان الياس فررق بينهم جبير من السما للكاع الياس الذهب وهذول الحديد المصدي