الاشاوس والشقراء

البارت 4

#الاشاوس_والشقراء - ... 4 ...

#Shahoda_ShoSho

مساء الخير وردات

شلونجن ان شاء الله بخيرر

استغفرو قليلا ولو بقلوبكم لرفع البلاء والداء عن هذه الامه لان مثل مجاي تشوفون يوميه اصابات كثيره وتعبنه ونفسيتنه كلهه بلنازل من ورا هالازمه هذي"اللهم ادفع الوباء ورد الغطاء بمثابة الامام الحسين والامام العباس ( عليهم السلام) " كثرو من الدعاء والاستغفار وان شاء الله باقرب وقت نخلص من هالوباء وترجع الحياة لطبيعتهه

تفاعلووو بلبارت ورداتي صوتو لا تنسون تضغطون ال ⭐⭐⭐
وتمنشنون لصديقاتكم بلقصه حته تنتشر اكثر حبيباتي

#الأشاوس_والشقراء
#بـقـلـم / أُم اسـد
#البارت الرابع

‏حسناء .. ما يُشقيكِ من عالمٍ؟
ما زال في عينيكِ يحتارُ
وأنتِ يا أغنى أساطِيرهِ
نوّارُه، إن غابَ نوَّارُ
صغيرةٌ أنتِ .. علامَ الأسى
والأرضُ موسيقى وأنوارُ
النّار في يُمناكِ مشبُوبةٌ
والوعدُ في عينيكِ أطوارُ
لا تؤمَنُ العيون إن سالمت
صَحْو العُيون الشهلاء .. أمطارُ

نـاز
ظليت فاقده الوعي لحد ما صحيت وانه راسي يأذيني ونيت من الوجع اللي بجسمي كلو يصرخ من الالم والوجع اريد احجي مالي حيل صديت بلغرفه شني انه وين هذي مو غرفتي وين جابوني نزلت دموعي من حظرني الصار گلـو لييش هَيج صار وياي بجيت على حظي وتمنيت ميته و مرتاحه من هالدنيا وظلمهه ولا كاعده وحاسه بلالم اللي دياكل بجسمي
دحكت على نفسي بنفس الملابس حته الشال نفسو مشمور على راسي شوي ودخل عليه محمد وانه دموعي تنزل جكارتو بأيدو ويدحك عليه بخزر وغضب تكلط عَلَي وجرني من وجهي لعندو وعصر وجهي بين ايدو وگال بفحيح غضب
- كيفتي ويااا كيفتي من نزلتي راسنه بردتي كلبج حطيتي عليه ثلج لو انطيج
- خـو....
دا احجي قاطعني وهو يطفي جكارتو بركبتي عطت من الالم و حاولت اتملص منه ضربني راشدي وعتني من شعري بجيت ما تحملت هو جر شعري لو حسيت روحي دتطلع
مالي قدره للكلام بعد ماگـو شي اكدر انطقه تعبت داخلي يصرخ ويكلهم بسس بسكم ظلم مالي كلمه انه بتكم ليش ما تصدكوني ليش تجذبون الاكولو ليش ما تثقون بيه
ظل يحجي بعدهه طلع نزلت راسي للكاع مالي حيل ارفعو مديت ايدي الو معكد وملعوب بي طوبه تلمستو جان شي معكد بي جريتو اذاني
خليتو شوي كمت بلكوات جسمي كلو يون عَلَي رجيت ظهري ع الحايط و نزلت دموعي من الوجع وانه اعاتبو ليش هيج سويت بيه بيش اذيتك انه شسويتلك حته احصل كل هالالم والاذيه منك يا معتز ليش هيج سويت بيه شني ذنبي اتعذب وانهان بذنب انه ما مسويتو
رجعت رفعت ايدي لراسي تملصت منو الشي اللي متشبك بي فتحتو منو وكضبتو
مسحت عليه جان سوار جلدي وعليه كتابات مسحتوو ووخرت الشعر المتعكد منو و قربتو لعيوني ادحك الكتابات زين غوشت عيوني غمضت فتحت وضحت الرؤيه