الاشاوس والشقراء

البارت 57

#الأشاوس_والشقراء
#بـقـلـم /  أُم اسـد
#البارت السابع والخمسون

وأرد ردود
ناي وعود
وعاشگ مِستحي لسانه
واصير انته
وتصير آنه..

لارين
مشيت مسافه باتجاه الباب وحسيت بايد لزمتني كبل وكعت ماعت روحي و ردت افقد كلت هاي نهايتي بعد كلبي راح يوكف ما اتحمل بعد
بس الصحاني وگأنما طلعني من دوامة الخوف الجنت بيها صوته وهو يكول
- لارين لا تخافين هذا انه
طفرت وتشبثت بي وحجيت بلهفه
- قَسْوَر قَسْوَر هذاا انت
زفرر ولزمني من اديه ثنينهم وكومني فجأه ورجعت صوت الرعد قوي بدون وعي جيتت عليه حظنته وبجيت بنحيب
- لا تعوفني والله اخاف قَسْوَر لا تعوفني وحدي بلضلمه وبهالصوت حباب
حظنته اقوه واني بلكوا رافعه نفسي عليه دنكلي ومسح على ظهري وحجه وياي بهدوء ومواساة نوب عدل نفسه ونرفعت عن الكاع ويا
- ما عوفج بس اهدي اهدي
معلكه بي وهو مطوقني ويمسح على شعري وظهري مشه بيه وانه على نفس الحطه وعطره تغلغل ووصل لاعماقي
من الظلام كلشي ماشوف ودافنه راسي بجتفه لحد ما دنك وكعدني وسمعته يستغفر ومدري شحجه
راد يروح جلبت بأيده وكتله
- ويييين رايح وعايفني
- ما رايح بوويه شبيج بس خلي انزل اعاين الكهرباء واجيج
ظليت متمسكه بي
- انت صاحيي يعنيي دتشوفني شلون جاي اخاف وحدي وتريد تخليني هو لو ما الكراكيع انه ماخاف ترا ولا احتاجك
سمعته زفر بعضب
- راح اتجاوزج وما ارد عليج واعذر موقفج ويلا كعدي هنا خل اروح اعاين شصار بلكهرباء واجيج
كمت وهمست
- رجلي على رجلك
- شني مرتي ومادري
- فال الله ولا فالك
بنيره حاده حجه
- لارررين
رديت عليه بنفس النبره
- قَسْوَررررر
مشه وانه لازمه ايده كتله
- شغل فلاش الفون
- مادري وين شمرته الفون
مشيت ويا جاي ننزل الدرج هو كبلي واني ورا عثرت ووكعت عليه نوب صارت دفعه اله ويمكن هم وكع سمعت بس صوته وهو يكول
- اخخ بويه رجلي اشتعلو اهلج لارين

- شغلوو الضوا
رجلي صارت جوايه وظهري على بايات الدرج احس نفسي تكسرت تحركت واذتني رجلي هو كام ديكومني عطت من رجلي خلا ايده على حلكي
- اششش خرب يومج على هالصوت الرنان
- ماكدر امشي رجلي انكسرت
- عرج ما يطكج لتخافين
اجه يمي مد ايده لخصري وبايد وحده شالني جسمي اقشعر ضربته على جتفه
- شكد صاير متستحي بدل ما تشيلني جان ساعدتني وسندتني حته امشي
- مالي خلكج ست الحِسن
- تعبناك استاذ قَسْوَر
- يي والله ثكيله اثگل من كونية الطحين
- لااا بالله استقرر عيني شويه ترا كله وزني 65 منين جبت الاثگل بعد وزين اذا ثكيله شكو شايلني بايد وحده ايبااااه
- لج كافي شكد ترطنين وتححين اشش اشش واحد يبتلي يحجي وياج يتورط
طلعنه برا والمطر قوي نزلني وكال
- ابقي هنا انه اروح للمحوله ظلي انتي لا تتنكعين لان يلوحج ماي
- شغل ضوا شلون تشوف
حجه وهو يمشي باتجاها
- هي من افتحها يشتغل ضوا بس اركدي بمكانج انتي لتنطبين
فركت ايد بايد نص شهر الواحد وبارده تصك صك وانه حافيه احس رجلي صارت قالب ثلج لان الكاع ناكعه بمي اباوع ع السما تبرج عبالك بيها كهرباء وصوت المطر القوي وريحته طيبه
مشيت شوي وتقدمت لكدام ابتعدت عن السقيفه الخاليها بيت خالو ومديت ايدي للمطر كامت تتساقط قطرات المي على ايدي وعلى وجهي غمضت عيوني وتركت الشعور الحلو يداهمني بهذا الجو
بس الصحاني منها صوت الرعد اللي صار كلش قوي وويا هوى وعاصفه قويه اجت حركت كلشي ابتعد صرت جوا النخله فجاه مالت عليه ووكعت سعفه من السعف مالتها عليه ودخلت الشوكه مالتها بايدي نبتت كلش تاذيت هسه اني شمشاني شجابني لهنا
وخرت السعفه من ايدي ومشيت وكلت بهمس
- قَسْوَر وينككك
مشيت مديت ايدي تلمست هاي اني وين عززززا شجابني يم الباب عبرت الكراج كله والحديقه
راسي وشعري تنكع من الماي وملابسي رطبت مشيت وصحته نوبه لاخ اجاني صوته
- لج يالغضبب وين وليتي
- هياااني يم الباب
ثواني واجه عليه لزم ايدي وانه حظت ايده لان تجمدت من البرد اسناني صكت وانه ملابسي بطرك التراك مالت النوم الخفيف كلش نوب انه حظنته تنكعت بلزايد منه جفلت وكتله
- عززاااا نوب نكعتني اكثروياك