الاشاوس والشقراء

البارت 20

مسائووو عمرري
شلونكم يا رب تكونون بخيرر

عمري اطلب منكم طلب وهاي اول مره اطلب منكم يكولون دعوه الغريب مستجابه ودعوة 40 شخص مستجابه لطفاً منكم تدعولي يصير الشي اللي ببالي واللي اريده وافرح بي وما انخذل واخسر هالشي لان كلش غالي عليه ربي يوفقه ويحفظه ويبعد عني وعنه كل شخص حاقد او حاسد يأذي و يأدي لتخريب كلشي ادعولي محتاجه دعواتكم ورداتي 🥺❤️

لا تنسون ال ⭐⭐⭐ والتعليقات ع الفقرات عمري انتوو

#الأشاوس_والشقراء
#بـقـلـم /  أُم اسـد
#البارت العشرون

وخاف احبَك ..
خاف احسبنّك وَطن
وگليبَك يسِد عني بابه
وانه مو ذاك الگبُل
يستقبِل الـ لچمَة برحابَه
لا تحبنّي اني ما أضمِنلك
بسّد ماييّ راح يعيّش وردَك
لا ولا اضمِن دمعتَك
ماتظل ليليه تتبَده اعلى خدَك
مااريد بيوم اخسِرك
لاتحبنّي ..
هوَ بس انتَ السند ظليّت اليه
تخيل اتبده وچفوفَك ماتلمنِي

جـمـره
كعد كبالي وضحك
- اخذتلج ثارج بطريقه غير مباشره
ضحكت
- اكلي يابه خوما محتاجه شي تردين شي
- لا تسلم
- اذا تردين شي كولي او وصي شمم لو امي لا تستحين مني والله انتي بحسبة شمم عندي انه ثلاث خوات وانتي الرابعه والغاليه جمره لا تهتمين لاي شي وهاي طنشيهه انه اسندج دامني موجود ماخلي احد يأذيج واليصيبج ويأذيج بشي بس كليلي اطلعلج روحو والله
- شكرا والله انه هم اعتبرك اخوي ودوم توكف وياي
- شتردين حاظر الشكر لله بعد اخوج
ترخصت منهم ومشيت ادحك ع الخضار والاشجار وين بأي منكقه هذا ما مدحكتو بحياتي ابد جمالوو والجو هين جثيرر حلو وتنعش هيج اجواء حلوه
امشي ومندمجه ويه الجو ومبتسمه ما حسيت الا بأحد سحبني من يدي صار ظهري بقوه ع الشجره توجعت دفعته بس رجع رفعت راسي نصدمت اجت عيني بعينو وللمره الاولى ادحكـو هيج !!!!!
- انه احبج يول وريتي كلبي ور ورب العزه
جفلت ودفعته
- شنيي تحبني صدك تحجي انت
- ايي ورب العزه انه احبج يبت يعني شلون شترديني اسوي حته تصدكين
سكتت متعجبه شوكت لحك يحبني خفت منوو خاف يسوي شي لو خاف تدحكني مرت عمي وتاذيني مشيت واستوقفني صوتو
- دحكي انه احبج جثيرر ومو لعب وياج والله نيتي اخليج مره الي وام جهالي ومستعد هساع اخطبج من عمج ان رضيتي

تصنمت بمكاني من كل عقلو يحجي تكلط عليه جر جنطتي من ايدي تحت صدمتي مدري شسوه بيهه ورجعهه وكال
- احدري لغادي كعدي يمهن لا تظلين تفترين يابه
سكتت و رحت يمهن كعدت وهم كبالنه كاعدين هو والياس يسولفون دحكت عليه ولاول مره انتبهلوو شعرو اسود فاهم مو طويل متوسط ورافعو شوارب خفيفه اسمـر عيونو من ضاربه الشمس بيهن صايرات صفر رموشو كثيفه وطويله لان باينه حيل وحواجبو مطوقه عيونو طويل ومعضل باين جسمو متناسق مالت واحد يلعب حديد
صفنت بعدهه فزيت وطردت هالافكار من راسي التهيت ويه البنات بعدهه رجعنه كبل نمت لان البيت نظيف وماكو شي نمت وهو عل بالي سكن تفكيري ظليت اتعوذ من الشيطان اريد انام ماكدر لحد ما فزيت على صوت الفون يرن نهبطت
دخيلك ربي منو يدكلي هسااع خذيته كبل سديت الصوت رقم غريب دحكت ومارديت خليته يرن لحد ومددت غفيت شوي وفزيت لكيته لهلساع يدك عزااا هذا شرايد دحطت 50 مكالمه فائته دك جاوبت بس ما حجيت داشوف بنيه لو ولد فجأه اجاني صوتو
- بت الاوادم انه اياد وريتي اهلي ور عجلل ليش ما تجاوبين هاااا
نصدمت عرفته صوتو ذاك ووين باين همست برجفه
- صدك تحجي  شكوو شرايد منيي انت
- تحبيني!!!
- استغفرالله ربي ابو صكر ترا انت جبيرر و فاهم عجل شبيك هيج لجيت وياي
- اللله والاكبرررر بت الناس دكلج احبج انه شنييي ما تفتهمين انتييي عگلج شبي مجاي يستوعب انو انه احبج اخطبج ورب العزه مستعد باجر اجي اخطبج
- ومنو كلك انه اريد اتزوج او اصلا اريدك واحبك
- جمرررره لتخبليني بهالمسيه وتخليني اجيج هساع واعرف شسوي
سكتت خايفه
- ابو صكر حباب حل عني عوفني
سكت بعدهه تنهد وكال
- شلونج
- الحمدلله
- بالجذب كولي وانت شلونك شسالفتج انتي ترا دا احجي وياج هيج لان احبج بس وانتي الوحيده الحاجيتهه هيج وجاي اتصرف وياهه هالتصرفات لان حبيتج ودخلتي كلبي عاد لا تتفرعنين عليه وتردين من وره خشمج
- اهووو هاي شبيك اياد ياهو كالك انه جاي احجي من ورا خشمي اصلا طبيعيه و مجاي ارد عليك من ورا خشمي
هديت وظل يحجي وارد عليه بهداوه بس ما نطيته مجال وهو هم ما تجاوز ونزل بلكلام يوم بعد يوم استمر هيج يتصل تعودت عليه حيل واجذب اذا اكول ما حبيته التمست بي كلشي اهتمامو حبو حنيتو خوفو عليه اخفي عليه اذيتي من مرت عمـي وما اكلو بس هو يحس بيه ومن اكلو شمدريك يكلي
- حفظت انفاسج ومن تتخربط يعني متأذايه ومقهوره شبيج جمارتي كولي
ومن صدك يخليني ابجي واطلع القهر البكلبي الو لحد ما بيوم رحنه انه و مرت عمي وبناتهه لبيت عمه نوال دخلنه وسلمـت عليهم وكعدت الياس جان ما موجود بلدوام ولا عمو ابو الياس بس عمه نوال و شمم كعدت يمهه